മ്യൂസിക് കോഴ്സുകൾക്ക് കോ-ഓർഡിനേറ്റർ: അപേക്ഷ ക്ഷണിച്ചു
സ്കൂൾ ഓഫ് ഡ്രാമ ആൻഡ് ഫൈൻ ആർട്സിൽ മ്യൂസിക് കോഴ്സുകൾക്ക് കോഓർഡിനേറ്റർ തസ്തികയിൽ കരാർ നിയമനത്തിന് അപേക്ഷ ക്ഷണിച്ചു. സർവകലാശാലാ വെബ്സൈറ്റിലൂടെ ഫെബ്രുവരി രണ്ടിനകം അപേക്ഷിക്കണം. 2017 ഒക്ടോബർ 27ലെ വിജ്ഞാപനപ്രകാരം അപേക്ഷിച്ചവർ വീണ്ടും അപേക്ഷിക്കേണ്ടതില്ല. പ്രായം 2017 ജനുവരി ഒന്നിന് 65 വയസ്. പ്രതിമാസ മൊത്ത വേതനം: 30,800 രൂപ.
പരീക്ഷ
പത്താം സെമസ്റ്റർ ബിബിഎഎൽഎൽബി (2011 സ്കീം) റഗുലർ, സപ്ലിമെന്ററി പരീക്ഷ തൃശൂർ, കോഴിക്കോട് ഗവണ്മെന്റ് ലോ കോളജുകളിൽ 12ന് ആരംഭിക്കും.
എൽഎൽബി (2008 സ്കീം, 2008 മുതൽ പ്രവേശനം) പത്താം സെമസ്റ്റർ (പഞ്ചവത്സരം) സപ്ലിമെന്ററി, ആറാം സെമസ്റ്റർ (ത്രിവത്സരം) റഗുലർ, സപ്ലിമെന്ററി പരീക്ഷ തൃശൂർ, കോഴിക്കോട് ഗവണ്മെന്റ് ലോ കോളേജുകളിൽ 12ന് ആരംഭിക്കും.
എംബിഎ മൂന്നാം സെമസ്റ്റർ (ഫുൾടൈം, പാർട്ട്ടൈം), അഞ്ചാം സെമസ്റ്റർ (പാർട്ട്ടൈം) (സിയുസിഎസ്എസ്) 2016 പ്രവേശനം റഗുലർ, 2013 മുതൽ പ്രവേശനം സപ്ലിമെന്ററി പരീക്ഷ 30ന് ആരംഭിക്കും.
പരീക്ഷാഫലം
2017 ഏപ്രിലിൽ നടത്തിയ വിദൂരവിദ്യാഭ്യാസം നാലാം സെമസ്റ്റർ ബികോം, ബിബിഎ (സിയുസിബിസിഎസ്എസ്) റഗുലർ, സപ്ലിമെന്ററി, ഇംപ്രൂവ്മെന്റ് പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 18 വരെ അപേക്ഷിക്കാം.
ഒന്നാം വർഷ പിജി ഡിപ്ലോമ ഇൻ കൗണ്സലിംഗ് (ജൂലൈ 2017) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 20 വരെ അപേക്ഷിക്കാം.
2017 ജൂണിൽ നടത്തിയ നാലാം സെമസ്റ്റർ എംഎസ്ഡബ്ല്യൂ (സിയുസിഎസ്എസ്) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 20 വരെ അപേക്ഷിക്കാം.
2017 ഏപ്രിലിൽ നടത്തിയ ഫൈനൽ എംഎ ഇംഗ്ളീഷ് റഗുലർ, സപ്ലിമെന്ററി, ഇംപ്രൂവ്മെന്റ് (നോണ് സെമസ്റ്റർ) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 22 വരെ അപേക്ഷിക്കാം.
പുനർമൂല്യനിർണയ ഫലം
ബിവോക് മൂന്നാം സെമസ്റ്റർ (നവംബർ 2015), നാലാം സെമസ്റ്റർ (ഏപ്രിൽ 2016) പരീക്ഷയുടെ പുനർമൂല്യനിർണയ ഫലം വെബ്സൈറ്റിൽ. ഉത്തരക്കടലാസ് തിരിച്ചറിയാനാഗ്രഹിക്കുന്നവർ 15 ദിവസത്തിനകം പരീക്ഷാഭവനുമായി ബന്ധപ്പെടുക.
രണ്ടാം സെമസ്റ്റർ യുജി ഇന്റേണൽ മാർക്ക്
അഫിലിയേറ്റഡ് കോളജുകളിലെ രണ്ടാം സെമസ്റ്റർ യുജി (സിയുസിബിസിഎസ്എസ്) പരീക്ഷയുടെ ഇന്റേണൽ മാർക്ക് 15 വരെയും, അഞ്ചാം സെമസ്റ്റർ 31 വരെയും അപ്ലോഡ് ചെയ്യാം.
