പോസ്റ്റ് ഗ്രാജ്വേറ്റ് ഡിപ്ലോമ ഇൻ ലേണിംഗ് ഡിസബിലിറ്റി 2018
കണ്ണൂർ സർവകലാശാലയുടെ കീഴിലുള്ള തങ്കയം ഫാപ്പിൻസ് കമ്യൂണിറ്റി കോളജ് ഓഫ് ബിഹേവിയർ മാനേജ്മെന്റിൽ 201819 അധ്യയനവർഷത്തിൽ നടത്തുന്ന പോസ്റ്റ് ഗ്രാജ്വേറ്റ് ഡിപ്ലോമ ഇൻ ലേണിംഗ് ഡിസബിലിറ്റി (പിജിഡിഎൽഡി) പാർട്ട് ടൈം കോഴ്സിലേക്കുള്ള അപേക്ഷ ക്ഷണിച്ചു. അപേക്ഷകൾ സ്വീകരിക്കുന്ന അവസാന തീയതി മാർച്ച് 30. സീറ്റുകളുടെ എണ്ണം 30. കോഴ്സ് കാലാവധി ഒരു വർഷം (രണ്ടു സെമസ്റ്ററുകൾ). അംഗീകൃത സർവകലാശാലയിൽനിന്നും ഏതെങ്കിലും വിഷയത്തിൽ ബിരുദം നേടിയവർക്ക് അപേക്ഷിക്കാം. വിശദവിവരങ്ങൾക്ക് കോളജുമായി ബന്ധപ്പെടണം. ഫോണ്: 0467211535, 9447051039. www.kannuruniversity.ac.in, www.phapins.com
ഇന്റേണൽ മാർക്ക്: ഓണ്ലൈൻ തീയതി നീട്ടി
കണ്ണൂർ സർവകലാശാലയുടെ കീഴിലുള്ള ഒന്നാം സെമസ്റ്റർ (സിബിസിഎസ്എസ് 2017 അഡ്മിഷൻ) ബിരുദ വിദ്യാർഥികളുടെ ഇന്റണൽ അസസ്മെന്റ് മാർക്കുകൾ ഓണ്ലൈനായി സമർപ്പിക്കാനുള്ള തീയതി 15 വരെ നീട്ടി. സാക്ഷ്യപ്പെടുത്തിയ പ്രിന്റൗട്ട് 16നകം സർവകലാശാലയിൽ എത്തിക്കണം.