രണ്ടാം സെമസ്റ്റർ പിജി മൂല്യനിർണയ ക്യാന്പ്
രണ്ടാം സെമസ്റ്റർ എംഎ, എംഎസ്സി, എംഎസ്ഡബ്ല്യൂ (സിയുസിഎസ്എസ്) ജൂണ് 2017 പരീക്ഷയുടെ മൂല്യനിർണയ ക്യാന്പ് താഴെ പറയുന്ന ഷെഡ്യൂൾ പ്രകാരം വിവിധ കേന്ദ്രങ്ങളിൽ നടക്കും. പിജി ക്ലാസുകളിൽ ഒരു വർഷത്തിൽ കൂടുതൽ അധ്യാപന പരിചയമുള്ള അധ്യാപകർ നിർബന്ധമായും പങ്കെടുക്കണമെന്ന് പരീക്ഷാ കണ്ട്രോളർ അറിയിച്ചു.
എട്ടിന് : എംഎ ഇംഗ്ളീഷ് (കോഴിക്കോട് ഗുരുവായൂരപ്പൻ കോളജ്), എംഎസ്ഡബ്ല്യൂ (തൃശൂർ വിമല കോളജ്), എംഎ മലയാളം (പട്ടാന്പി എസ്എൻജിഎസ് കോളജ്). ഒന്പതിന് : എംഎസ് സി സുവോളജി (തൃശൂർ സെന്റ് തോമസ് കോളജ്), എംഎസ്സി കെമിസ്ട്രി (തിരൂരങ്ങാടി പിഎസ്എംഒ കോളജ്). 10ന് : എംഎ ഇക്കണോമിക്സ് (സർവകലാശാലാ കാന്പസ് ടാഗോർ നികേതൻ ഹാൾ), എംഎ ഹിസ്റ്ററി (തിരൂരങ്ങാടി പിഎസ്എംഒ കോളജ്), എംഎസ്സി ബോട്ടണി (പാലക്കാട് ഗവണ്മെന്റ് വിക്ടോറിയ കോളജ്), എംഎസ് സി ഫിസിക്സ് (ഗുരുവായൂർ ശ്രീകൃഷ്ണ കോളജ്), എംഎസ് സി മാത്തമാറ്റിക്സ് (നാട്ടിക എസ്എൻ കോളജ്), എംഎസ് സി കന്പ്യൂട്ടർ സയൻസ് (സർവകലാശാലാ കാന്പസ് ടാഗോർ നികേതൻ ഹാൾ).
പരീക്ഷാഫലം
2017 ജൂലൈയിൽ നടത്തിയ നാലാം സെമസ്റ്റർ എംഎഡ് പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 15 വരെ അപേക്ഷിക്കാം.
പുരുളിയ ചൗ നൃത്തം നാലിന് ക്യാന്പസിൽ
പശ്ചിമ ബംഗാളിലെ പ്രശസ്ത തനത് ഗോത്രകലാരൂപമായ പുരുളിയ ചൗ നൃത്തം നാലിന് വൈകുന്നേരം 6.30ന് സർവകലശാല കാന്പസിൽ അരങ്ങേറും. ലൈബ്രറി പരിസരത്തെ വേദിയിലാണ് അവതരണം. താരാപഥ് രഥകിന്റെ നേതൃത്വത്തിൽ ജയ്പൂരിൽ നിന്നുള്ള 18 കലാകാരന്മാരാണ് അവതരിപ്പിക്കുന്നത്. സ്പിക്മാകേ, സർവകലാശാലാ വിദ്യാർഥി ക്ഷേമവിഭാഗം, കായിക പഠനവിഭാഗം എന്നിവയുടെ ആഭിമുഖ്യത്തിലാണ് സംഘാടനം.
എൻട്രികൾ ക്ഷണിച്ചു
സർവകലാശാലാ മാധ്യമ പഠനവിഭാഗം ഫെബ്രുവരിയിൽ സംഘടിപ്പിക്കുന്ന കമ്മ്യൂണിയൻ മാധ്യമോത്സവത്തിലെ മത്സര ഇനങ്ങളിലേക്ക് കോളജ് വിദ്യാർഥികളിൽ നിന്ന് എൻട്രികൾ ക്ഷണിച്ചു. ഇന്ത്യയിലെവിടെയുമുള്ള അഫിലിയേറ്റഡ് കോളജുകളിലെയും സർവകലാശാലകളിലെയും വിദ്യാർഥികൾക്ക് അപേക്ഷിക്കാം.