ഭിന്നശേഷി ക്ഷേമ പുനരധിവാസത്തിന് നൂറു കോടി രൂപയുടെ പദ്ധതി: വിസി
തേഞ്ഞിപ്പലം: ഭിന്നശേഷിക്കാരുടെ വിദ്യാഭ്യാസവും പുനരധിവാസവും ഉൾപ്പെടെ സമഗ്ര വികസനം ലക്ഷ്യമാക്കിയുള്ള സിഡിഎംആർപി വിപുലീകരിക്കുന്നതിന് പദ്ധതിയുണ്ടെന്ന് കാലിക്കട്ട് സർവകലാശാലാ വൈസ് ചാൻസലർ ഡോ. കെ. മുഹമ്മദ് ബഷീർ അറിയിച്ചു. കമ്യൂണിറ്റി ഡിസെബിലിറ്റി മാനേജ്മെന്റ് ആൻഡ് റീഹാബിലിറ്റേഷൻ പ്രോഗ്രാമിന്റെ രണ്ടാം വാർഷികത്തിന്റെ ഭാഗമായി സർവകലാശാലയിൽ സംഘടിപ്പിച്ച ഭിന്നശേഷിക്കാരുടെ കലാസാംസ്കാരിക മേള ഉദ്ഘാടനം ചെയ്യുകയായിരുന്നു അദ്ദേഹം.
വിപുലീകരണത്തിനായി 100 കോടി രൂപയുടെ പദ്ധതി തയ്യാറാക്കിയിട്ടുണ്ട്. നിലവിൽ സൈക്കോളജി പഠനവകുപ്പിലെ ഒരു വിഭാഗമായാണ് സിഡിഎംആർപി പ്രവർത്തിച്ചുവരുന്നത്. ഈ മേഖലയിൽ പഠനം, ഗവേഷണം, താമസസൗകര്യം, പരിശീലന സംവിധാനങ്ങൾ തുടങ്ങിയവയൊക്കെ ഉൾപ്പെടുന്ന ബൃഹദ് പദ്ധതിയാണ് അംഗീകാരത്തിനായി സമർപ്പിച്ചിട്ടുള്ളതെന്നും അദ്ദേഹം പറഞ്ഞു. സംസ്ഥാന സാമൂഹിക ക്ഷേമ വകുപ്പിന്റെ സാന്പത്തിക സഹായത്തോടെയാണ് കമ്യൂണിറ്റി ഡിസെബിലിറ്റി മാനേജ്മെന്റ് ആൻഡ് റീഹാബിലിറ്റേഷൻ പ്രോഗ്രാം പ്രവർത്തിക്കുന്നത്. നിലവിൽ സൈക്കോളജി പഠനവകുപ്പിന് പുറമെ മലപ്പുറം, കോഴിക്കോട്, കണ്ണൂർ ജില്ലകളിൽ സിഡിഎംആർപി കേന്ദ്രങ്ങൾ പ്രവർത്തിക്കുന്നു. ഭിന്നശേഷിക്കാരുടെ വ്യത്യസ്തമായ കഴിവുകൾ പരമാവധി പ്രയോജനപ്പെടുത്തി മുഖ്യധാരയിലെത്തിക്കുകയാണ് പരിപാടിയുടെ ലക്ഷ്യം. ഇതിനായി രക്ഷിതാക്കളിൽ നിന്നും പൊതുസമൂഹത്തിൽ നിന്നും മികച്ച പിന്തുണ ലഭിക്കുന്നുണ്ടെന്നും വൈസ് ചാൻസലർ പറഞ്ഞു. പ്രോവൈസ് ചാൻസലർ ഡോ.പി.മോഹൻ പങ്കെടുത്തു.
കലോത്സവ വേദിയിൽ കാലിക്കട്ട് സർവകലാശാലയുടെ ഇൻഫർമേഷൻ സെന്റർ
തേഞ്ഞിപ്പലം: തൃശൂർ സംസ്ഥാന സ്കൂൾ കലോത്സവത്തോടനുബന്ധിച്ച് ഹയർ സെക്കൻഡറി ഡയറക്ടറേറ്റ് നടത്തുന്ന കരിയർ മേളയിൽ കാലിക്കട്ട് സർവകലാശാലയുടെ ഇൻഫർമേഷൻ സെന്റർ ശ്രദ്ധാകേന്ദ്രമാകുന്നു. കോഴ്സുകളും സാധ്യതകളും അറിയാനും സർവകലാശാലാ സംബന്ധമായ വിവിധ വിവരങ്ങൾ മനസ്സിലാക്കാനും നൂറ് കണക്കിന് വിദ്യാർഥികൾ എത്തുന്നു. കെ. കരുണാകരൻ മെമ്മോറിയൽ ടൗണ്ഹാളിൽ സജ്ജീകരിച്ച ഇൻഫർമേഷൻ സെന്റർ സർവകലാശാലാ ഏകജാലക പ്രവേശന ഡയറക്ടറേറ്റാണ് നടത്തുന്നത്. ഓണ്ലൈൻ അപേക്ഷകൾ സമർപ്പിക്കുന്നതിനുള്ള മാർഗനിർദ്ദേശങ്ങളും സെന്ററിൽ നിൽകുന്നുണ്ട്.