ഒന്നും, മൂന്നും സെമസ്റ്റർ ബിടെക് പരീക്ഷകളുടെ പരീക്ഷാഫീസ് 12 വരെ സ്വീകരിക്കും
സെന്റർ ഫോർ പ്രഫഷണൽ ആൻഡ് അഡ്വാൻസ്ഡ് സ്റ്റഡീസിനു കീഴിലുള്ള തൊടുപുഴ, പുലരിക്കുന്ന് എൻജിനീയറിംഗ് കോളജുകളിലെ ഒന്നും, മൂന്നും സെമസ്റ്റർ ബിടെക് പരീക്ഷകളുടെ പരീക്ഷാഫീസ് 12 വരെ സ്വീകരിക്കും. പരീക്ഷാ രജിസ്ട്രേഷനായി കോളജുകൾക്ക് പോർട്ടൽ ജനുവരി 18 വരെ തുറന്നു പ്രവർത്തനക്ഷമമാക്കിയിട്ടുണ്ട്.
നാലാം സെമസ്റ്റർ എംപിഎഡ് (2015 അഡ്മിഷൻ റെഗുലർ, 2015ന് മുന്പുള്ള അഡ്മിഷൻ സപ്ലിമെന്ററി) ഡിഗ്രി പരീക്ഷകൾ 23ന് ആരംഭിക്കും. അപേക്ഷകൾ 13 വരെയും 50 രൂപ പിഴയോടെ 15 വരെയും 500 രൂപ സൂപ്പർഫൈനോടെ 17 വരെയും സ്വീകരിക്കും. റെഗുലർ വിദ്യാർഥികൾ 150 രൂപയും വീണ്ടുമെഴുതുന്നവർ പേപ്പറൊന്നിന് 30 രൂപ വീതവും സിവി ക്യാന്പ് ഫീസായി പരീക്ഷാഫീസിന് പുറമെ അടയ്ക്കണം. നാലാം സെമസ്റ്റർ റെഗുലർ വിദ്യാർഥികൾ പ്രൊവിഷണൽ ഡിഗ്രി സർട്ടിഫിക്കറ്റ് ഫീസായി 100 രൂപയും അടയ്ക്കണം.
എംജിയിൽ പരീക്ഷാ ഫ്രണ്ട് ഓഫീസ്
എംജി സർവകലാശാലയിൽ മുഴുവൻ സമയ വിദ്യാർഥി സേവന പദ്ധതിയുടെ ഭാഗമായി പരീക്ഷാഭവനിൽ ഫ്രണ്ട് ഓഫീസ് എല്ലാ പ്രവൃത്തിദിനങ്ങളിലും രാവിലെ 7.15 മുതൽ വൈകുന്നേരം 7.15 വരെ പ്രവർത്തിക്കും. പരീക്ഷാസംബന്ധമായ അന്വേഷണങ്ങളും അപേക്ഷകളും പരാതികളും ഫ്രണ്ട് ഓഫീസിൽ സ്വീകരിക്കും. സാധാരണ ഓഫീസ് സമയത്തുള്ള വിദ്യാർഥി ഹെൽപ്പ് ഡെസ്കിന്റെ സേവനങ്ങൾക്ക് പുറമെയാണിത്. ഫ്രണ്ട് ഓഫീസ് ഫോണ് നന്പരുകൾ: 0481 2731000, 2732636, 8330013004, 8330013005, 8330013006, 8330013007, 8330013008, 8330013009.
വാക്ക് ഇൻ ഇന്റർവ്യൂ
എംജി സർവകലാശാലാ വനിതാ ഹോസ്റ്റലുകളിലേക്ക് കരാർ അടിസ്ഥാനത്തിൽ റസിഡന്റ് ട്യൂട്ടർ (മേട്രണ്) നിയമനത്തിന് ജനുവരി 20ന് ഉച്ചകഴിഞ്ഞു 2.30നു വാക്ക് ഇൻ ഇന്റർവ്യൂ നടത്തും. അംഗീകൃത സർവകലാശാലാ ബിരുദവും 50 വയസിൽ താഴെ പ്രായവുമുള്ള സ്ത്രീകൾക്ക് അപേക്ഷിക്കാം. ഹോസ്റ്റലിൽ താമസിക്കുവാൻ തയാറുള്ളവരായിരിക്കണം. പ്രതിഫലം പ്രതിമാസം 15000 രൂപ. താല്പര്യമുള്ളവർ അസൽ സർട്ടിഫിക്കറ്റുകളും പകർപ്പുകളും സഹിതം രാവിലെ 10നു ഭരണവിഭാഗം അസിസ്റ്റന്റ് രജിസ്ട്രാർ ഒന്ന് മുന്പാകെ ഹാജരാകണം. www.mgu.ac.in, 0481 2733302.
ഷോർട്ട് ഫിലിം മത്സരം
എംജി സർവകലാശാലാ യൂണിയന്റെ ആഭിമുഖ്യത്തിൽ ഷോർട്ട്ഫിലിം മത്സരം നടത്തും. ന്ധനിരോധനങ്ങളുടെ കാലത്ത് നിശബ്ദമാകാത്ത കാന്പസുകൾ’ എന്നതാണ് വിഷയം. പങ്കെടുക്കുന്ന കോളജുകൾ 15 മിനിറ്റിലധികം ദീർഘിക്കാത്ത ഷോർട്ട്ഫിലിം സിഡിയിലാക്കി പ്രിൻസിപ്പലിന്റെ സാക്ഷ്യപത്രത്തോടുകൂടി ഫെബ്രുവരി 7ന് മുന്പായി സർവ്വകലാശാലാ യൂണിയൻ ഓഫീസിൽ സമർപ്പിക്കണം. ഒന്നും രണ്ടും മൂന്നും സ്ഥാനങ്ങൾ നേടുന്നവർക്ക് യഥാക്രമം 7777 രൂപയും 5555 രൂപയും 3333 രൂപയും സമ്മാനം ലഭിക്കും.