സെനറ്റ് തെരഞ്ഞെടുപ്പ്: വോട്ടർ പട്ടിക പ്രസിദ്ധീകരിച്ചു
ജനുവരി 16ലെ വിജ്ഞാപന പ്രകാരം വിവിധ മണ്ഡലങ്ങളിലെ സെനറ്റ് തെരഞ്ഞെടുപ്പിനുള്ള വോട്ടർ പട്ടിക പ്രസിദ്ധീകരിച്ചു. തിരുത്തലുകൾക്കും കൂട്ടിച്ചേർക്കലുകൾക്കും മറ്റും അതത് മണ്ഡലങ്ങളിലെ വോട്ടർ പട്ടിക പ്രസിദ്ധീകരിച്ച തിയതി മുതൽ 15 ദിവസത്തിനകം രജിസ്ട്രാർ ആൻഡ് റിട്ടേണിംഗ് ഓഫീസർ, കാലിക്കട്ട് സർവകലാശാല എന്ന വിലാസത്തിൽ അറിയിക്കണം. കരട് വോട്ടർപട്ടികയുടെ പകർപ്പ് സർവകലാശാലാ വെബ്സൈറ്റിൽ ലഭ്യമാണ്.
ഇൻർസോണ് കലോത്സവം: കോളജുകൾക്ക് ആതിഥേയത്വം വഹിക്കാം
ഈ വർഷത്തെ ഇന്റർസോണ് കലോത്സവം ഏപ്രിലിൽ നടക്കും. ആതിഥേയത്വം വഹിക്കാൻ താത്പ്പര്യമുള്ള കോളജുകൾ അപേക്ഷ പ്രിൻസിപ്പൽ മുഖേന മാർച്ച് 15നകം വിദ്യാർഥിക്ഷേമ ഡീനിന് സമർപ്പിക്കണം.
പിഎച്ച്ഡി തമിഴ് പ്രവേശനം
2018 വർഷത്തെ പിഎച്ച്ഡി തമിഴ് പ്രവേശനത്തിന് ഓണ്ലൈൻ അപേക്ഷ ക്ഷണിച്ചു. അവസാന തിയതി മാർച്ച് 17. ഫീസ് ജനറൽ 550 രൂപ, എസ് സി/എസ്ടി 220 രൂപ. 2017 നവംബർ 21ലെ പിഎച്ച്ഡി വിജ്ഞാപനപ്രകാരം അപേക്ഷിച്ചവർ വീണ്ടും അപേക്ഷിക്കേണ്ടതില്ല. സാക്ഷ്യപ്പെടുത്തിയ അപേക്ഷയുടെ പ്രിന്റൗട്ട്, ചലാൻ സഹിതം ഡയറക്ടർ, ഡയറക്ടറേറ്റ് ഓഫ് അഡ്മിഷൻ, ടാഗോർ നികേതൻ, കാലിക്കട്ട് യൂണിവേഴ്സിറ്റി പി.ഒ, 673 635 എന്ന വിലാസത്തിൽ 20നകം ലഭിക്കണം. പ്രവേശന പരീക്ഷ 24ന് നടത്തി ഏപ്രിൽ 11ന് ഫലം പ്രസിദ്ധീകരിക്കും. പിഎച്ച്ഡി റഗുലേഷൻ, ഒഴിവുകൾ എന്നീ വിവരങ്ങൾ www.cuonline.ac.in വെബ്സൈറ്റിൽ. ഫോണ് : 0494 2407016.
ആറാം സെമസ്റ്റർ ബിടെക് പുനർമൂല്യനിർണയ അപേക്ഷ
ആറാം സെമസ്റ്റർ ബിടെക് (09 സ്കീം, 14 സ്കീം) ഏപ്രിൽ 2017 പരീക്ഷയുടെ പുനർമൂല്യനിർണയത്തിന് ഓണ്ലൈൻ അപേക്ഷ സ്വീകരിക്കുന്ന തിയതി ഏഴ് വരെ നീട്ടി.
പരീക്ഷാഫലം
വിദൂരവിദ്യാഭ്യാസം നാലാം സെമസ്റ്റർ ബിഎ/ബിഎ അഫ്സൽഉൽഉലമ, ബിഎംഎംസി (സിയുസിബിസിഎസ്എസ്) ഏപ്രിൽ 2017 പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 15 വരെ അപേക്ഷിക്കാം.
2017 ഏപ്രിലിൽ നടത്തിയ വിദൂരവിദ്യാഭ്യാസം മൂന്ന്, നാല് സെമസ്റ്റർ എംകോം പരീക്ഷാഫലം വെബ്സൈറ്റിൽ. ഇംപ്രൂവ്മെന്റ്/സപ്ലിമെന്ററി പരീക്ഷക്ക് 21 വരെ അപേക്ഷിക്കാം. പുനർമൂല്യനിർണയത്തിന് 17 വരെ അപേക്ഷിക്കാം. 2004 മുതൽ 2011 വരെ പ്രവേശനം വിദ്യാർത്ഥികൾക്ക് പുനർമൂല്യനിർണയത്തിനും ഇംപ്രൂവ്മെന്റിനും അവസരമുണ്ടായിരിക്കുന്നതല്ല.
2017 മേയിൽ നടത്തിയ എംഎ ഹിന്ദി പ്രീവിയസ് റഗുലർ/സപ്ലിമെന്ററി/ഇംപ്രൂവ്മെന്റ് പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 15 വരെ അപേക്ഷിക്കാം.
പരീക്ഷ
ഒന്നാം സെമസ്റ്റർ എം.എസ്.സി ഹെൽത്ത് ആൻഡ് യോഗ തെറാപ്പി (2013 മുതൽ പ്രവേശനം) റഗുലർ/സപ്ലിമെന്ററി പരീക്ഷക്ക് 12 വരെ അപേക്ഷിക്കാം.
പ്രാക്ടിക്കൽ പരീക്ഷ
അഞ്ചാം സെമസ്റ്റർ ബി.വോക് സോഫ്റ്റ്വെയർ ഡെവലപ്മെന്റ്/ടെക്നോളജി പ്രാക്ടിക്കൽ പരീക്ഷ 12ന് ആരംഭിക്കും.