ബിഎസ്‌സി പ്രാക്ടിക്കൽ
2017 ഡിസംബറിൽ നടത്തിയ അഞ്ചാം സെമസ്റ്റർ സിബിസിഎസ് ബിഎസ്‌സി ബോട്ടണി, ബയോ കെമിസ്ട്രി, കെമിസ്ട്രി, സുവോളജി പരീക്ഷകളുടെ പ്രാക്ടിക്കൽ ഫെബ്രുവരി അഞ്ച് മുതൽ അതതു കോളജുകളിൽ നടക്കും. ടൈംടേബിൾ വെബ്സൈറ്റിൽ ലഭിക്കും.
പരീക്ഷ മാറ്റി
ഇന്നു നടത്താനിരുന്ന രണ്ടാം വർഷ ബിഎസ്‌സി നഴ്സിംഗ് സപ്ലിമെന്‍ററി/മേഴ്സിചാൻസ് പരീക്ഷ 29ലേക്ക് മാറ്റി. പരീക്ഷാ സമയത്തിന് മാറ്റമില്ല.
അപേക്ഷകൾ ക്ഷണിക്കുന്നു
കാര്യവട്ടം കാന്പസിലെ മൂന്ന് വനിതാഹോസ്റ്റലുകളിലേക്കായി ദിവസവേതന (630 രൂപ) അടിസ്ഥാനത്തിൽ (89 ദിവസത്തേക്ക്) ശുചീകരണ ജോലിക്കും അടുക്കള ജോലിക്കുമായി വനിതകളിൽ നിന്ന് അപേക്ഷകൾ ക്ഷണിക്കുന്നു. അപേക്ഷകൾ വെള്ളകടലാസിൽ വാർഡൻ, വനിതാഹോസ്റ്റൽ, കേരള സർവകലാശാല, കാര്യവട്ടം ക്യന്പസ് 695581 എന്ന മേൽവിലാസത്തിൽ എത്തിക്കണം. ശ്രീകാര്യം മേഖലയിലെ കുടുംബശ്രീ യൂണിറ്റിലെ വനിതകൾക്കും സമീപവാസികൾക്കും മുൻഗണന നൽകും. അപേക്ഷകൾ സ്വീകരിക്കുന്ന അവസാന തീയതി 31 വൈകുന്നേരം നാല്. നിശ്ചിത തീയതിക്കു ശേഷം ലഭിക്കുന്ന അപേക്ഷകൾ സ്വീകരിക്കുന്നതല്ല. വിശദവിവരങ്ങൾക്ക് ഫോണ്: 04712308808/9495518943.
എംഫിൽ ഫലം
2017 ഒക്ടോബറിൽ നടത്തിയ 20162017 ബാച്ച് (സിഎസ്എസ്) എംഫിൽ മലയാളം ലാംഗ്വേജ് ആൻഡ് ലിറ്ററേച്ചർ, കംപ്യൂട്ടേഷണൽ ലിംഗ്വിസ്റ്റിക്സ്, ഡെമോഗ്രാഫി പരീക്ഷാഫലം പ്രസിദ്ധീകരിച്ചു.
എംഎഫ്എ പരീക്ഷ
29ന് ആരംഭിക്കുന്ന മൂന്നാം സെമസ്റ്റർ എംഎഫ്എ (പെയിന്‍റിംഗ് ആൻഡ് സ്കൾപ്ച്ചർ), നാലാം സെമസ്റ്റർ എംഎഫ്.എ സ്കൾപ്ച്ചർ പരീക്ഷകളുടെ ടൈംടേബിൾ വെബ്സൈറ്റിൽ ലഭിക്കും.
ബിഎ എംഎസ് പ്രാക്ടിക്കൽ
30ന് ആരംഭിക്കുന്ന മൂന്നാം വർഷ ബിഎ എംഎസ് (പ്രാക്ടിക്കൽ) പരീക്ഷയുടെ വിശദവിവരങ്ങൾ വെബ്സൈറ്റിൽ ലഭിക്കും. അപേക്ഷകർ തിരുവനന്തപുരം ഗവ.ആയുർവേദ കോളജ്, പൂജപ്പുര ഗവ. ആയുർവേദ കോളജ് പഞ്ചകർമ ഹോസ്പിറ്റൽ, പൂജപ്പുര ഗവ. ആയുർവേദ കോളജ് ഹോസ്പിറ്റൽ ഫോർ വിമൻ ആൻഡ് ചിൽഡ്രൻ എന്നീ പരീക്ഷാകേന്ദ്രങ്ങളിൽ ഹാജരാകണം.
എംഎ, എംഎസ്‌സി ഫലം
2017 ജനുവരിയിൽ നടത്തിയ മൂന്നാം സെമസ്റ്റർ എംഎ സോഷ്യോളജി, എംഎ ഫിലോസഫി, എംഎസ്‌സി ഹോംസയൻസ്, എംഎസ്‌സി എൻവയോണ്മെന്റൽ സയൻസ്, എംഎസ്‌സി സൈക്കോളജി, എംഎസ്ഡബ്ലിയു പരീക്ഷകളുടെ ഫലം വെബ്സൈറ്റിൽ ലഭിക്കും.