അഞ്ചാം സെമസ്റ്റർ ബികോം ഫലം പ്രസിദ്ധീകരിച്ചു
2017 ഒക്ടോബറിൽ നടത്തിയ അഞ്ചാം സെമസ്റ്റർ ബികോം (സിബിസിഎസ്എസ് മോഡൽ ഒന്ന്, രണ്ട്, മൂന്ന് 2015 അഡ്മിഷൻ റഗുലർ, 2013 മുതൽ 2014 വരെ അഡ്മിഷൻ സപ്ലിമെന്ററി) പരീക്ഷകളുടെ ഫലം പ്രസിദ്ധപ്പെടുത്തി. പുനർമൂല്യനിർണയത്തിനും സൂക്ഷ്മപരിശോധനയ്ക്കും മാർച്ച് ഏഴു വരെ അപേക്ഷിക്കാം.
2017 ഓഗസ്റ്റിൽ നടത്തിയ നാലാം സെമസ്റ്റർ എംസിജെ ഡിഗ്രി പരീക്ഷയുടെ ഫലം പ്രസിദ്ധീ കരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും മാർച്ച് ആറു വരെ അപേക്ഷിക്കാം.
വൈവാവോസി
2017 ഡിസംബറിൽ നടത്തിയ നാലാം സെമസ്റ്റർ എംഎ ഇക്കണോമിക്സ് (പ്രൈവറ്റ് രജിസ്ട്രേഷൻ) പരീക്ഷയുടെ വൈവാവോസി 26 മുതൽ 28 വരെ ആലുവ യുസി കോളജിലും മാർച്ച് രണ്ടിനു സർവകലാശാലാ കാന്പസിലെ ഡിപ്പാർട്ട്മെന്റ് ഓഫ് ലൈഫ്ലോംഗ് ലേണിംഗ് ആൻഡ്് എക്സ്റ്റൻഷൻ കേന്ദ്രത്തിലും നടത്തും. മാല്യങ്കര എസ്എൻഎം, കാലടി ശ്രീശങ്കര, ആലുവ യുസി, മൂവാറ്റുപുഴ നിർമല, എറണാകുളം മഹാരാജാസ്, എറണാകുളം സെന്റ് തെരേസാസ്, കളമശേരി സെന്റ് പോൾസ് എന്നീ കോളജുകൾ പരീക്ഷാകേന്ദ്രങ്ങളായി തെരഞ്ഞെടുത്തിട്ടുള്ളവർ ആലുവ യുസി കോളജിലും ചങ്ങനാശേരി എൻഎസ്എസ്, കോഴഞ്ചേരി സെന്റ് തോമസ്, പാലാ സെന്റ് തോമസ്, കാഞ്ഞിരപ്പള്ളി എസ്ഡി എന്നീ കോളജുകൾ പരീക്ഷാകേന്ദ്രമായി തെരഞ്ഞെടുത്തിട്ടുള്ളവർ ഡിപ്പാർട്ട്മെന്റ് ഓഫ് ലൈഫ്ലോംഗ് ലേണിംഗ് ആൻഡ്് എക്സ്റ്റൻഷൻ സെന്ററിലും വൈവാവോസിക്ക് ഹാജരാകണം. വിശദമായ ടൈംടേബിൾ വെബ് സൈറ്റിൽ ലഭ്യമാണ്.
2017 ഡിസംബറിൽ നടത്തിയ നാലാം സെമസ്റ്റർ എംഎ മലയാളം (പ്രൈവറ്റ് രജിസ്ട്രേഷൻ റെഗുലർ, സപ്ലിമെന്ററി) പരീക്ഷയുടെ വൈവാവോസി 26, 27 തീയതികളിൽ ആലുവ യുസി കോളജിലും മാർച്ച് മൂന്നിനു ചങ്ങനാശേരി എൻഎസ്എസ് ഹിന്ദു കോളജിലും നടക്കും. മൂവാറ്റുപുഴ നിർമല കോളജ്, ആലുവ യുസി കോളജ്, എറണാകുളം മഹാരാജാസ് കോളജ്, തലയോലപ്പറന്പ് ഡിബി കോളജ് എന്നീ കേന്ദ്രങ്ങളിൽ രജിസ്റ്റർ ചെയ്തിട്ടുള്ള വിദ്യാർഥികൾ ആലുവ യുസി കോളജിലും പത്തനംതിട്ട കാതോലിക്കേറ്റ്, ചങ്ങനാശേരി എൻഎസ്എസ് ഹിന്ദു കോളജ്, പാലാ സെന്റ് തോമസ്, കുറവിലങ്ങാട് ദേവമാതാ, കട്ടപ്പന ഗവണ്മെന്റ് കോളജ് എന്നീ കേന്ദ്രങ്ങളിൽ പരീക്ഷയ്ക്ക് രജിസ്റ്റർ ചെയ്ത വിദ്യാർഥികൾ ചങ്ങനാശേരി എൻഎസ്എസ് ഹിന്ദു കോളജിലും വൈവാവോസിക്കു ഹാജരാകണം. വിശദമായ ടൈംടേബിൾ സർവകലാശാലാ വെബ്സൈറ്റിൽ ലഭ്യമാണ്.