ബിഎഡ് കേന്ദ്രങ്ങളിൽ പ്രിൻസിപ്പൽ, അസിസ്റ്റന്റ് പ്രഫസർ കരാർ നിയമനം
ടീച്ചർ എഡ്യുക്കേഷൻ കേന്ദ്രങ്ങളിൽ ബിഎഡ് കോഴ്സിന് പ്രിൻസിപ്പൽ, അസിസ്റ്റന്റ് പ്രഫസർ തസ്തികകളിൽ (കോമേഴ്സ് ഒഴികെ) കരാർ നിയമനത്തിന് ഓണ്ലൈൻ അപേക്ഷ ക്ഷണിച്ചു. അവസാന തിയതി ഫെബ്രുവരി ഒന്പത്. പ്രായപരിധി: 2018 ഒന്നിന് 35 വയസ്. നെറ്റ് യോഗ്യതയുള്ളവരുടെ അഭാവത്തിൽ നെറ്റ് ഇല്ലാത്തവരെയും പരിഗണിക്കും. വിവരങ്ങൾ സർവകലാശാലാ വെബ്സൈറ്റിൽ.
ബിരുദ പ്രൈവറ്റ് രജിസ്ട്രേഷൻ വിദ്യാർഥികൾക്ക് ഐഡി കാർഡ്
201718 വർഷത്തിൽ പ്രൈവറ്റ് രജിസ്ട്രേഷൻ മോഡിൽ രജിസ്റ്റർ ചെയ്ത ബിരുദ വിദ്യാർഥികൾക്ക് ഐഡന്റിറ്റി കാർഡുകൾ ഇന്നു മുതൽ www.universityofcalicut.info എന്ന വെബ്സൈറ്റിൽ നിന്നും ഡൗണ്ലോഡ് ചെയ്യാം. അപേക്ഷയിൽ ന്യൂനതകൾ ഉള്ളവർക്ക് പരിഹരിച്ചതിന് ശേഷം മാത്രമേ ഐഡി കാർഡ് ഡൗണ്ലോഡ് ചെയ്യാൻ കഴിയൂ. ഐഡി കാർഡിൽ അപാകതകൾ കാണുന്ന പക്ഷം വിദൂരവിദ്യാഭ്യാസ വിഭാഗത്തിൽ ബന്ധപ്പെട്ട് പരിഹരിക്കണം. ഫോണ് : 0494 2407356 (എൻക്വയറി), 0494 2407371, 2407469, 2407512 (സെക്ഷനുകൾ).
എംബിഎ സ്പെഷൽ സപ്ലിമെന്ററി പരീക്ഷ
എല്ലാ അവസരങ്ങളും കഴിഞ്ഞ എംബിഎ വിദ്യാർഥികൾക്ക് സ്പെഷൽ സപ്ലിമെന്ററി പരീക്ഷ നടത്തുന്നു. അപേക്ഷ സാധാരണ ഫോമിൽ (ഒരോ സെമസ്റ്ററിനും വെവ്വേറെ) 31നകം സമർപ്പിക്കണം. പരീക്ഷാ ഫീസ് പേപ്പറൊന്നിന് 2,500 രൂപ. മാർക്ക് ലിസ്റ്റിന്റെ പകർപ്പ്, ചലാൻ സഹിതം അപേക്ഷിക്കണം. വിജ്ഞാപനം പരിശോധിച്ച് മാത്രം അപേക്ഷ സമർപ്പിക്കുക.
യുജി ഒന്നാം സെമസ്റ്റർ പഠനസാമഗ്രി വിതരണവും കോണ്ടാക്ട് ക്ലാസും
വിദൂരവിദ്യാഭ്യാസം യുജി (സിയുസിബിസിഎസ്എസ്) ഒന്നാം സെമസ്റ്റർ (2017 പ്രവേശനം) വിദ്യാർഥികൾക്കുള്ള പഠനസാമഗ്രി വിതരണം 13ന് നടക്കും. കോണ്ടാക്ട് ക്ലാസ് 14ന് ആരംഭിക്കും. ബിഎസ് സി മാത്സ് കോണ്ടാക്ട് ക്ലാസ് 13ന് ഉച്ചയ്ക്ക് ശേഷം നടക്കും. ടീച്ചർ എഡ്യുക്കേഷൻ കേന്ദ്രങ്ങളിൽ കോണ്ടാക്ട് ക്ലാസും പഠനസാമഗ്രി വിതരണവും ഉണ്ടായിരിക്കുന്നതല്ല. വിവരങ്ങൾ വെബ്സൈറ്റിൽ. ഫോണ് : 0494 2400288, 2407356.