പ്രൈവറ്റ് ബിഎ, ബികോം പരീക്ഷാകേന്ദ്രം
അഞ്ചും ആറും സെമസ്റ്റർ പ്രൈവറ്റ് രജിസ്ട്രേഷൻ ബിഎ, ബികോം വിദ്യാർഥികൾ പരീക്ഷാ അപേക്ഷയിൽ മൂന്ന് പരീക്ഷാകേന്ദ്രങ്ങൾ സൂചിപ്പിക്കേണ്ടതും, അതിൽ നിന്നും സർവകലാശാല അനുവദിക്കുന്ന കേന്ദ്രത്തിൽ പരീക്ഷയെഴുതേണ്ടതുമാണ്.
പരീക്ഷാ തീയതി
ഒന്നാം സെമസ്റ്റർ എംബിഎ (പുതിയ സ്കീം 2017 അഡ്മിഷൻ റഗുലർ, 2014 2016 അഡ്മിഷൻ സപ്ലിമെന്ററി) പരീക്ഷകൾ 20ന് ആരംഭിക്കും.
അപേക്ഷാ തീയതി
2017 ജനുവരിയിൽ നടത്തിയ ഒന്നാം സെമസ്റ്റർ എംഎ, എംഎസ്സി, എംകോം, എംസിജെ, എംഎസ്ഡബ്ല്യു, എംടിഎ. (2016 അഡ്മിഷൻ) ഇംപ്രൂവ്മെന്റ് പരീക്ഷയിൽ പരാജയപ്പെട്ട വിദ്യാർഥികളുടെയും അപേക്ഷകൾ എട്ടുവരെയും 50 രൂപ പിഴയോടെ ഒന്പതു വരെയും 500 രൂപ സൂപ്പർഫൈനോടെ 12 വരെയും സ്വീകരിക്കും. അപേക്ഷകൾ ബന്ധപ്പെട്ട പരീക്ഷാ വിഭാഗം അസിസ്റ്റന്റ് രജിസ്ട്രാർക്ക് സമർപ്പിക്കണം. ഇന്േറണൽ മാർക്കുകൾ പരീക്ഷ ആരംഭിച്ച് 15 ദിവസത്തിനുള്ളിൽ അപ്ലോഡ് ചെയ്യേണ്ടതാണ്.
എംഫിൽ: സംവരണ സീറ്റൊഴിവ്
സ്കൂൾ ഓഫ് ബയോസയൻസസിൽ നടത്തുന്ന എംഫിൽ ബയോസയൻസ് കോഴ്സിൽ പട്ടിക വർഗ വിഭാഗക്കാർക്കായി സംവരണം ചെയ്തിട്ടുള്ള ഒരു സീറ്റൊഴിവുണ്ട്. താല്പര്യമുള്ള വിദ്യാർഥികൾ എല്ലാ അസൽ സർട്ടിഫിക്കറ്റുകളുമായി 15നു രാവിലെ 11നു സ്കൂൾ ഓഫ് ബയോസയൻസസ് ഡയറക്്ടർ മുന്പാകെ ഹാജരാകണം. എംഎസ്സി ബയോഫിസിക്സ്, മൈക്രോബയോളജി , ബയോടെക്നോളജി, ബയോകെമിസ്ട്രി എന്നിവയിലേതെങ്കിലുമാണ് അടിസ്ഥാന യോഗ്യത. ഫോണ്: 0481 2731035.
പരീക്ഷാഫലം
2017 ജൂണ് മാസം നടത്തിയ രണ്ടും മൂന്നും സെമസ്റ്റർ എംടെക് (സപ്ലിമെന്ററി) പരീക്ഷയുടെ ഫലം പ്രസിദ്ധപ്പെടുത്തി. സൂക്ഷ്മപരിശോധനയ്ക്കു 17 വരെ അപേക്ഷിക്കാം.
2017 നവംബറിൽ നടത്തിയ ഒന്നാം സെമസ്റ്റർ എംഎസ്സി (സ്പെഷൽ) ക്ലിനിക്കൽ ന്യൂട്രീഷൻ ആൻഡ് ഡയറ്റെറ്റിക്സ് (സപ്ലിമെന്ററി) പരീക്ഷയുടെ ഫലം പ്രസിദ്ധപ്പെടുത്തി. പുനർമൂല്യനിർണയത്തിനും സൂക്ഷ്മപരിശോധനയ്ക്കും 19 വരെ അപേക്ഷിക്കാം.
2017 ജനുവരിയിൽ നടത്തിയ ഒന്നാം സെമസ്റ്റർ എംഎസ്സി ഹോം സയൻസ് (പിജി സിഎസ്എസ്) ചൈൽഡ് ഡെവലപ്മെന്റ് ആൻഡ് ഫാമിലി സയൻസ്, കമ്മ്യൂണിറ്റി ആൻഡ് ഫാമിലി സയൻസ് പരീക്ഷകളുടെ ഫലം പ്രസിദ്ധപ്പെടുത്തി. പുനർമൂല്യനിർണയത്തിനും സൂക്ഷ്മപരിശോധനയ്ക്കും 12 വരെ അപേക്ഷിക്കാം.
2017 ജനുവരിയിൽ നടത്തിയ ഒന്നാം സെമസ്റ്റർ എംഎസ്സി ബയോകെമിസ്ട്രി (റഗുലർ) പരീക്ഷയുടെ ഫലം പ്രസിദ്ധപ്പെടുത്തി. പുനർമൂല്യനിർണയത്തിനും സൂക്ഷ്മപരിശോധനയ്ക്കും 21 വരെ അപേക്ഷിക്കാം.
2017 ജനുവരിയിൽ നടന്ന ഒന്നാം സെമസ്റ്റർ എംഎ മോഹിനിയാട്ടം, ഭരതനാട്യം, മ്യൂസിക് വയലിൻ (റഗുലർ) പരീക്ഷകളുടെ ഫലം പ്രസിദ്ധപ്പെടുത്തി. പുനർമൂല്യനിർണയത്തിനും സൂക്ഷ്മപരിശോധനയ്ക്കും 23 വരെ അപേക്ഷിക്കാം.