മൂന്നാം സെമസ്റ്റർ ബിടെക് ഹ്യുമാനിറ്റീസ് പരീക്ഷ മാറ്റി
ഇന്നു നടത്താൻ നിശ്ചയിച്ചിരുന്ന മൂന്നാം സെമസ്റ്റർ ബിടെക് (സപ്ലിമെന്ററി 2007 അഡ്മിഷൻ മുതൽ പാർട്ട് ടൈം ഉൾപ്പെടെ) പരീക്ഷയുടെ ഹ്യുമാനിറ്റീസ് പരീക്ഷ 21 ലേക്ക് മാറ്റി. മറ്റു പരീക്ഷകൾക്ക് മാറ്റമില്ല. പുതുക്കിയ ടൈംടേബിൾ വെബ്സൈറ്റിൽ ലഭ്യമാണ്.
ഒന്നും രണ്ടും വർഷ ബിരുദ (വിദൂരവിദ്യാഭ്യാസം) പരീക്ഷകൾ
ഒന്നും രണ്ടും വർഷ ബിരുദ (വിദൂരവിദ്യാഭ്യാസം) പരീക്ഷകൾ യഥാക്രമം മേയ് രണ്ട്, ഏപ്രിൽ 19 തീയതികളിൽ ആരംഭിക്കും. രണ്ടാം വർഷ പരീക്ഷകൾക്കുള്ള ഓണ്ലൈൻ രജിസ്ട്രേഷൻ 12 മുതൽ ആരംഭിക്കും. മാർച്ച് രണ്ടു വരെ പിഴയില്ലാതെയും 150 രൂപ പിഴ സഹിതം മാർച്ച് ഏഴു വരെയും അപേക്ഷിക്കാം. അപേക്ഷയുടെ പ്രിന്റൗട്ട് ചലാൻ സഹിതം മാർച്ച് 14 വരെ സർവകലാശാലയിൽ സ്വീകരിക്കും. ഒന്നാം വർഷ പരീക്ഷകൾക്കുള്ള റജിസ്ട്രേഷൻ മാർച്ച് എട്ടിന് ആരംഭിക്കും. അപേക്ഷകൾ പിഴയില്ലാതെ മാർച്ച് 19 വരെയും 150 രൂപ പിഴ സഹിതം മാർച്ച് 23 വരെയും ഓണ്ലൈനായി സമർപ്പിക്കാം. അപേക്ഷയുടെ പ്രിന്റൗട്ട് ചലാൻ സഹിതം മാർച്ച് 30 വരെ സർവകലാശാലയിൽ സ്വീകരിക്കും. ഫീസ് വിവരം ഇപ്രകാരമാണ്. തിയറി റഗുലർ 70 രൂപ (ബിസിഎ 120), സപ്ലിമെന്ററി, ഇംപ്രൂവ്മെന്റ് 100 രൂപ (ബിസിഎ 130), പ്രാക്ടിക്കൽ80 രൂപ (ബിസിഎ 180), പ്രോജക്ട് 70 രൂപ(ബിസിഎ 200), വൈവ110 രൂപ, മാർക്ക് ലിസ്റ്റ് 60 രൂപ, ക്യാന്പ് ഫീസ് 150 രൂപ, സെന്റർ ഫീ 25 രൂപ, അപേക്ഷാഫോം ഫീസ് 40 രൂപ
നാലാം സെമസ്റ്റർ എംബിഎ പരീക്ഷാഫലം
നാലാം സെമസ്റ്റർ എംബിഎ, ഏപ്രിൽ 2017 (സിസിഎസ് എസ് പഠനവകുപ്പ്) പരീക്ഷാഫലം പ്രസിദ്ധീകരിച്ചു. ഫലം സർവകലാശാല വെബ്സൈറ്റിൽ ലഭ്യമാണ്.
സംവാദം
ബയോകെമിസ്ട്രിയിൽ ഗവേഷണം നടത്തുന്ന ജോബി ജോസ് തന്റെ പിഎച്ച്ഡി ബിരുദത്തിനായി സമർപ്പിച്ച പ്രബന്ധത്തിൻമേലുള്ള തുറന്ന സംവാദം (ഓപ്പണ് ഡിഫൻസ്) 12ന് രാവിലെ 11ന് സർവകലാശാലയുടെ പയ്യന്നൂർ ആനന്ദതീർഥ ക്യാന്പസിലെ സ്കൂൾ ഓഫ് കെമിക്കൽ സയൻസസ് വിഭാഗത്തിൽ നടക്കും. പ്രബന്ധം സെമിനാറിന് മൂന്നു ദിവസം മുന്പ് മുതൽ സ്കൂൾ ഓഫ് കെമിക്കൽ സയൻസസ് വിഭാഗം ലൈബ്രറിയിൽ പരിശോധനയ്ക്ക് ലഭിക്കും.