മോഹൻലാലിനും പി.ടി. ഉഷയ്ക്കും ഡിലിറ്റ്: കാന്പസിലെ ഓഫീസുകൾക്ക് 29ന് ഉച്ചവരെ അവധി
ചലച്ചിത്ര താരം മോഹൻലാൽ, കായിക താരം പി.ടി. ഉഷ എന്നിവർക്ക് ഡിലിറ്റ് സമ്മാനിക്കുന്നതിനാൽ കാലിക്കട്ട് സർവകലാശാലാ കാന്പസിലെ അധ്യാപകർക്കും അധ്യാപകേതര ജീവനക്കാർക്കും 29ന് ഉച്ചവരെ അവധിയായിരിക്കും. അതിനാൽ വിദ്യാർഥികൾ ആ ദിവസം വിവിധ ആവശ്യങ്ങൾക്കായി കാന്പസിലെത്തുന്നത് ഒഴിവാക്കേണ്ടതാണ്. കാന്പസിലെ പഠനവകുപ്പുകൾക്ക് അന്ന് അക്കഡേമിക് അവധിയായിരിക്കും. സർവകലാശാലാ ലൈബ്രറിയും ഉച്ചവരെ പ്രവർത്തിക്കുന്നതല്ല.
റേഡിയേഷൻ ഫിസിക്സ് അസിസ്റ്റന്റ് പ്രഫസർ നിയമനം
സ്വാശ്രയ എംഎസ് സി റേഡിയേഷൻ ഫിസിക്സിന് അസിസ്റ്റന്റ് പ്രഫസർ തസ്തികയിൽ കരാർ നിയമനത്തിന് ഓണ്ലൈൻ അപേക്ഷ ക്ഷണിച്ചു. അവസാന തിയതി ഫെബ്രുവരി 26. വിരമിച്ച 65 വയസിൽ താഴെയുള്ള അധ്യാപകർക്കും അപേക്ഷിക്കാം. വിവരങ്ങൾ www.universityofcalicut.info എന്ന വെബ്സൈറ്റിൽ.
യുജി ആറാം സെമസ്റ്റർ പുനഃപ്രവേശനം
അഫിലിയേറ്റഡ് കോളജുകളിൽ 2014, 2015 വർഷങ്ങളിൽ ബിഎ, ബികോം, ബിഎസ് സി മാത്സ്, ബിബിഎ (സിയുസിബിസിഎസ്എസ്) കോഴ്സുകൾക്ക് ചേർന്ന് ഒന്ന് മുതൽ അഞ്ച് വരെ സെമസ്റ്റർ പരീക്ഷകൾ എഴുതിയ ശേഷം തുടർപഠനം നടത്താനാവാത്തവർക്ക് എസ്ഡിഇ വഴി ആറാം സെമസ്റ്ററിൽ പഠനം തുടരാം. ഓണലൈനായി അപേക്ഷിക്കാനുള്ള തിയതി നൂറ് രൂപ പിഴയോടെ ഫെബ്രുവരി ഒന്പത് വരെ നീട്ടി. ഗസറ്റഡ് ഓഫീസർ സാക്ഷ്യപ്പെടുത്തിയ അപേക്ഷയുടെ പ്രിന്റൗട്ട്, വിജ്ഞാപനത്തിൽ പറഞ്ഞ രേഖകൾ സഹിതം ഡയറക്ടർ, സ്കൂൾ ഓഫ് ഡിസ്റ്റൻസ് എഡ്യുക്കേഷൻ, യൂണിവേഴ്സിറ്റി ഓഫ് കാലിക്കറ്റ്, കാലിക്കട്ട് യൂണിവേഴ്സിറ്റി പി.ഒ, 673 635 എന്ന വിലാസത്തിൽ ഫെബ്രുവരി 13നകം ലഭിക്കണം. വിവരങ്ങൾ വെബ്സൈറ്റിൽ. ഫോണ് : 0494 2407356, 2400288.
പരീക്ഷ
എംസിഎ അഞ്ചാം സെമസ്റ്റർ സപ്ലിമെന്ററി പരീക്ഷ ഫെബ്രുവരി 14ന് ആരംഭിക്കും.
മൂന്നാം സെമസ്റ്റർ എംഎസ് സി ഹെൽത്ത് ആന്റ് യോഗ തെറാപ്പി റഗുലർ, സപ്ലിമെന്ററി പരീക്ഷ ഫെബ്രുവരി 14ന് ആരംഭിക്കും.
ഒന്നാം സെമസ്റ്റർ എംആർക് റഗുലർ, സപ്ലിമെന്ററി പരീക്ഷ ഫെബ്രുവരി 16ന് ആരംഭിക്കും.
പരീക്ഷാഫലം
ഒന്ന്, രണ്ട് സെമസ്റ്റർ ബിടെക്, പാർട്ട്ടൈം ബിടെക് (09 സ്കീം, 14 സ്കീം) ഏപ്രിൽ 2017 പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് ഫെബ്രുവരി 14 വരെ അപേക്ഷിക്കാം.
2017 ജൂണിൽ നടത്തിയ നാലാം സെമസ്റ്റർ എംഎസ് സി ഫുഡ് സയൻസ് ആന്റ് ടെക്നോളജി (സിയുസിഎസ്എസ്) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് ഫെബ്രുവരി ഒന്പത് വരെ അപേക്ഷിക്കാം.
നാലാം സെമസ്റ്റർ എംപിഎഡ് ജൂലൈ 2017 പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് ഫെബ്രുവരി 12 വരെ അപേക്ഷിക്കാം.
2017 ഏപ്രിലിൽ നടത്തിയ ഫൈനൽ എംഎ മലയാളം റഗുലർ, സപ്ലിമെന്ററി, ഇംപ്രൂവ്മെന്റ് (നോണ് സെമസ്റ്റർ) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് ഫെബ്രുവരി അഞ്ച് വരെ അപേക്ഷിക്കാം.
ബികോം, ബിബിഎ പുനർമൂല്യനിർണയ ഫലം
രണ്ടാം സെമസ്റ്റർ ബികോം, ബിബിഎ (സിസിഎസ്എസ്) സപ്ലിമെന്ററി, ഇംപ്രൂവ്മെന്റ് ഏപ്രിൽ 2016 പരീക്ഷകളുടെ പുനർമൂല്യനിർണയ ഫലം വെബ്സൈറ്റിൽ.