രണ്ടാം സെമസ്റ്റർ എംഎസ്സി മോളിക്യുലാർ ബയോളജി ആൻഡ് ജെനറ്റിക്ക് എൻജിനീയറിംഗ് പരീക്ഷ 27നു ആരംഭിക്കും
രണ്ടാം സെമസ്റ്റർ എംഎസ്സി മോളിക്യുലാർ ബയോളജി ആൻഡ് ജെനറ്റിക്ക് എൻജിനീയറിംഗ് പരീക്ഷ 27നു ആരംഭിക്കും. അപേക്ഷകൾ 19 വരെയും 50 രൂപ പിഴയോടെ 20 വരെയും 500 രൂപ സൂപ്പർഫൈനോടെ 22 വരെയും അപേക്ഷിക്കാം.
വൈവാവോസി
2017 ഡിസംബറിൽ നടത്തിയ നാലാം സെമസ്റ്റർ എംഎ ഹിസ്റ്ററി (പ്രൈവറ്റ് രജിസ്ട്രേഷൻ റഗുലർ,സപ്ലിമെന്ററി,ഇംപ്രൂവ്മെന്റ്, മേഴ്സി ചാൻസ്) ഡിഗ്രി പരീക്ഷയുടെ വൈവാവോസി മാർച്ച് ഒന്നു മുതൽ മൂന്നു വരെ ഡിപ്പാർട്ട്മെന്റ് ഓഫ് ലൈഫ്ലോംഗ് ലേണിംഗ് ആൻഡ് എക്സ്റ്റൻഷനിൽ നടത്തും. ഈ പരീക്ഷയ്ക്ക് രജിസ്റ്റർ ചെയ്തിട്ടുള്ള എല്ലാ പ്രൈവറ്റ് രജിസ്ട്രേഷൻ വിദ്യാർഥികളും ഈ കേന്ദ്രത്തിൽ വൈവാവോസിക്കു ഹാജരാകേണ്ടതാണ്. വിശദമായ ടൈംടേബിൾ വെബ്സൈറ്റിൽ ലഭ്യമാണ്.
എംഫിൽ സംവരണ സീറ്റൊഴിവ്
സ്കൂൾ ഓഫ് ബയോസയൻസസിൽ എംഫിൽ ബയോസയൻസ് കോഴ്സിൽ പട്ടികവർഗ സംവരണത്തിൽ ഒരു സീറ്റൊഴിവുണ്ട്. എംഎസ്സി ബയോഫിസിക്സ്, മൈക്രോ ബയോളജി, ബയോടെക്നോളജി, ബയോകെമിസ്ട്രി എന്നിവയിലേതെങ്കിലുമാണ് അടിസ്ഥാന യോഗ്യത. താല്പര്യമുള്ള വിദ്യാർഥികൾ എല്ലാ അസൽ സർട്ടിഫിക്കറ്റുകളുമായി 20ന് രാവിലെ 11നു സ്കൂൾ ഓഫ് ബയോസയൻസസ് ഡയറക്്ടർ മുന്പാകെ ഹാജരാകണം. ഫോണ്: 0481 2731035.
പരീക്ഷാഫലം
2017 ജൂണിൽ നടത്തിയ ഒന്നാം സെമസ്റ്റർ എംഎ കഥകളിവേഷം, മദ്ദളം (ഇംപ്രൂവ്മെന്റ്, സപ്ലിമെന്ററി) പരീക്ഷകളുടെ ഫലം പ്രസിദ്ധപ്പെടുത്തി. പുനർമൂല്യനിർണയത്തിനും സൂക്ഷ്മപരിശോധനയ്ക്കും 28 വരെ അപേക്ഷിക്കാം.