ഓവർസിയർ (ഇലക്ട്രിക്കൽ) തസ്തികയിൽ കരാർ നിയമനത്തിന് ഓണ്ലൈൻ അപേക്ഷ ക്ഷണിച്ചു. അവസാന തിയതി 26 വൈകുന്നേരം അഞ്ച് മണി. പ്രതിമാസ മൊത്ത വേതനം: 19,950 രൂപ. പ്രായം 2018 ജനുവരി ഒന്നിന് 36 വയസ് കവിയരുത്. യോഗ്യത സംബന്ധിച്ചും മറ്റ് വിവരങ്ങൾക്കും വെബ്സൈറ്റ് (www.universityofcalicut.info) സന്ദർശിക്കുക.
ഫിസിക്സ് പഠനവകുപ്പിൽ ജൂണിയർ റിസർച്ച് ഫെലോ: അപേക്ഷ ക്ഷണിച്ചു ഫിസിക്സ് പഠനവകുപ്പിൽ ഡിഎഇബിആർഎൻഎസ് പ്രോജക്ടിലേക്ക് ജൂണിയർ റിസർച്ച് ഫെലോയെ (രണ്ട്) നിയമിക്കുന്നതിന് അപേക്ഷ ക്ഷണിച്ചു. ബയോഡാറ്റ, യോഗ്യത, ജാതി, ജോലി പരിചയം എന്നിവ തെളിയിക്കുന്ന സർട്ടിഫിക്കറ്റുകളുടെ സ്വയം സാക്ഷ്യപ്പെടുത്തിയ പകർപ്പുകൾ സഹിതം മാർച്ച് ഒന്നിനകം അയക്കണം. വിലാസം: ഡോ. എം.എം. മുസ്തഫ, ഡിപ്പാർട്ടുമെന്റ് ഓഫ് ഫിസിക്സ്, യൂണിവേഴ്സിറ്റി ഓഫ് കാലിക്കട്ട്, കാലിക്കട്ട് യൂണിവേഴ്സിറ്റി പിഒ, 673 635. ഫോണ് : 9745509190. ഇമെയിൽ:
[email protected] 17ലെ ആറാം സെമസ്റ്റർ യുജി കോണ്ടാക്ട് ക്ലാസ് മാറ്റി വിദൂവിദ്യാഭ്യാസം 17ന് നടത്താനിരുന്ന ആറാം സെമസ്റ്റർ യുജി കോണ്ടാക്ട് ക്ലാസ് മാറ്റി. പുതുക്കിയ തിയതി പിന്നീട് അറിയിക്കും.
ലൈബ്രറി സയൻസ്: കോഷൻ ഡെപ്പോസിറ്റ് വിതരണം ലൈബ്രറി ആൻഡ് ഇൻഫർമേഷൻ സയൻസ് വകുപ്പിൽ പഠിച്ച 2012 പ്രവേശനം ബാച്ച് വരെയുള്ള വിദ്യാർഥികളുടെ കോഷൻ ഡെപ്പോസിറ്റ് 22നകം കൈപ്പറ്റണം.
പരീക്ഷ വിദൂരവിദ്യാഭ്യാസം ഒന്നാം സെമസ്റ്റർ ബിജിഡിഎ (2014 പ്രവേശനം) സപ്ലിമെന്ററി, ഇംപ്രൂവ്മെന്റ് പരീക്ഷ 26ന് ആരംഭിക്കും.
മാറ്റിയ മൂന്നാം സെമസ്റ്റർ ബിടെക് പരീക്ഷ ഏഴിന് നടത്താനിരുന്ന് 23ലേക്ക് മാറ്റിയ മൂന്നാം സെമസ്റ്റർ ബിടെക് (2014 സ്കീം) പേപ്പർ ഇഎൻ 14 301എൻജിനിയറിംഗ് മാത്തമാറ്റിക്സ് പരീക്ഷ മാർച്ച് രണ്ടിലേക്ക് മാറ്റി. സമയം രാവിലെ 9.30ന്.
