എംസിഎ പരീക്ഷാ ഹാള്‍ടിക്കറ്റ്
കണ്ണൂര്‍ സര്‍വകലാശാലയുടെ നാളെ ആരംഭിക്കുന്ന ഒന്നാം സെമസ്റ്റര്‍ എംസിഎ ജനുവരി 2018 പരീക്ഷയുടെ ഹാള്‍ടിക്കറ്റുകള്‍ സര്‍വകലാശാല വെബ്സൈറ്റില്‍ ലഭ്യമാണ്. 20 ന് ആരംഭിക്കുന്ന അഞ്ചാം സെമസ്റ്റര്‍ എംസിഎ ജനുവരി 2018 പരീക്ഷയുടെ ഹാള്‍ ടിക്കറ്റുകള്‍ നാളെ മുതല്‍ വെബ്സൈറ്റില്‍ ലഭ്യമാവും. പ്രസ്തുത പരീക്ഷകള്‍ക്ക് ഐടിഇസി കാസർഗോഡ് സെന്‍ററില്‍ രജിസ്റ്റര്‍ ചെയ്തിട്ടുള്ള വിദ്യാര്‍ഥികള്‍ നീലേശ്വരം ഡോ. പി.കെ. രാജന്‍ മെമ്മോറിയല്‍ കാമ്പസിൽ പരീക്ഷയെഴുതണം.
പ്രായോഗിക പരീക്ഷ
കണ്ണൂര്‍ സര്‍വകലാശാല പഠനവകുപ്പിലെ ഒന്നാം സെമസ്റ്റര്‍ എംഎസ്സി എന്‍വയോൺമെന്‍റൽ സ്റ്റഡീസ് (സിസിഎസ്എസ് റഗുലര്‍/സപ്ലിമെന്‍ററി) നവംബര്‍ 2017, പ്രായോഗിക പരീക്ഷകള്‍ 19, 20 തീയതികളിലും മൂന്നാം സെമസ്റ്റര്‍ പരീക്ഷകള്‍ മാര്‍ച്ച് 5,6,7,8 തീയതികളിലും പഠനവകുപ്പില്‍ നടത്തും.
പരീക്ഷാഫലം
സര്‍വകലാശാല പഠനവകുപ്പിലെ നാലാം സെമസ്റ്റര്‍ എംഎസ്സി വുഡ് സയന്‍സ് ആൻഡ് ടെക്നോളജി (ഇൻഡസ്ട്രി ലിങ്ക്ഡ്), ഏപ്രില്‍ 2017 പരീക്ഷയുടെ ഫലം സര്‍വകലാശാല വെബ്സൈറ്റില്‍ ലഭ്യമാണ്. പുനര്‍മൂല്യനിര്‍ണയം/ സൂക്ഷ്മപരിശോധന എന്നിവയ്ക്കുള്ള അപേക്ഷ 28 വരെ സ്വീകരിക്കും.
അഞ്ചാം സെമസ്റ്റര്‍ ബിഎ ഇക്കണോമിക്സ് പ്രായോഗികപരീക്ഷ
2017 നവംബറില്‍ നടന്ന അഞ്ചാം സെമസ്റ്റര്‍ ബിഎ ഇക്കണോമിക്സ് (സിബിസിഎസ്എസ് ഇംപ്രൂവ്മെന്‍റ്/സപ്ലിമെന്‍ററി) പരീക്ഷയുടെ പേപ്പറായ റിസർച്ച് മെത്തേർഡ്സ് ആൻഡ് ടെക്നിക്സ് ഫോർ എക്കണോമിക്സ് അനാലിസിസ് തിയറി പരീക്ഷ മാത്രം എഴുതിയ വിദ്യാര്‍ഥികള്‍ പ്രാക്ടിക്കല്‍ പരീക്ഷയും എഴുതണം. വിശദവിവരങ്ങള്‍ക്ക് പ്രസ്തുത വിദ്യാര്‍ഥികള്‍ എത്രയുംപെട്ടെന്ന് കോളജ് അധികൃതരുമായി ബന്ധപ്പെടണം.
എംടെക് പരീക്ഷകള്‍
നേരത്തെ അപേക്ഷ ക്ഷണിച്ച ഒന്നും രണ്ടും സെമസ്റ്റര്‍ എംടെക് (സപ്ലിമെന്‍ററി),ഏപ്രില്‍/ജൂണ്‍ 2017 പരീക്ഷകള്‍ യഥാക്രമം ഈമാസം 23, മാര്‍ച്ച് 12 തീയതികളില്‍ ആരംഭിക്കും. ടൈംടേബിള്‍ സര്‍വകലാശാല വെബ്സൈറ്റില്‍ ലഭ്യമാണ്.
ബിഎഎംഎസ് പരീക്ഷ
നേരത്തെ അപേക്ഷ ക്ഷണിച്ച തേര്‍ഡ് പ്രൊഫെഷണല് ബിഎഎംഎസ് (സപ്ലിമെന്‍ററി), ഡിസംബര്‍ 2017 പരീക്ഷകള്‍ 23ന് ആരംഭിക്കും. ടൈംടേബിള്‍ വെബ്സൈറ്റില്‍ ലഭ്യമാണ്.
എംഎ ഹിന്ദി പുനഃപരീക്ഷ
2017 ജൂലൈ മൂന്നിന് നടത്തുകയും പിന്നീട് റദ്ദാക്കുകയും ചെയ്ത രണ്ടാം സെമസ്റ്റര്‍ എംഎ ഹിന്ദി (റഗുലര്‍ 2016 അഡ്മിഷന്‍) മാര്‍ച്ച് 2017, പരീക്ഷയുടെ ആൻഡ് കാവ്യമീമാംസ എന്ന പേപ്പറിന്‍റെ പുനഃപരീക്ഷ 23ന് നടത്തും.