ഒന്നും രണ്ടും സെമസ്റ്റർ എംടെക് ഹാൾടിക്കറ്റ്
കണ്ണൂർ സർവകലാശാലയുടെ ഇന്ന് ആരംഭിക്കുന്ന ഒന്നാം സെമസ്റ്റർ എംടെക് (സപ്ലിമെന്‍ററി), ഏപ്രിൽ 2017 മാർച്ച് 12ന് ആരംഭിക്കുന്ന രണ്ടാം സെമസ്റ്റർ എംടെക് (സപ്ലിമെന്‍ററി), ജൂണ്‍ 2017 എന്നീ പരീക്ഷകളുടെ ഹാൾടിക്കറ്റ് അതത് പരീക്ഷാകേന്ദ്രങ്ങളിൽ ലഭ്യമാണ്.
എംഎസ്ഡബ്ല്യു പരീക്ഷാഫലം
രണ്ടാം സെമസ്റ്റർ എംഎസ്ഡബ്ല്യു (റഗുലർ, സപ്ലിമെന്‍ററി), ജൂണ്‍ 2017 പരീക്ഷാഫലം പ്രസിദ്ധീകരിച്ചു. ഫലം സർവകലാശാല വെബ്സൈറ്റിൽ ലഭ്യമാണ്. പുനഃപരിശോധന, പുനർമൂല്യനിർണയം എന്നിവയ്ക്കുള്ള അപേക്ഷകൾ മാർച്ച് ഏഴ് വരെ സ്വീകരിക്കും.
മൂന്നും അഞ്ചും സെമസ്റ്റർ പരീക്ഷാഫലം
മൂന്നും അഞ്ചും സെമസ്റ്റർ ബികോം, ബിബിഎ, ബിബിഎ ടിടിഎം, ബിബിഎ ആർടിഎം (റഗുലർ, സപ്ലിമെന്‍ററി, ഇംപ്രൂവ്മെന്‍റ്) നവംബർ 2017 പരീക്ഷകളുടെ ഫലം പ്രസിദ്ധീകരിച്ചു. ഫലം സർവകലാശാല വെബ്സൈറ്റിൽ ലഭ്യമാണ്. പുനഃപരിശോധന, സൂക്ഷ്മപരിശോധന, ഫോട്ടോ കോപ്പി എന്നിവയ്ക്കു ള്ള അപേക്ഷകൾ വെബ്സൈറ്റിൽനിന്നും ഡൗണ്ലോഡ് ചെയ്ത മാർക്ക് ലിസ്റ്റിന്‍റെ സ്വയം സാക്ഷ്യപ്പെടുത്തിയ പകർപ്പിനൊപ്പം മാർച്ച് എട്ട് (മൂന്നാം സെമസ്റ്റർ), മാർച്ച് ആറ് (അഞ്ചാം സെമസ്റ്റർ) വരെ സ്വീകരിക്കും.
പുനർമൂല്യ നിർണയം
2017 മേയിൽ നടത്തിയ നാലാം സെമസ്റ്റർ ബിരുദ പരീക്ഷകളുടെ പുനർമൂല്യനിർണയ ഫലം സർവകലാശാല വെബ്സൈറ്റിൽ ലഭ്യമാണ്. മൂല്യനിർണയം പൂർത്തിയായ ഫലങ്ങളാണ് ഇപ്പോൾ പ്രസിദ്ധീകരിച്ചിട്ടുള്ളത്. പൂർണ ഫലപ്രഖ്യാപനം മൂല്യനിർണയം പൂർത്തിയാകുന്ന മുറയ്ക്ക് നടക്കും. മാർക്ക്, ഗ്രേഡ് എന്നിവയിൽ മാറ്റമുള്ളവർ റിസൾട്ട് മെമ്മോയുടെ ഡൗണ്ലോഡ് ചെയ്ത പകർപ്പും മാർക്ക് ലിസ്റ്റും സഹിതം ബന്ധപ്പെട്ട ടാബുലേഷൻ സെക്ഷനിൽ സമർപ്പിക്കണം.
രണ്ടാം വർഷ ബിരുദ പരീക്ഷ ഓണ്‍ലൈൻ റജിസ്ടേഷൻ
വിദൂര വിദ്യാഭ്യാസ രണ്ടാം വർഷ ബിരുദ (ഏപ്രിൽ 2018) പരീക്ഷയുടെ ഓണ്‍ലൈൻ രജിസ്ട്രേഷൻ ആരംഭിച്ചു. പിഴ കൂടാതെ മാർച്ച് രണ്ടു വരെയും 150 രൂപ പിഴയോടെ മാർച്ച് ഏഴു വരെയും ഓണ്‍ലൈനായി അപേക്ഷിക്കാം. 2016ൽ പ്രവേശനം നേടിയ അപേക്ഷകർ പരീക്ഷാഫീസായി ബികോം(625 രൂപ), ബിഎസ്‌സി (695 രൂപ), ബിസിഎ (1235 രൂപ), ബിബിഎ (765 രൂപ), ബിഎ ഇംഗ്ലീഷ്, ഹിസ്റ്ററി, മലയാളം(695 രൂപ), ബിഎ ഇക്കണോമിക്സ്, പൊളിറ്റിക്കൽ സയൻസ് (765 രൂപ), ബിഎ അഫ്സൽഉൽഉലമ (625 രൂപ) എന്നീ നിരക്കിൽ അടച്ച് അപേക്ഷിക്കണം.
വാചാ പരീക്ഷ
ആറാം സെമസ്റ്റർ എംസിഎ (ലാറ്ററൽ എൻട്രി) ഡിഗ്രി (സിസിഎസ്എസ്റെഗുലർ 2015 അഡ്മിഷൻ) ഏപ്രിൽ 2017 യുടെ പൊതു വാചാ പരീക്ഷ 27 നും പ്രോജക്ട് വാചാ പരീക്ഷ മാർച്ച് ഒന്നിനും സർവകലാശാലയുടെ മാങ്ങാട്ടുപറന്പ കാന്പസ് പഠനവകുപ്പിൽ നടക്കും. രജിസ്റ്റർ ചെയ്ത വിദ്യാർഥികൾ ഡിപ്പാർട്ട്മെന്‍റുമായി ബന്ധപ്പെടണം.