എംസിജെ പരീക്ഷാഹാൾടിക്കറ്റ്
കണ്ണൂർ സർവകലാശാല മാങ്ങാട്ടുപറന്പ് കാന്പസിലെ ഒന്നാം സെമസ്റ്റർ മാസ് കമ്യൂണിക്കേഷൻ ആൻഡ് ജേർണലിസം (എംസിജെ) പരീക്ഷയുടെ ഹാൾടിക്കറ്റും നോമിനൽ റോളും സർവകലാശാല വെബ്സൈറ്റിൽ ലഭ്യമാണ്.
എംസിഎ പരീക്ഷ മാറ്റിവച്ചു
25 ന് ആരംഭിക്കാനിരിക്കുന്ന അഞ്ചാം സെമസ്റ്റർ എംസിഎ (കോളജ്/ഐടിഇസി സെന്ററുകളിലെ) പരീക്ഷകൾ ഫെബ്രുവരി 20 ന് ആരംഭിക്കുന്ന രീതിയിൽ പുനഃക്രമീകരിച്ചു. യഥാക്രമം ഫെബ്രുവരി ഏഴ്, 19 തീയതികളിൽ ആരംഭിക്കുന്ന മൂന്ന്, ഒന്ന് സെമസ്റ്റർ പരീക്ഷകൾക്കു മാറ്റമില്ല.
ഓണ്ലൈൻ രജിസ്ട്രേഷൻ
ഫെബ്രുവരി എട്ടിന് ആരംഭിക്കുന്ന ഒന്നാം സെമസ്റ്റർ എംബിഎ പരീക്ഷയുടെ ഓണ്ലൈൻ രജിസ്ട്രേഷൻ ഇന്ന് 17 ന് ആരംഭിക്കും. ഒന്നാം സെമസ്റ്റർ എംബിഎ ജനുവരി 2017 പരീക്ഷകളുടെ ഫലം പ്രസിദ്ധീകരിച്ചശേഷം സപ്ലിമെന്ററി വിദ്യാർഥികൾക്ക് അപേക്ഷിക്കാൻ അവസരം നൽകും.
സംവാദം 22 ന്
ബയോടെക്നോളജിയിൽ ഗവേഷണം നടത്തുന്ന പി.ശിഖ എന്ന വിദ്യാർഥിനി പിഎച്ച്ഡി ബിരുദത്തിനായി സമർപ്പിച്ച പ്രബന്ധത്തിന്മേലുള്ള തുറന്ന സംവാദം 22ന് രാവിലെ 11 ന് തലശേരി (പാലയാട്) കാന്പസിലെ സ്കൂൾ ഓഫ് ലൈഫ് സയൻസസിൽ വിഭാഗത്തിൽ നടത്തും. സെമിനാറിനു മൂന്നു ദിവസം മുന്പു മുതൽ പ്രബന്ധം തലശേരി കാന്പസിലെ സ്കൂൾ ഓഫ് ലൈഫ് സയൻസസ് വിഭാഗം ലൈബ്രറിയിൽ പരിശോധനയ്ക്കു ലഭ്യമായിരിക്കും.