കേരള സർവകലാശാല ശാസ്ത്രയാൻ പദ്ധതി പൊതുജനങ്ങൾക്ക് സന്ദർശിക്കാം
കേരള സർവകലാശാലയും റൂസയും സംയുക്തമായി സംഘടിപ്പിക്കുന്ന ശാസ്ത്രയാൻ പദ്ധതി 15, 16 തീയതികളിൽ കാര്യവട്ടം കാന്പസിൽ നടക്കും. സർവകലാശാല വിദ്യാർഥി സമൂഹത്തിലേക്കും പൊതുസമൂഹത്തിലേക്കും എത്തിച്ചേരുക എന്ന ലക്ഷ്യമാണ് ശാസ്ത്രയാൻ വിഭാവനം ചെയ്യുന്നത്. മാതൃസർവകലാശാലയുടെ വികസന ചരിത്രം, പ്രദർശനം, അക്കാദമിക പ്രവർത്തനങ്ങളുടെയും സാമൂഹിക പ്രസക്ത ഗവേഷണസംഭാവനകളുടേയും പരിചയപ്പെടുത്തൽ എന്നിവയിലൂടെ അക്കാദമിക സമൂഹവും പൊതുജനങ്ങളും തമ്മിൽ ആശയവിനിമയത്തിനുള്ള വേദി സൃഷ്ടിക്കുക എന്നതാണ് ഈ പരിപാടിയുടെ പ്രധാന ഉദ്ദേശ ലക്ഷ്യം.നൂറുകണക്കിന് താളിയോലകൾ ശേഖരിച്ചിരിക്കുന്നതും ഇന്ത്യയിൽതന്നെ അവശ്യം കണ്ടിരിക്കേണ്ടതുമായ ഓറിയന്റൽ റിസർച്ച് ഇൻസ്റ്റിറ്റ്യൂട്ട് മാനുസ്ക്രിപ്റ്റ് ലൈബ്രറി, ഇലക്ട്രോണ് മൈക്രോസ്കോപ്, മാസ് സ്പെക്ട്രോമെട്രി, രാമൻ സ്പെക്ട്രോമീറ്റർ തുടങ്ങി അത്യാധുനിക ഉപകരണങ്ങൾ ഉള്ള സോഫിസ്റ്റിക്കേറ്റഡ് ഇൻസ്ട്രമെന്റേഷൻ ആൻഡ് കംപ്യൂട്ടേഷൻ സെന്റർ, അക്വാട്ടിക് ബയോളജി, ആർക്കിയോളജി,ബോട്ടണി, ജിയോളജി, സുവൊളജി തുടങ്ങിയ മ്യൂസിയങ്ങൾ എന്നിവയാണ് പ്രധാന ആകർഷണങ്ങൾ. പൊതുജനങ്ങൾക്കും വിദ്യാർഥികൾക്കും അധ്യാപകരുമായും ഗവേഷകരുമായും സംവദിക്കാനും പൊതുസന്ദർശനദിനങ്ങളിൽ സാധിക്കും.ഒപ്പം വിദ്യാർഥികൾക്ക് വിവിധ വിഷയങ്ങളിൽ ഉപരിപഠനത്തിനും ഗവേഷണത്തിനും തൊഴിലിനും ഉള്ള സാധ്യതകൾ ആരായാനുള്ള സംവിധാനങ്ങളും വിവിധ പഠന ഗവേഷണ വകുപ്പുകൾ ഒരുക്കിയിട്ടുണ്ട്. പ്രവേശനം സൗജന്യമാണ്. സ്കൂളുകൾക്കും കോളജുകൾക്കും ബാച്ചുകളായി പങ്കെടുക്കാം. കൂടുതൽ വിവരങ്ങൾ വെബ്സൈറ്റിൽ ലഭിക്കും.
ബിടെക് ഫലം
2016 ഒക്ടോബറിൽ നടത്തിയ മൂന്നാ സെമസ്റ്റർ ബിടെക് (2013 സ്കീം), ഇംപ്രൂവ്മെന്റ്/ സപ്ലിമെന്ററി ബിരുദപരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും ഓണ്ലൈനായി മാത്രം അപേക്ഷിക്കേണ്ട അവസാന തീയതി 26.
ബിപിടി ഫലം
2017 മേയിൽ നടത്തിയ നാലാം സെമസ്റ്റർ ബിപിടി പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും അപേക്ഷിക്കേണ്ട അവസാന തീയതി 24.
ബിസിഎ, ബിഎസ്സി പരീക്ഷാഫലം
2017 മേയിൽ നടത്തിയ മൂന്നും അഞ്ചും സെമസ്റ്റർ കരിയർ റിലേറ്റഡ് സിബിസിഎസ്എസ് ബിസിഎ കോഴ്സിന്റെയും ബിഎസ്സി കംപ്യൂട്ടർ സയൻസ് ഡിഗ്രി കോഴ്സിന്റെയും (2010 സ്കീം, 2010 അഡ്മിഷൻ മേഴ്സി ചാൻസ്, 2011 & 2012 അഡ്മിഷൻ സപ്ലിമെന്ററി) പരീക്ഷാഫലം വെബ്സൈറ്റിൽ ലഭിക്കും.