പരീക്ഷാ അപേക്ഷ അഫിലിയേറ്റഡ് കോളജുകളിലെ 201213 പ്രവേശനം (സിസിഎസ്എസ്) ആറാം സെമസ്റ്റർ ബിഎ, ബിഎസ് സി, ബിഎസ് സി ഇൻ ആൾട്ടർനേറ്റ് പാറ്റേണ് , ബികോം, ബിബിഎ, ബിഎംഎംസി, ബിസിഎ, ബിഎസ്ഡബ്ല്യൂ, ബിടിഎ, ബിടിഎച്ച്എം, ബിഎച്ച്എ, ബിവിസി, ബിഎച്ച്എ, ബിഎ അഫ്സൽഉൽഉലമ സപ്ലിമെന്ററി ഇംപ്രൂവ്മെന്റ് പരീക്ഷയ്ക്ക് പിഴകൂടാതെ 27 വരെയും 150 രൂപ പിഴയോടെ മാർച്ച് അഞ്ച് വരെയും അപേക്ഷിക്കാം.
ഒന്നാം സെമസ്റ്റർ ബിവോക് റഗുലർ, സപ്ലിമെന്ററി, ഇംപ്രൂവ്മെന്റ് പരീക്ഷയ്ക്ക് 23 വരെ അപേക്ഷിക്കാം.
ആറാം സെമസ്റ്റർ ബിടിഎഫ്പി (സിയുസിബിസിഎസ്എസ്, 2015 പ്രവേശനം) റഗുലർ പരീക്ഷയ്ക്ക് പിഴകൂടാതെ 23 വരെയും 150 രൂപ പിഴയോടെ 27 വരെയും അപേക്ഷിക്കാം. പരീക്ഷ മാർച്ച് 20ന് ആരംഭിക്കും.
പരീക്ഷാഫലം 2017 ജൂണിൽ നടത്തിയ രണ്ടാം സെമസ്റ്റർ എംഎ ഹിസ്റ്ററി (സിയുസിഎസ്എസ്) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 28 വരെ അപേക്ഷിക്കാം.
2017 ജൂണിൽ നടത്തിയ രണ്ടാം സെമസ്റ്റർ എംഎ മലയാളം, എംഎ മലയാളം വിത്ത് ജേർണലിസം (സിയുസിഎസ്എസ്) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 25 വരെ അപേക്ഷിക്കാം.
പുനർമൂല്യനിർണയ ഫലം രണ്ടാം സെമസ്റ്റർ ബികോം, ബിബിഎ, ബികോം ഓണേഴ്സ് (സിയുസിബിസിഎസ്എസ്) റഗുലർ, സപ്ലിമെന്ററി, ഇംപ്രൂവ്മെന്റ് ഏപ്രിൽ 2016, രണ്ടാം വർഷ ബികോം പാർട്ട് ഒന്ന്, രണ്ട് ഏപ്രിൽ 2016 പരീക്ഷകളുടെ പുനർമൂല്യനിർണയ ഫലം വെബ്സൈറ്റിൽ.
അഗ്നിപ്രതിരോധ ബോധവത്കരണ റാലി നടത്തി തേഞ്ഞിപ്പലം: കേരള വനം വന്യജീവി വകുപ്പ് സാമൂഹിക വനവത്കരണം മലപ്പുറം ഡിവിഷന്റെ ആഭിമുഖ്യത്തിൽ കാലിക്കട്ട് സർവകലാശാലാ കാന്പസിൽ അഗ്നിപ്രതിരോധ ബോധവത്ക്കരണ റാലിയും ക്യാന്പും സംഘടിപ്പിച്ചു. റാലി വൈസ് ചാൻസലർ ഡോ.കെ. മുഹമ്മദ് ബഷീർ ഫ്ളാഗ് ഓഫ് ചെയ്തു. പ്രോവൈസ് ചാൻസലർ ഡോ. പി. മോഹൻ, സോഷ്യൽ ഫോറസ്ട്രി റേഞ്ച് ഓഫീസർ എം. മോഹൻദാസ്, സർവകലാശാലാ ഹരിത കാന്പസ് പദ്ധതി കണ്വീനർ ഡോ. ജോണ് ഇ. തോപ്പിൽ, സെക്ഷൻ ഫോറസ്റ്റ് ഓഫീസർമാരായ എം.പി. ദിവാകരൻ ഉണ്ണി, കെ. മനോജ്കുമാർ തുടങ്ങിയവർ സംബന്ധിച്ചു. റാലിയിൽ കാന്പസ് മോഡൽ ഹയർ സെക്കൻഡറി സ്കൂൾ വിദ്യാർഥികൾ പങ്കെടുത്തു.
