കാലിക്കട്ട് സർവകലാശാല സുവർണ ജൂബിലി ആഘോഷങ്ങളുടെ ഭാഗമായി ജേർണലിസം പഠനവിഭാഗം ദേശീയ മാസ് കമ്മ്യൂണിക്കേഷൻ ഗവേഷണ സമ്മേളനം സംഘടിപ്പിക്കുന്നു. "ഇന്ത്യൻ മാധ്യമ രംഗത്തെ പരിണാമം: പ്രവണതകൾ’ എന്നതാണ് മുഖ്യപ്രമേയം. ആറ് ഉപപ്രമേയങ്ങളുമുണ്ട്. പ്രമേയാവതരണത്തിന് താത്പര്യമുള്ളവർ മൂന്നൂറ് വാക്കിൽ കവിയാത്ത സംഗ്രഹം 28നകം അയക്കണം. ഇമെയിൽ:
[email protected] വിവരങ്ങൾ സർവകലാശാലാ വെബ്സൈറ്റിൽ. ഫോൺ: 9747939559.
കെമിസ്ട്രി പഠനവകുപ്പ് പൂർവവിദ്യാർഥിസംഗമം കെമിസ്ട്രി പഠനവകുപ്പിൽ സുവർണ ജൂബിലി ആഘോഷങ്ങളുടെ ഭാഗമായി 26ന് രാവിലെ 9.30ന് പൂർവവിദ്യാർഥികളുടെയും അധ്യാപകരുടെയും ഒത്തുചേരൽ നടക്കും. സർവകലാശാലാ സെമിനാർ കോംപ്ലക്സിൽ നടക്കുന്ന പരിപാടിയിൽ ബന്ധപ്പെട്ട എല്ലാവരും പങ്കെടുക്കണമെന്ന് പഠനവകുപ്പ് മേധാവി അറിയിച്ചു.
സ്ത്രീകൾക്ക് സൗജന്യ ക്രിയേറ്റീവ് പെയിന്റിംഗ് പരിശീലനം ലൈഫ്ലോംഗ് ലേണിംഗ് പഠനവകുപ്പിൽ സ്ത്രീകൾക്കായി ക്രിയേറ്റീവ് പെയിന്റിംഗിൽ പത്ത് ദിവസത്തെ പരിശീലനം ആരംഭിക്കുന്നു. കാൻവാസ്, പോട്ട്, പേപ്പർ എന്നിവയിൽ വണ്സ്ട്രോക്ക്, ഫ്രീ സ്റ്റൈൽ പെയിന്റിംഗ് എന്നിവയിലാണ് പരിശീലനം. മാർച്ച് ആദ്യവാരത്തിൽ ആരംഭിക്കും. ആദ്യം പേര് രജിസ്റ്റർ ചെയ്യുന്ന 50 പേർക്കാണ് പ്രവേശനം. വിവരങ്ങൾക്ക്: 0494 2407360.
പരീക്ഷാ അപേക്ഷ അഫിലിയേറ്റഡ് കോളജുകളിലെ (സിയുസിസിഎസ്എസ്) ആറാം സെമസ്റ്റർ ബിഎ, ബിഎസ്സി, ബിഎസ് സി ഇൻ എൽആർപി, ബികോം, ബികോം ഓണേഴ്സ്സിസിഎസ്എസ്, ബികോം വൊക്കേഷണൽ, ബിബിഎ, ബിടിഎച്ച്എം, ബിഎച്ച്എ, ബിഎംഎംസി, ബിസിഎ, ബിഎസ്ഡബ്ല്യൂ, ബിവിസി, ബിഎ അഫ്സൽഉൽഉലമ റഗുലർ, സപ്ലിമെന്ററി, ഇംപ്രൂവ്മെന്റ് പരീക്ഷയ്ക്ക് പിഴകൂടാതെ 23 വരെയും 150 രൂപ പിഴയോടെ 27 വരെയും അപേക്ഷിക്കാം. പരീക്ഷ മാർച്ച് 20ന് ആരംഭിക്കും.
പരീക്ഷ ഒന്നാം സെമസ്റ്റർ എംഎസ് സി റേഡിയേഷൻ ഫിസിക്സ് റഗുലർ, സപ്ലിമെന്ററി പരീക്ഷ മാർച്ച് രണ്ടിന് ആരംഭിക്കും.
അക്വേഷ്യ മരങ്ങൾ മുറിച്ചുമാറ്റുന്നതിന് ക്വട്ടേഷൻ ക്ഷണിച്ചു ഓപ്പണ് സ്റ്റേജ് നിർമാണത്തിനും മറ്റുമായി സർവകലാശാലാ കാന്പസിലെ 67 അക്വേഷ്യ മരങ്ങൾ മുറിച്ചു നീക്കംചെയ്യുന്നതിനായി മുദ്രവച്ച ക്വട്ടേഷൻ ക്ഷണിച്ചു. 21ന് മൂന്ന് മണിക്കകം യൂണിവേഴ്സിറ്റി എൻജിനിയർക്ക് ലഭിക്കണം. വിവരങ്ങൾ വെബ്സൈറ്റിൽ. സിവിൽ വിഭാഗം അസിസ്റ്റന്റ് എൻജിനിയറുമായും ബന്ധപ്പെടാം.
പരീക്ഷാഫലം 2017 ജൂലൈയിൽ നടത്തിയ നാലാം സെമസ്റ്റർ ബിഎഡ് സ്പെഷൽ എഡ്യുക്കേഷൻ (ഹിയറിംഗ് ഇംപയേർഡ്) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 28 വരെ അപേക്ഷിക്കാം.