മദ്രാസ് ഐഐടിയിൽ സമ്മർ ഫെലോഷിപ്
വിദ്യാർഥികളെ ഉയർന്ന അക്കഡേമിക് നിലവാരമുള്ള പഠന, ഗവേഷണ മേഖലകളുമായി ബന്ധപ്പെടുത്തുന്നതിന് ഐഐടി മദ്രാസ് അവസരമൊരുക്കുന്നു. രണ്ടു മാസത്തെ ഈ സമ്മർ ഫെലോഷിപ് പ്രോഗ്രാമിൽ പങ്കെടുക്കുന്നവർക്കു സ്റ്റൈപ്പൻഡും ലഭിക്കും. മൂന്നാം വർഷ ബിടെക്, ഒന്നാം വർഷ എംടെക്, എംസ് സി, എംഎ, എംബിഎ കോഴ്സുകളിൽ പഠിക്കുന്ന സമർഥരായ വിദ്യാർഥികൾക്കാണ് അപേക്ഷിക്കാവുന്നത്. മേയ് 16ന് ആരംഭിക്കുന്ന കോഴ്സ് ജൂലൈ 15നു സമാപിക്കും. പ്രതിമാസം 6000 രൂപയാണ് സ്റ്റൈപ്പൻഡ്.
ഐഐടിയിലെ എൻജിനിയറിംഗ്, മാനേജ്മെന്റ്, ഹ്യുമാനിറ്റീസ്,സയൻസ് ഡിപ്പാർട്ടുമെന്റുകൾ സംയുക്തമായാണു പരിപാടി സംഘടിപ്പിക്കുന്നത്. അപേക്ഷ സമർപ്പിക്കേണ്ട അവസാന തീയതി ഫെബ്രുവരി 28. ഓണ്ലൈനായി വേണം അപേക്ഷ സമർപ്പിക്കാൻ.
കൂടുതൽ വിവരങ്ങൾക്ക്: അക്കാഡമിക് കോഴ്സസ്, ഐഐടി മദ്രാസ്,ചെന്നൈ600 036. ഫോണ്: +91442257 8035 / 8048. വെബ്സൈറ്റ്:htt ps://sfp.iitm.ac.in