സുവർണ ജൂബിലി മെഗാ ക്വിസ് ഫൈനൽ ഇന്ന് കാന്പസിൽ
തേഞ്ഞിപ്പലം: സർവകലാശാലാ തലത്തിൽ സംസ്ഥാനത്ത് നടത്തിയ ഏറ്റവും വിപുലമായ ക്വിസ് പരന്പരയ്ക്ക് ഇന്ന് സമാപനം. കാലിക്കട്ട് സർവകലാശാലാ സുവർണ ജൂബിലി ക്വിസിന്റെ ജില്ലാതല വിജയികൾ പങ്കെടുക്കുന്ന മെഗാ ഫൈനൽ ഇന്ന് സർവകലാശാലാ കാന്പസിലെ സെമിനാർ കോംപ്ലക്സിൽ അരങ്ങേറും.
കോഴിക്കോട്, വയനാട്, മലപ്പുറം, പാലക്കാട്, തൃശൂർ ജില്ലാ ആസ്ഥാനങ്ങളിൽ വെച്ച് നടത്തിയ കോളജുതല ക്വിസ് മത്സരങ്ങളിൽ ഒന്നും രണ്ടും സ്ഥാനങ്ങൾ നേടിയ പത്ത് ടീമുകളാണ് രാവിലെ ഒന്പതിന് ആരംഭിക്കുന്ന മത്സരത്തിൽ മാറ്റുരക്കുക. സെമിഫൈനൽ, ഫൈനൽ റൗണ്ടുകൾ ഉണ്ടാകും. സർവകലാശാലയ്ക്ക് കീഴിലെ വിവിധ കോളേജുകളിൽ നേരത്തെ പ്രാഥമികതല മത്സരങ്ങളും സംഘടിപ്പിച്ചിരുന്നു. ഒന്നാം സ്ഥാനക്കാരായ ടീമിന് സിംഗപ്പൂർ യാത്രയാണ് സമ്മാനം. രണ്ടാം സ്ഥാനക്കാർക്ക് 30,000 രൂപയും മൂന്നാം സ്ഥാനക്കാർക്ക് 10,000 രൂപയും സമ്മാനമായി നൽകും. ജില്ലാതല മത്സരങ്ങളിൽ ഒന്ന്, മുതൽ അഞ്ച് വരെ സ്ഥാനക്കാർക്ക് അതത് വേദികളിൽ തന്നെ സമ്മാനങ്ങൾ നൽകിയിരുന്നു. 25 ടീമുകളിലെ 50 പേർ ഇത്തരത്തിൽ കാഷ് അവാർഡുകൾ നേടി. കാലിക്കട്ട് സർവകലാശാലാ പബ്ലിക് റിലേഷൻസ് വിഭാഗം ജിടെകിന്റെ സഹകരണത്തോടെയാണ് പരിപാടി സംഘടിപ്പിക്കുന്നത്. വൈസ് ചാൻസലർ ഡോ.കെ.മുഹമ്മദ് ബഷീർ സമ്മാനദാനം നിർവഹിക്കും. ക്വിസ് മത്സരത്തിന് കാണികളായി എല്ലാവർക്കും പങ്കെടുക്കാം.
മെഗാ ഫൈനലിൽ പങ്കെടുക്കുന്നവർ:
പാലക്കാട്: പി.എ. അബ്ദുൽ വാഹിദ്കെ.ബി. ജമീർ (പാലക്കാട് വിക്ടോറിയ കോളജ്), കെ.എം. മഞ്ജുഎം.ശ്യാം മോഹൻ (പത്തിരിപ്പാല ഗവണ്മെന്റ് കോളജ്). വയനാട്: അരുണ്രാജ്ഫൈസൽ അബ്ദുള്ള (പുൽപ്പള്ളി പഴശിരാജ കോളജ്), എസ്. അഭിഷേക് രാജ്വൈശാഖ് രാജ് (കൽപ്പറ്റ എൻഎംഎസ്എം ഗവണ്മെന്റ് കോളജ്). കോഴിക്കോട്: പി.ടി. ഹനാൻമൃദുൽ എം. മഹേഷ് (ഫാറൂഖ് കോളജ്), അശ്വതിപി.ടി. ദേവിക (ദേവഗിരി സെന്റ് ജോസഫ്സ് കോളജ്). മലപ്പുറം: ആസിം ഷക്കീർടി. ഷബീർ (കോണ്ടോട്ടി ഇഎംഇഎ കോളജ്), എം.പി. നാസ്മിനഫാത്തിമത് റസ്ല (സർവകലാശാലാ മലയാള പഠനവിഭാഗം). തൃശൂർ: എം.ബി. ഹരികൃഷ്ണൻസഫൽ അഹമ്മദ് (തൃശൂർ ഗവണ്മെന്റ് എഞ്ചിനീയറിംഗ് കോളജ്), കെ. വൈശാഖ്വി. രാഹുൽ (മണ്ണുത്തി ഡോണ് ബോസ്കോ കോളജ്).