മൂന്നാം സെമസ്റ്റർ ബിഎ, ബിഎ അഫ്സൽ-ഉൽ-ഉലമ, ബിഎസ്ഡബ്ല്യു, ബിടിടിഎം പരീക്ഷാഫലം
കണ്ണൂർ സർവകലാശാല 2017 നവംബറിൽ നടത്തിയ മൂന്നാം സെമസ്റ്റർ ബിഎ, ബിഎ അഫ്സൽഉൽഉലമ, ബിഎസ്ഡബ്ല്യു, ബിടിടിഎം (റഗുലർ/ ഇംപ്രൂവ്മെന്‍റ്/സപ്ലിമെന്‍ററി), ബിബിഎം (സപ്ലിമെന്‍ററി മാത്രം) പരീക്ഷകളുടെ ഫലം പ്രസിദ്ധീകരിച്ചു. പരീക്ഷാഫലം യൂണിവേഴ്സിറ്റി വെബ്സൈറ്റിൽ ലഭ്യമാണ്. പുനഃപരിശോധന/സൂക്ഷ്മ പരിശോധന/ഫോട്ടോകോപ്പി എന്നിവയ്ക്ക് ഓണ്‍ലൈനായി സമർപ്പിച്ച അപേക്ഷയുടെ പ്രിന്‍റൗട്ടും സാക്ഷ്യപ്പെടുത്തിയ ഗ്രേഡ് കാർഡിന്‍റെ പകർപ്പും ആവശ്യമായ ചലാൻ സഹിതം മാർച്ച് ഏഴു വരെ സ്വീകരിക്കും.
ബിരുദം മൂന്നും അഞ്ചും സെമസ്റ്റർ പരീക്ഷാഫലം
കണ്ണൂർ സർവകലാശാലയുടെ ഫലം പ്രസിദ്ധീകരിച്ച മൂന്നും അഞ്ചും സെമസ്റ്റർ ബികോം/ബിബിഎ/ ബിബിഎ ടിടിഎം/ ബിബിഎ ആർടിഎം (റഗുലർ/സപ്ലിമെന്‍ററി/ഇംപ്രൂവ്മെന്‍റ്) നവംബർ 2017 പരീക്ഷകളുടെ പുനഃപരിശോധന/ സൂക്ഷ്മപരിശോധന/ ഫോട്ടോകോപ്പി എന്നിവയ്ക്ക് ഓണ്‍ലൈനായാണ് അപേക്ഷ സമർപ്പിക്കേണ്ടത്. മറ്റു തരത്തിലുള്ള അപേക്ഷകൾ സ്വീകരിക്കുന്നതല്ല. അപേക്ഷകളുടെ പ്രിന്‍റൗട്ട് വെബ്സൈറ്റിൽനിന്നും ഡൗണ്ലോഡ് ചെയ്ത് മാർക്ക് ലിസ്റ്റിന്‍റെ സ്വയം സാക്ഷ്യപ്പെടുത്തിയ പകർപ്പിനൊപ്പം മാർച്ച് എട്ടിന് (മൂന്നാം സെമസ്റ്റർ), മാർച്ച് ആറ് (അഞ്ചാം സെമസ്റ്റർ) വരെ സ്വീകരിക്കും.
ഒന്നും രണ്ടും വർഷ അഫ്സൽഉൽഉലമ പരീക്ഷകൾ
കണ്ണൂർ സർവകലാശാലയുടെ ഒന്നും രണ്ടും വർഷ അഫ്സൽ ഉൽ ഉലമ (റഗുലർ/സപ്ലിമെന്‍ററി/ഇംപ്രൂവ്മെന്‍റ് വിദൂരവിദ്യാഭ്യാസം ഉൾപ്പെടെ ), ഏപ്രിൽ 2018 പരീക്ഷകൾ യഥാക്രമം ഏപ്രിൽ 27, 18 തീയതികളിൽ ആരംഭിക്കും. അപേക്ഷകൾ ഓണ്‍ലൈനായി 28 മുതൽ മാർച്ച് 15 വരെ പിഴയില്ലാതെയും 150 രൂപ പിഴ സഹിതം മാർച്ച് 19 വരെയും സമർപ്പിക്കാം. അപേക്ഷകളുടെ പ്രിന്‍റൗട്ട് ചലാൻ സഹിതം മാർച്ച് 23 നകം സർവകലാശാലയിൽ എത്തിക്കണം. ഫീസ് ഇപ്രകാരമാണ്. തിയറി റഗുലർ 70 രൂപ/പേപ്പർ, (സപ്ലിമെന്‍ററി/ഇംപ്രൂവ്മെന്‍റ് 100 രൂപ), മാർക്ക് ലിസ്റ്റ് 60 രൂപ, സെന്‍റർ ഫീ 25 രൂപ, ക്യാന്പ് ഫീ 150 രൂപ, ആപ്ലിക്കേഷൻ ഫോം ഫീ 40 രൂപ.