സാമൂഹിക പ്രാധാന്യമുള്ള വിഷയങ്ങളിൽ നിർമിച്ച ഷോർട്ട് ഫിലിം (25 മിനുട്ടിൽ താഴെ), പരസ്യ ചിത്രം (മൂന്ന് മിനുട്ട്), ന്യൂസ് വീഡിയോ (15 മിനുട്ട്) എന്നിവയിലേക്കാണ് എൻട്രികൾ ക്ഷണിച്ചത്. ഒരു സ്ഥാപനത്തിൽ നിന്നും ഓരോയിനത്തിലും പരമാവധി രണ്ടു എൻട്രികൾ അയക്കാം. പ്രിൻസിപ്പലിന്റെയോ വകുപ്പ് മേധാവിയുടെയോ സാക്ഷ്യപത്രത്തോടെ എൻട്രികൾ സ്വീകരിക്കുന്ന അവസാന തിയതി 22. വിലാസം: പ്രസിഡന്റ് , കമ്മ്യൂണിക്കേഷൻ ക്ലബ്, ഡിപ്പാർട്ട്മെന്റ് ഓഫ് ജേർണലിസം ആൻഡ് മാസ് കമ്മ്യൂണിക്കേഷൻ, കാലിക്കട്ട് സർവകലാശാല ക്യാന്പസ്, മലപ്പുറം, 673635. എൻട്രികൾ അയക്കുന്നവർ ഷോർട്ട് ഫിലിമിന് 250 രൂപയും പരസ്യ ചിത്രം, ന്യൂസ് വീഡിയോ എന്നിവയ്ക്ക് 100 രൂപയും ഡിഡി ആയോ ഓണ്ലൈൻ വഴിയോ കമ്മ്യൂണിക്കേഷൻ ക്ലബിന്റെ അക്കൗണ്ടിലേക്ക് അയയ്ക്കണം. എസ്ബിഐ കാലിക്കട്ട് യൂണിവേഴ്സിറ്റി അക്കൗണ്ട് നന്പർ: 67386969466, ഐഎഫ്സി എസ്ബിഐഎൻ0070200. വിവരങ്ങൾക്ക്: 9946823812, 9961362627, 04942407361.
ഹിസ്റ്ററി കോണ്ഗ്രസ്
ചരിത്ര പഠനവിഭാഗത്തിന്റെ ആഭിമുഖ്യത്തിൽ 28 മുതൽ 30 വരെ കാന്പസിൽ നടത്തുന്ന 38ാമത് ദക്ഷിണേന്ത്യൻ ചരിത്ര കോണ്ഗ്രസിന്റെ സ്വാഗതസംഘ രൂപീകരണ യോഗം നാളെ ഉച്ചയ്ക്ക് ശേഷം 2.30ന് ചേരും. സർവകലാശാലാ സെമിനാർ കോംപ്ലക്സിൽ വൈസ് ചാൻസലർ ഡോ. കെ. മുഹമ്മദ് ബഷീർ ഉദ്ഘാടനം ചെയ്യും. മുൻ വൈസ് ചാൻസലർ ഡോ. കെ.കെ.എൻ. കുറുപ്പ്, സിൻഡിക്കറ്റ് അംഗങ്ങൾ, വകുപ്പ് മേധാവികൾ, സംഘടനാ പ്രതിനിധികൾ തുടങ്ങിയവർ പങ്കെടുക്കുന്ന യോഗത്തിൽ ചരിത്ര കോണ്ഗ്രസുമായി ബന്ധപ്പെട്ട എല്ലാവരും പങ്കെടുക്കണമെന്ന് ചരിത്ര പഠനവകുപ്പ് മേധാവി ഡോ. പി. ശിവദാസൻ അഭ്യർത്ഥിച്ചു.
സെമിനാർ നാളെ
സ്വാതന്ത്ര്യ സമരസേനാനി മൊയ്യാരത്ത് ശങ്കരന്റെ ആത്മകഥയെക്കുറിച്ച് കാലിക്കട്ട് സർവകലാശാലാ ചരിത്ര പഠനവിഭാഗം ഹാളിൽ നാളെ രാവിലെ 11ന് സെമിനാർ സംഘടിപ്പിക്കുന്നു. ഡോ. രാധിക പി. മേനോനാണ് ഇംഗ്ളീഷിലേക്ക് പരിഭാഷപ്പെടുത്തിയത്. ഡോ. കെ.എൻ. പണിക്കരെഴുതിയ ആമുഖവും വിവർത്തനത്തിലുണ്ട്. മുൻ വൈസ് ചാൻസലർ ഡോ. കെ.കെ.എൻ. കുറുപ്പ് ഉദ്ഘാടനം ചെയ്യും. പൂർത്തിയാക്കപ്പെടാതെപോയ ആത്മകഥയുടെ പൂർണ്ണരൂപം മൊയ്യാരത്ത് ശങ്കരൻ ഫൗണ്ടേഷന്റെ നേതൃത്വത്തിലാണ് ഇംഗ്ളീഷ് ഭാഷയിൽ തയ്യാറാക്കിയത്.
അന്താരാഷ്ട്ര സെമിനാർ ഇന്നുമുതൽ
വംശീയ സംഗീതശാഖകളെക്കുറിച്ച് ത്രിദിന അന്താരാഷ്ട്ര സെമിനാർ ഇന്ന് ആരംഭിക്കും. കാലിഫോർണിയ സർവകലാശാലയിലെ പ്രഫ. ആമി കാതലിൻ ജെയ്റാസ്ഷോയ് ഉൾപ്പെടെ ഇന്ത്യയിലും വിദേശത്തുനിന്നുമുള്ള പ്രതിനിധികൾ പങ്കെടുക്കും. ഉച്ചയ്ക്ക് 2.30ന് വൈസ് ചാൻസലർ ഡോ. കെ. മുഹമ്മദ് ബഷീർ ഉദ്ഘാടനം ചെയ്യും. ആറിന് സമാപിക്കും.