ഒന്നാം സെമസ്റ്റർ യുജി പരീക്ഷകൾ 23നു തുടങ്ങും
ഒന്നാം സെമസ്റ്റർ യുജി (സിബിസിഎസ്, 2017 അഡ്മിഷൻ റഗുലർ) പരീക്ഷകൾ 23നു ആരംഭിക്കും. ടൈംടേബിൾ വെബ്സൈറ്റിൽ ലഭ്യമാണ്.
ബിഎസ്സി സൂക്ഷ്മപരിശോധന
2016 നവംബറിൽ നടന്ന ഒന്നാം സെമസ്റ്റർ ബിഎസ്സി പരീക്ഷയുടെ ഉത്തരക്കടലാസുകളുടെ സൂക്ഷ്മപരിശോധനയ്ക്കു അപേക്ഷിച്ച വിദ്യാർഥികൾ 22, 23, 24 തീയതികളിൽ യൂണിവേഴ്സിറ്റിയിലെ പുതിയ പരീക്ഷാഭവനിൽ സിഎസ്പി ഏഴാം (റൂം നന്പർ 226) സെക്ഷനിൽ തിരിച്ചറിയൽ രേഖകളുമായി ഹാജരാകണം.
പരീക്ഷാഫലം
2017 ജനുവരിയിൽ നടത്തിയ ഒന്നാം സെമസ്റ്റർ എംഎസ്സി കെമിസ്ട്രി,അനലിറ്റിക്കൽ കെമിസ്ട്രി,അപ്ലൈഡ് കെമിസ്ട്രി,ഫാർമസ്യൂട്ടിക്കൽ കെമിസ്ട്രി, പോളിമർ കെമിസ്ട്രി (സിഎസ്എസ് റഗുലർ) പരീക്ഷകളുടെ ഫലം പ്രസിദ്ധപ്പെടുത്തി. പുനർമൂല്യനിർണയത്തിനും സൂക്ഷ്മപരിശോധനയ്ക്കും ഫെബ്രുവരി രണ്ടു വരെ അപേക്ഷിക്കാം.
പിഎച്ച്ഡി നൽകി
എൻവയോണ്മെന്റൽ സയൻസസിൽ ആർ. ശ്രീജയ, കെമിസ്ട്രിയിൽ എം. ഷീല ഗോപാൽ, മഞ്ജുമോൾ മാത്യു, പി.ആർ. മനോജ്, ജോൺ സിറിയക് എന്നിവർക്കും ബോട്ടണിയിൽ അൽകാ ഇ. വർഗീസ്, ഫിസിക്സിൽ ജിഷ ജോൺ, നിയമത്തിൽ എ. സുഹൃത്കുമാർ, ഇലക്ട്രോണിക്സിൽ മഞ്ജു ഏബ്രഹാം, സംസ്കൃതത്തിൽ വി. അനിജകുമാരി, ഹിന്ദിയിൽ വി.കെ. അശ്വതി, കൊമേഴ്സിൽ പി. മുഗേഷ്, എ. ജെസീന എന്നിവർക്കും ഹിസ്റ്ററിയിൽ ജിനു ജോർജ്, ഇംഗ്ലീഷിൽ പി.വി. ഷിബു, സിറിയക്കിൽ ഫാ. വർഗീസ് പി. വർഗീസ്, തേജസ് പോൾ എന്നിവർക്കും സോഷ്യൽ വർക്കിൽ എസ്.പി. രാജീവിനും പിഎച്ച്ഡി ബിരുദം നൽകുവാൻ തീരുമാനിച്ചു.