പ്രൈവറ്റ് ബിഎ, ബികോം അപേക്ഷാ തീയതി
അഞ്ചും ആറും സെമസ്റ്റർ ബിഎ,ബികോം (പ്രൈവറ്റ് രജിസ്ട്രേഷൻ, സിബിസിഎസ്എസ്) പരീക്ഷകൾക്കു 15 വരെയും 50 രൂപ പിഴയോടെ 16 വരെയും 500 രൂപ സൂപ്പർഫൈനോടെ 20 വരെയും അപേക്ഷിക്കാം. സെമസ്റ്റർ ഒന്നിന്, 20 രൂപ വീതം അപേക്ഷാഫോറത്തിന്റെ വിലയായും 100 രൂപ വീതം സിവി ക്യാന്പ് ഫീസായും, പ്രൊവിഷണൽ ഡിഗ്രി സർട്ടിഫിക്കറ്റ് ഫീസായി 100 രൂപയും നിശ്ചിത പരീക്ഷാഫീസിനൊപ്പം അടയ്ക്കണം. അപേക്ഷാഫോം www.mgu.ac.in എന്ന വെബ്സൈറ്റിൽനിന്നും ഡൗണ്ലോഡ് ചെയ്യാം. ഫീസ് epay.mgu.ac.in എന്ന വെബ്സൈറ്റിലൂടെ ഇ പേയ്മെന്റ് ആയി അടയ്ക്കണം. അഞ്ചും ആറും സെമസ്റ്റർ പ്രൈവറ്റ് രജിസ്ട്രേഷൻ ബിഎ,ബികോം വിദ്യാർഥികൾ പരീക്ഷാ അപേക്ഷയിൽ മൂന്ന് പരീക്ഷാകേന്ദ്രങ്ങൾ സൂചിപ്പിക്കേണ്ടതും, അതിൽനിന്നും സർവകലാശാല അനുവദിക്കുന്ന കേന്ദ്രത്തിൽ പരീക്ഷയെഴുതേണ്ടത്. ബിഎ അപേക്ഷകൾ പരീക്ഷാവിഭാഗം അസിസ്റ്റന്റ് രജിസ്ട്രാർക്കും ബികോം അപേക്ഷകൾ പരീക്ഷാവിഭാഗം അസിസ്റ്റന്റ് രജിസ്ട്രാർക്കും സമർപ്പിക്കണം. നിശ്ചിത തീയതിക്കുശേഷം ലഭിക്കുന്ന അപേക്ഷകൾ പരിഗണിക്കുന്നതല്ല.
ഒന്നാം സെമസ്റ്റർ എംഎ,എംഎസ്സി,എംകോം,എംസിജെ,എംഎസ്ഡബ്ല്യു,എംടിഎ (2017 അഡ്മിഷൻ റഗുലർ/2016 അഡ്മിഷൻ സപ്ലിമെന്ററി) പരീക്ഷകൾക്ക് 12 വരെയും 50 രൂപ പിഴയോടെ 13 വരെയും 500 രൂപ സൂപ്പർഫൈനോടെ 14 വരെയും അപേക്ഷിക്കാം.
പ്രാക്ടിക്കൽ
2018 ജനുവരിയിൽ നടത്തിയ രണ്ടാം വർഷ ബിഎസ്സി നഴ്സിംഗ് (2015 അഡ്മിഷൻ റഗുലർ/2009 2014 അഡ്മിഷൻ സപ്ലിമെന്ററി) പരീക്ഷയുടെ പ്രാക്ടിക്കലും വൈവാവോസിയും 14 മുതൽ മാർച്ച് രണ്ട് വരെ തീയതികളിൽ സെന്റർ ഫോർ പ്രൊഫഷണൽ ആൻഡ് അഡ്വാൻസ്ഡ് സ്റ്റഡീസിന്റെ ഗാന്ധിനഗർ, പുതുപ്പള്ളി, പത്തനംതിട്ട, പാലാ, മണിമലക്കുന്ന്, നെടുങ്കണ്ടം എന്നീ കേന്ദ്രങ്ങളിൽ നടത്തും. വിശദമായ ടൈംടേബിൾ സർവകലാശാലാ വെബ്സൈറ്റിൽ ലഭ്യമാണ്.
പരീക്ഷാഫലം
2017 ഓഗസ്റ്റിൽ നടത്തിയ ഒന്നാം സെമസ്റ്റർ എംഎ തമിഴ് (സിഎസ്എസ് റഗുലർ) പരീക്ഷയുടെ ഫലം പ്രസിദ്ധപ്പെടുത്തി. പുനർമൂല്യനിർണയത്തിനും സൂക്ഷ്മപരിശോധനയ്ക്കും 24 വരെ അപേക്ഷിക്കാം.
2017 ജനുവരിയിൽ നടത്തിയ ഒന്നാം സെമസ്റ്റർ എംഎ പൊളിറ്റിക്കൽ സയൻസ് (സിഎസ്എസ് റഗുലർ) പരീക്ഷയുടെ ഫലം പ്രസിദ്ധപ്പെടുത്തി. പുനർമൂല്യനിർണയത്തിനും സൂക്ഷ്മപരിശോധനയ്ക്കും 20 വരെ അപേക്ഷിക്കാം.
2017 മാർച്ച് മാസം നടത്തിയ നാലാം സെമസ്റ്റർ ബികോം (സിബിസിഎസ്എസ് മോഡൽ ഒന്ന്, രണ്ട് മൂന്ന് 2013നു മുന്പുള്ള അഡ്മിഷൻ) പരീക്ഷകളുടെ ഫലം പ്രസിദ്ധപ്പെടുത്തി. പുനർമൂല്യനിർണയത്തിനും സൂക്ഷ്മപരിശോധനയ്ക്കും 24 വരെ അപേക്ഷിക്കാം.