എംജി പഠനവകുപ്പുകളിൽ പിജി പ്രവേശനത്തിന് ഓണ്ലൈൻ അപേക്ഷ ഇന്ന് മുതൽ
എംജി യൂണിവേഴ്സിറ്റി വിവിധ പഠനവകുപ്പുകളിലെ പിജി പ്രവേശനത്തിനായി നടത്തുന്ന പ്രവേശന പരീക്ഷയ്ക്കുള്ള (ഇഅഠ ങഏഡ 201819) ഓണ്ലൈൻ രജിസ്ട്രേഷൻ ഇന്ന് ആരംഭിച്ച് 31ന് അവസാനിക്കും. സർവകലാശാലാ പഠനവകുപ്പുകളിലെ വിവിധ എംഎ, എംഎസ്സി, എൽഎൽഎം, എംടിടിഎം, എംഎഡ് പ്രോഗ്രാമുകളിലേക്കാണു പ്രവേശന പരീക്ഷ നടത്തുന്നത്. അവസാനവർഷ ബിരുദ പരീക്ഷാഫലം കാത്തുനിൽക്കുന്നവർക്കും അപേക്ഷ സമർപ്പിക്കാം. ഓണ്ലൈനായാണ് അപേക്ഷയും ഫീസും സമർപ്പിക്കണം. രജിസ്ട്രേഷൻ ഫീസ് പൊതുവിഭാഗത്തിന് 880 രൂപയും പട്ടികജാതി/വർഗ വിദ്യാർഥികൾക്ക് 440 രൂപയുമാണ്. ഡെബിറ്റ് കാർഡ്, എടിഎം, ഇന്റർനെറ്റ് ബാങ്കിംഗ് ഇവയിലേതെങ്കിലും ഉപയോഗിച്ച് ഓണ്ലൈനായി ഫീസടയ്ക്കാം. ഈ സൗകര്യങ്ങൾ ഇല്ലാത്ത അപേക്ഷകർക്ക് സംസ്ഥാനത്തെ എല്ലാ അക്ഷയ കേന്ദ്രങ്ങളിലും ഫീസടയ്ക്കാം. പ്രവേശന പരീക്ഷയ്ക്കു തിരുവനന്തപുരം, കോട്ടയം, കൊച്ചി, കോഴിക്കോട് എന്നിവിടങ്ങളിൽ പരീക്ഷാ കേന്ദ്രങ്ങൾ ഉണ്ടായിരിക്കും. ഓണ്ലൈൻ അപേക്ഷയും പ്രവേശന പ്രക്രീയ, യോഗ്യത, പഠനവകുപ്പുകൾ, പിജി പ്രോഗ്രാമുകൾ, പ്രവേശന പരീക്ഷയുടെ ഘടന/സിലബസ് തുടങ്ങിയ വിശദവിവരങ്ങളും ംംം.രമോഴൗ.മര.ശി, ംംം.ാഴൗ.മര.ശി എന്നീ വെബ്സൈറ്റുകളിൽ ലഭ്യമാണ്.
പരീക്ഷാഫലം
2017 ജൂലൈ മാസം സ്കൂൾ ഓഫ് ബിഹേവിയറൽ സയൻസസിൽ നടത്തിയ നാലാം സെമസ്റ്റർ എംഎസ്സി സൈക്കോളജി (സിഎസ്എസ്) പരീക്ഷയുടെ ഫലം പ്രസിദ്ധപ്പെടുത്തി.
2017 നവംബറിൽ നടത്തിയ പത്താം സെമസ്റ്റർ ബിഎ ക്രിമിനോളജി എൽഎൽബി ഓണേഴ്സ് പരീക്ഷയുടെ ഫലം പ്രസിദ്ധപ്പെടുത്തി. എം.ഡി. ആരാധന, അശ്വതി സുകുമാരൻ, വി.ജെ. സുമി ലിസ എന്നിവർ യഥാക്രമം ഒന്നും രണ്ടും മൂന്നും റാങ്കുകൾ നേടി. പുനർമൂല്യനിർണയത്തിനും സൂക്ഷ്മപരിശോധനയ്ക്കും 15 വരെ അപേക്ഷിക്കാം.
എറണാകുളം ഗവണ്മെന്റ് ലോ കോളജിൽ 2017 നവംബറിൽ നടത്തിയ പത്താം സെമസ്റ്റർ പഞ്ചവത്സര ബിഎഎൽ എൽഎൽബി (സപ്ലിമെന്ററി 2011നു മുന്പുള്ള അഡ്മിഷൻ) പരീക്ഷയുടെ ഫലം പ്രസിദ്ധപ്പെടുത്തി. പുനർമൂല്യനിർണയത്തിനും സൂക്ഷ്മപരിശോധനയ്ക്കും 13 വരെ അപേക്ഷിക്കാം.
എറണാകുളം ഗവ. ലോ കോളജിൽ 2017 ജൂലൈ മാസം നടത്തിയ ഒൻപതാം സെമസ്റ്റർ പഞ്ചവത്സര ബിഎഎൽ എൽഎൽബി (സപ്ലിമെന്ററി 2011ന് മുന്പുള്ള അഡ്മിഷൻ) പരീക്ഷയുടെ ഫലം പ്രസിദ്ധപ്പെടുത്തി. പുനർമൂല്യനിർണയത്തിനും സൂക്ഷ്മപരിശോധനയ്ക്കും ഒന്പതു വരെ അപേക്ഷിക്കാം.
2017 ഒക്ടോബറിൽ നടത്തിയ രണ്ടാം സെമസ്റ്റർ മാസ്റ്റർ ഓഫ് പബ്ലിക് ഹെൽത്ത് (റഗുലർ/സപ്ലിമെന്ററി) പരീക്ഷയുടെ ഫലം പ്രസിദ്ധപ്പെടുത്തി. സൂക്ഷ്മപരിശോധനയ്ക്ക് 13 വരെ അപേക്ഷിക്കാം.