ബിഎ എൽഎൽബി/ബികോം എൽഎൽബി/ബിബിഎ എൽഎൽബി പരീക്ഷ
2018 ഏപ്രിൽ മൂന്നിന് ആരംഭിക്കുന്ന രണ്ടാം സെമസ്റ്റർ ഇന്റ്ഗ്രേറ്റഡ് പഞ്ചവത്സര ബിഎ എൽഎൽബി/ബികോം എൽഎൽബി/ ബിബിഎ എൽഎൽബി പരീക്ഷകൾക്ക് പിഴകൂടാതെ മാർച്ച് രണ്ട്, 50 രൂപ പിഴയോടെ മാർച്ച് അഞ്ച്, 125 രൂപ പിഴയോടെ മാർച്ച് ഏഴുവരെയും ഫീസടച്ച് അപേക്ഷിക്കാം. വിശദ വിവരങ്ങൾ വെബ്സൈറ്റിൽ ലഭിക്കും.
ബിഎസ്സി ഫലം
2017 മേയിൽ നടത്തിയ മൂന്നും അഞ്ചും ആറും സെമസ്റ്റർ കരിയർ റിലേറ്റഡ് സിബിസിഎസ്എസ് ബിഎസ്സി ഇലക്ട്രോണിക്സ് ഡിഗ്രി (2013ന് മുന്പുള്ള അഡ്മിഷൻ ആൻഡ് 2010 അഡ്മിഷൻ മേഴ്സിചാൻസ്) പരീക്ഷാഫലം വെബ്സൈറ്റിൽ ലഭിക്കും.
ബികോം പ്രാക്ടിക്കൽ
2017 ഡിസംബറിൽ നടന്ന അഞ്ചാം സെമസ്റ്റർ ബികോം (എഫ്ഡിപി സിബിസിഎസ്എസ്) ഡിഗ്രി പരീക്ഷയുടെ പ്രാക്ടിക്കൽ പരീക്ഷകൾ 20 മുതൽ അതാതു കോളജുകളിൽ നടത്തും. ടൈംടേബിൾ വെബ്സൈറ്റിൽ ലഭിക്കും.
മാർക്ക് ലിസ്റ്റുകൾ കൈപ്പറ്റണം
വിദൂരവിദ്യാഭ്യാസകേന്ദ്രം 2017 ജൂലൈ/ഓഗസ്റ്റ് മാസങ്ങളിൽ നടത്തിയ എംഎ പബ്ലിക് അഡ്മിനിസ്ട്രേഷൻ, ഇംഗ്ലീഷ്, മലയാളം, മ്യൂസിക് സപ്ലിമെന്റ്റി പരീക്ഷകളുടെയും, 2017 മേയ് മാസത്തിൽ നടത്തിയ രണ്ടാം സെമസ്റ്റർ എംബിഎ പരീക്ഷയുടെയും മാർക്ക് ലിസ്റ്റുകൾ പാളയം എസ്ഡിഇ ഓഫീസിൽ നിന്നും 14 മുതൽ ഹാൾടിക്കറ്റുമായി വന്ന് കൈപ്പറ്റണം.
എംഎസ്സി, എംഎ, എംപിഎ ഫലം
2017 ഫെബ്രുവരിയിൽ നടന്ന ഒന്നാം സെമസ്റ്റർ എംഎസ്സി കൗണ്സിലിംഗ്, സൈക്കോളജി, എംഎ മ്യൂസിക്, എംപിഎ പരീക്ഷകളുടെ ഫലം വെബ്സൈറ്റിൽ ലഭിക്കും.
ബിഎഡ് സ്പെഷൽ എഡ്യുക്കേഷൻ പരീക്ഷ
മാർച്ച് 14ന് ആരംഭിക്കുന്ന ഒന്നാം സെമസ്റ്റർ ബിഎഡ് സ്പെഷൽ എഡ്യുക്കേഷൻ (ഐഡി)(റഗുലർ, ഇംപ്രൂവ്മെന്റ് ആൻഡ് സപ്ലിമെന്ററി)(2015 സ്കീം), മാർച്ച് 13ന് ആരംഭിക്കുന്ന മൂന്നാം സെമസ്റ്റർ ബിഎഡ് സ്പെഷൽ എഡ്യുക്കേഷൻ (ഐഡി) (റഗുലർ ആൻഡ് സപ്ലിമെന്ററി)(2015 സ്കീം) പരീക്ഷയ്ക്ക് 22, 50 രൂപ പിഴയോടെ 24, 125 രൂപ പിഴയോടെ 27വരെയും ഫീസടച്ച് ഓണ്ലൈനായി 14 മുതൽ രജിസ്റ്റർ ചെയ്യാം. വിശദ വിവരങ്ങൾ വെബ്സൈറ്റിൽ ലഭിക്കും.
പ്രാക്ടിക്കൽ പരീക്ഷ തീയതി മാറ്റി
തിരുവനന്തപുരം ഗവ. വിമൻസ് കോളജിൽ 15, 16 തീയതികളിൽ നടത്താനിരുന്ന അഞ്ചാം സെമസ്റ്റർ ബിഎസ്സി ബയോകെമിസ്ട്രി ആൻഡ് ഇന്റസ്ട്രിയൽ മൈക്രോ ബയോളജിയുടെ പ്രാക്ടിക്കൽ പരീക്ഷകൾ 20, 21 തീയതികളിലേക്ക് മാറ്റി.