പ്രോജക്ട്: പരീശീലന പരിപാടി നടത്തി
തേഞ്ഞിപ്പലം: പ്രോജക്ടുകൾ മികച്ച രീതിയിൽ ഏറ്റെടുത്ത് നടപ്പാക്കുന്നതിനായി സർവകലാശാലയിലെ ഉന്നത ഉദ്യോഗസ്ഥർക്ക് പരിശീലന ക്ലാസ് സംഘടിപ്പിച്ചു. പഠനവകുപ്പ് മേധാവികൾ, ധനക്യാര്യ വിഭാഗത്തിലേയും ആസൂത്രണ വിഭാഗത്തിലേയും ജോയിന്റ് രജിസ്ട്രാർ, ഡെപ്യൂട്ടി രജിസ്ട്രാർ, അസിസ്റ്റന്റ് രജിസ്ട്രാർ, സെക്ഷൻ ഓഫീസർ, എഞ്ചിനീയർമാർ, ഓവർസിയർമാർ തുടങ്ങിയവർക്കായി സംഘടിപ്പിച്ച ക്ലാസ് വൈസ് ചാൻസലർ ഡോ. കെ. മുഹമ്മദ് ബഷീർ ഉദ്ഘാടനം ചെയ്തു.
സർവകലാശാലയുടെ ദീർഘകാല വികസനം ലക്ഷ്യമാക്കി മികച്ച പദ്ധതികൾ കാന്പസിൽ നടപ്പാക്കുമെന്ന് വൈസ് ചാൻസലർ പറഞ്ഞു. രാഗേഷ് പന്ത് ക്ലാസ് നയിച്ചു. പ്രോവൈസ് ചാൻസലർ ഡോ. പി. മോഹൻ പങ്കെടുത്തു.