ഒന്നാം വര്ഷ പിജി കോണ്ടാക്ട് ക്ലാസ്/പഠനസാമഗ്രി വിതരണം
വിദൂരവിദ്യാഭ്യാസം ഒന്നാം വര്ഷ എംഎ/ എംഎസ് സി/ എംകോം കോഴ്സുകള്ക്ക് 201718 അധ്യയന വര്ഷം രജിസ്റ്റര് ചെയ്തവര്ക്കുള്ള കോണ്ടാക്ട് ക്ലാസ് മാര്ച്ച് മൂന്നിന് രാവിലെ പത്തിന് വിവിധ കേന്ദ്രങ്ങളില് ആരംഭിക്കും. ഷെഡ്യൂള് വെബ്സൈറ്റില്. പഠനസാമഗ്രികളുടെ വിതരണവും അന്ന് നടക്കും. ഡൗണ്ലോഡ് ചെയ്ത ഐഡി സഹിതം ബന്ധപ്പെട്ട കേന്ദ്രങ്ങളില് ഹാജരാകണം. മടപ്പള്ളി ഗവണ്മെന്റ് കോളജില് ഒന്നാം വര്ഷ എംഎ ഇക്കണോമിക്സിന് രജിസ്റ്റര് ചെയ്തവര് ദേവഗിരി സെന്റ് ജോസഫ്സ് കോളജില് നിന്നും പഠനസാമഗ്രികള് കൈപ്പറ്റി അവിടെ കോണ്ടാക്ട് ക്ലാസിന് ഹാജരാകണം.
സ്പെഷല് സപ്ലിമെന്ററി പരീക്ഷാ അപേക്ഷ
എംഎസ്സി മാത്തമാറ്റിക്സിന് 2001 മുതല് 2009 വരെയുള്ള വര്ഷങ്ങളിലും എംഎസ് സി കെമിസ്ട്രിക്ക് 2001 മുതല് 2004 വരെയും (2001 സ്കീം), 2005 മുതല് 2009 വരെയുമുള്ള (2005 സ്കീം) വര്ഷങ്ങളില് പ്രവേശനം നേടി എല്ലാ അവസരങ്ങളും കഴിഞ്ഞവര്ക്കായി സ്പെഷല് സപ്ലിമെന്ററി (നോണ് സിയുസിഎസ്എസ്) പരീക്ഷ നടത്തുന്നു. സാധാരണ ഫോമില് മാര്ച്ച് 15 വരെ അപേക്ഷിക്കാം. പരീക്ഷാ ഫീസ് പേപ്പറൊന്നിന് 2,500 രൂപ. അപേക്ഷ, മാര്ക്ക് ലിസ്റ്റിന്റെ എല്ലാ പകര്പ്പുകളും ചലാനും സഹിതം സ്പെഷല് സപ്ലിമെന്ററി എക്സാമിനേഷന് യൂണിറ്റ്, പരീക്ഷാഭവന് , കാലിക്കട്ട് യൂണിവേഴ്സിറ്റി പിഒ, 673 635 എന്ന വിലാസത്തില് ലഭിക്കണം. ഫോണ് : 0494 2407367. വിവരങ്ങള് വെബ്സൈറ്റില്.
പരീക്ഷാ അപേക്ഷ
അഞ്ചാം സെമസ്റ്റര് ബിവോക് ടൂറിസം ആൻഡ് ഹോസ്പിറ്റാലിറ്റി മാനേജ്മെന്റ് (2015 പ്രവേശനം) റഗുലര് പരീക്ഷയ്ക്ക് മാര്ച്ച് ആറ് വരെ അപേക്ഷിക്കാം.
പരീക്ഷാഫലം
വിദൂരവിദ്യാഭ്യാസം നാലാം സെമസ്റ്റര് ബിഎ/ബിഎ അഫ്സല്ഉല്ഉലമ (സിയുസിബിസിഎസ്എസ്) റഗുലര്/സപ്ലിമെന്ററി/ഇംപ്രൂവ്മെന്റ് ഏപ്രില് 2017 പരീക്ഷാഫലം വെബ്സൈറ്റില് .
2017 ജൂണില് നടത്തിയ രണ്ടാം സെമസ്റ്റര് എംഎസ് സി സ്റ്റാറ്റിസ്റ്റിക്സ്, എംഎസ് സി കംപ്യൂട്ടര് സയന്സ് (സിയുസിഎസ്എസ്) പരീക്ഷാഫലം വെബ്സൈറ്റില്. പുനര്മൂല്യനിര്ണയത്തിന് മാര്ച്ച് ഒമ്പത് വരെ അപേക്ഷിക്കാം.
2017 ജൂണില് നടത്തിയ രണ്ടാം സെമസ്റ്റര് എംഎസ്സി ഫാഷന് ആൻഡ് ടെക്സ്റ്റൈല് ഡിസൈനിംഗ് (സിയുസിഎസ്എസ്) പരീക്ഷാഫലം വെബ്സൈറ്റില് . പുനര്മൂല്യനിര്ണയത്തിന് മാര്ച്ച് എട്ട് വരെ അപേക്ഷിക്കാം.
