വാക്-ഇൻ-ഇന്റർവ്യൂ 20 ന്
കാസർഗോഡ് ഡിപ്പാർട്ട്മെന്റ് ഓഫ് ടീച്ചർ എഡ്യുക്കേഷനിൽ അസിസ്റ്റന്റ് പ്രഫസർ (കന്നഡ) തസ്തികയിൽ കരാറടിസ്ഥാനത്തിലുള്ള നിയമനത്തിനുവേണ്ടിയുള്ള വാക്ഇൻഇന്റർവ്യൂ 20 ന് താവക്കര കാന്പസിൽ നടത്തും. താത്പര്യമുള്ള നെറ്റ്/പിഎച്ച്ഡി യോഗ്യതയുള്ള ഉദ്യോഗാർഥികൾ ആവശ്യമായ രേഖകളും അവയുടെ സ്വയം സാക്ഷ്യപ്പെടുത്തിയ പകർപ്പുകളും 200 രൂപ സർവകലാശാല ഫണ്ടിൽ അടച്ച രസീതുമായി അന്നേ ദിവസം 10 ന് എത്തണം. വിശദവിവരങ്ങൾ സർവകലാശാലയുടെ വെബ്സൈറ്റിൽ (www.kannuruniversity.ac.in) ലഭ്യമാണ്.
നാലാം സെമസ്റ്റർ എൽഎൽബി പരീക്ഷാഫലം
കണ്ണൂർ സർവകലാശാലയുടെ നാലാം സെമസ്റ്റർ ബിഎ എൽഎൽബി (റഗുലർ/സപ്ലിമെന്ററി), ഏപ്രിൽ 2016 പരീക്ഷാഫലം പ്രസിദ്ധീകരിച്ചു. ഫലം സർവകലാശാല വെബ്സൈറ്റിൽ ലഭ്യമാണ്. പുനഃപരിശോധനയ്ക്കും സൂക്ഷ്മപരിശോധനയ്ക്കുമുള്ള അപേക്ഷകൾ 29 വരെ സർവകലാശാലയിൽ സ്വീകരിക്കും.
രണ്ടാം സെമസ്റ്റർ എംഫിൽ വാചാപരീക്ഷ
രണ്ടാം സെമസ്റ്റർ എംഫിൽ ഇംഗ്ലീഷ് ഡിഗ്രി (റഗുലർ/സപ്ലിമെന്ററി), ജൂണ് 2016, വാചാ പരീക്ഷ തലശേരി പാലയാട് കാന്പസിലെ ഡിപ്പാർട്ട്മെന്റ് ഓഫ് സ്റ്റഡീസ് ഇൻ ഇംഗ്ലീഷിൽ 29 ന് രാവിലെ 9. 30 ന് നടത്തും. പരീക്ഷയ്ക്ക് രജിസ്റ്റർ ചെയ്ത വിദ്യാർഥികൾ പരീക്ഷാകേന്ദ്രവുമായി ബന്ധപ്പെടണം.