ജിയോളജി പഠനവകുപ്പിൽ ദ്വിദിന ദേശീയ സെമിനാറിന് തുടക്കമായി തേഞ്ഞിപ്പലം: പ്രകൃതി വിഭവങ്ങൾ ശരിയായി വിനിയോഗിക്കുന്നതിലൂടെയും അനിയന്ത്രിതമായ ഉപയോഗം തടയുന്നതിലൂടെയും പ്രകൃതിദുരന്തങ്ങൾ ഒരു പരിധിവരെ തടയാനാകുമെന്ന് വൈസ് ചാൻസലർ ഡോ. കെ. മുഹമ്മദ് ബഷീർ. "ഭൗമശാസ്ത്ര മേഖലയിലെ നൂതന പ്രവണതകളും പ്രയോഗങ്ങളും’ എന്ന വിഷയത്തിൽ കാലിക്കട്ട് സർവകലാശാലാ ജിയോളജി പഠനവകുപ്പ് സംഘടിപ്പിക്കുന്ന ദ്വിദിന ദേശീയ സെമിനാർ ഉദ്ഘാടനം ചെയ്യുകയായിരുന്നു അദ്ദേഹം.
പ്രകൃതി ദുരന്തങ്ങളെക്കുറിച്ച് മുന്നറിയിപ്പ് നൽകുന്നതിനും മുൻകരുതലുകൾ എടുക്കുന്നതിനും ഭൗമവിദഗ്ധരുടെ സേവനം പ്രായോഗികമായി ഉപയോഗിക്കേണ്ടതുണ്ടെന്നും അദ്ദേഹം പറഞ്ഞു.
ചടങ്ങിൽ സിഡബ്ല്യൂആർഡിഎം എക്സിക്യൂട്ടീവ് ഡയറക്ടർ ഡോ. എ.ബി. അനിത മുഖ്യപ്രഭാഷണം നടത്തി. ജിയോളജി പഠനവകുപ്പ് മേധാവി ഡോ. പി. ആദർശ് അധ്യക്ഷത വഹിച്ചു. രാജേഷ് ഉമ്മളത്ത്, കെ.എസ്. ഷാഹിൻ തുടങ്ങിയവർ പ്രസംഗിച്ചു. സെമിനാർ 17ന് സമാപിക്കും.
അഭിനവ ഭാരതി സെമിനാർ തേഞ്ഞിപ്പലം: കാലിക്കട്ട് സർവകലാശാല സംസ്കൃത പഠനവകുപ്പിന്റെ ആഭിമുഖ്യത്തിൽ അഭിനവ ഭാരതി എന്ന വിഷയത്തിൽ സെമിനാർ സംഘടിപ്പിക്കുന്നു. 19ന് പഠനവകുപ്പ് ഹാളിൽ വൈസ് ചാൻസലർ ഡോ. കെ. മുഹമ്മദ് ബഷീർ ഉദ്ഘാടനം ചെയ്യും. പ്രഫ.സി. രാജേന്ദ്രൻ, പ്രഫ. പി.വി. രാമൻകുട്ടി, പ്രഫ. പി.വി. നാരായണൻ, പ്രഫ. കെ.പി. കേശവൻ തുടങ്ങിയവർ വിവിധ സെഷനുകൾ നയിക്കും.