മൂല്യനിര്ണയ ക്യാമ്പ്
മൂന്നാം സെമസ്റ്റര് എംഎ മലയാളം (സിയുസിഎസ്എസ്) പരീക്ഷയുടെ മൂല്യനിര്ണയ ക്യാമ്പ് 28 മുതല് പട്ടാമ്പി എസ്എന്ജിഎസ് കോളജില് നടക്കും. പിജി ക്ലാസുകളില് ഒരു വര്ഷത്തില് കൂടുതല് അധ്യാപന പരിചയമുള്ളവര് ക്യാമ്പില് പങ്കെടുക്കണമെന്ന് പരീക്ഷാ കണ്ട്രോളര് അറിയിച്ചു.
ക്വട്ടേഷന് ക്ഷണിച്ചു
കാമ്പസിലെ 61 മരങ്ങള് ഒന്നിച്ച് വില്ക്കുന്നതിന് ക്വട്ടേഷന് ക്ഷണിച്ചു. മുദ്രവച്ച ക്വട്ടേഷന് ലഭിക്കേണ്ട അവസാന തിയതി മാര്ച്ച് ഏഴിന് വൈകുന്നേരം മൂന്ന്. വിവരങ്ങള്ക്ക് സിവില് വിഭാഗം അസിസ്റ്റന്റ് എക്സിക്യുട്ടീവ് എൻജിനിയറുമായി ബന്ധപ്പെടണം. വെബ്സൈറ്റ് www.universityofcalicut.info .
പരിസ്ഥിതി സംരക്ഷണ ഗവേഷണങ്ങള്ക്ക് പ്രോത്സാഹനം നല്കും: വൈസ് ചാന്സലര്
കോഴിക്കോട്: പരിസ്ഥിതി സംരക്ഷണവുമായി ബന്ധപ്പെട്ട മേഖലകളില് ഗവേഷണം നടത്തുന്നതിന് വിദ്യാർഥികള്ക്ക് കൂടുതല് പ്രോത്സാഹനം നല്കുമെന്ന് വൈസ് ചാന്സലര് ഡോ.കെ.മുഹമ്മദ് ബഷീര് പറഞ്ഞു. 'പരിസ്ഥിതി മാറ്റവും കാര്ബണിക ഗവേഷണവും: നൂതന പ്രവണതകള് ' എന്ന വിഷയത്തില് ത്രിദിന ദേശീയ സെമിനാര് സര്വകലാശാലാ ബോട്ടണി പഠനവകുപ്പില് ഉദ്ഘാടനം ചെയ്യുകയായിരുന്നു അദ്ദേഹം. സര്വകലാശാലക്ക് കീഴിലെ 432 കോളജുകളില് ഗ്രീന് കാമ്പസ്ക്ലീന് കാമ്പസ് പദ്ധതി നടപ്പാക്കിവരികയാണ്. ഹരിതവല്കൃത കാമ്പസായി സര്വകലാശാലയെയും കോളജുകളെയും അടുത്ത പരിസ്ഥിതിദിനമായ ജൂണ് അഞ്ചിന് പ്രഖ്യാപിക്കാന് കഴിയുന്ന രീതിയിലാണ് പ്രവര്ത്തനങ്ങള് പുരോഗമിക്കുന്നത്. കാമ്പസിലെ 35 പഠനവകുപ്പുകളും വിവിധ ഡയറക്ടറേറ്റുകളും ചേര്ന്ന് സുവര്ണ്ണ ജൂബിലിയുടെ ഭാഗമായി നാല്പ്പതിലേറെ ദേശീയഅന്തര് ദേശീയ സെമിനാറുകള് സംഘടിപ്പിച്ചുവരികയാണെന്നും ഡോ.കെ.മുഹമ്മദ് ബഷീര് പറഞ്ഞു. ത്രിദിന സെമിനാറില് 50 പ്രബന്ധങ്ങള് അവതരിപ്പിക്കുന്നുണ്ട്. പ്രോവൈസ് ചാന്സലര് ഡോ.പി.മോഹന് അധ്യക്ഷത വഹിച്ചു.
ത്രിദിന ദേശീയ സെമിനാറിന് തുടക്കമായി
കോഴിക്കോട്: കാലിക്കട്ട് സര്വകലാശാലാ കെമിസ്ട്രി പഠനവകുപ്പിന്റെ ആഭിമുഖ്യത്തില് രസതന്ത്ര ശാസ്ത്ര ശാഖകളുടെ അതിരുകള് എന്ന വിഷയത്തില് ത്രിദിന ദേശീയ സെമിനാറിന് തുടക്കമായി. വൈസ് ചാന്സലര് ഡോ.കെ.മുഹമ്മദ് ബഷീര് ഉദ്ഘാടനം ചെയ്തു. കേരള ശാസ്ത്ര സാങ്കേതിക പരിസ്ഥിതി കൗണ്സില് എക്സിക്യുട്ടീവ് വൈസ് പ്രസിഡന്റ് ഡോ.കെ.സുരേഷ് ദാസ് മുഖ്യപ്രഭാഷണം നടത്തി.
പഠനവകുപ്പ് മേധാവി ഡോ.പി.രവീന്ദ്രന് അധ്യക്ഷത വഹിച്ചു. സിൻഡിക്കറ്റ് അംഗം ഡോ.സി.എല്.ജോഷി, പ്രഫ.കെ.എല്.സെബാസ്റ്റ്യന്, ഡോ.എ.അജയഘോഷ് തുടങ്ങിയവർ പ്രസംഗിച്ചു.