സഹകരണ ബാങ്കുകളിൽ 39 ഒഴിവുകൾ
സംസ്ഥാനത്തെ സഹകരണ ബാങ്കുകളിൽ സിസ്റ്റം അഡ്മിനിസ്ട്രേറ്റർ, ഡേറ്റാ എൻട്രി ഓപ്പറേറ്റർ തസ്തികയിലെ 39 ഒഴിവുകളിലേക്ക് സഹകരണ സർവീസ് പരീക്ഷാ ബോർഡ് അപേക്ഷ ക്ഷണിച്ചു. അപേക്ഷ സ്വീകരിക്കുന്ന അവസാന തീയതി ഫെബ്രുവരി 16.
സിസ്റ്റം അഡ്മിനിസ്ട്രേറ്റർ
യോഗ്യത: ഇൻഫർമേഷൻ ടെക്നോളജിയിൽ നിന്നുള്ള ബിടെക് ബിരുദം/ കംപ്യൂട്ടർ സയൻസ്/ എംസിഎ. സാന്പത്തിക ഇടപാടു സ്ഥാപനത്തിൽ സിസ്റ്റം അഡ്മിനിസ്ട്രേറ്റർ തസ്തികയിൽ ജോലി ചെയ്തു രണ്ടു വർഷത്തെ പ്രവൃത്തിപരിചയം.
ഡേറ്റാ എൻട്രി ഓപ്പറേറ്റർ
യോഗ്യത: അംഗീകൃത സർവകലാശാലയിൽനിന്നുള്ള ബിരുദം. ഡേറ്റാ എൻട്രി സർട്ടിഫിക്കറ്റും ഒരു വർഷത്തെ പ്രവൃത്തിപരിചയവും.
അപേക്ഷിക്കേണ്ട വിധം: www.cs ebkerala.org എന്ന വെബ്സൈറ്റിൽ അപേക്ഷാ ഫോമിന്റെ മാതൃക ലഭിക്കും. യോഗ്യതകൾ തെളിയിക്കുന്ന സർട്ടിഫിക്കറ്റുകളുടെ പകർപ്പു സഹിതം അപേക്ഷിക്കുക. വിലാസം: സെക്രട്ടറി സഹകരണ സർവീസ് പരീക്ഷാ ബോർഡ്, കേരള സംസ്ഥാന സഹകരണ ബാങ്ക് ബിൽഡിംഗ്, ഓവർബ്രിഡ്ജ്, ജനറൽ പോസ്റ്റ് ഓഫീസ്, തിരുവനന്തപുരം: 695001.