ഇഎംഎംആര്സിയില് വിവിധ ഒഴിവുകള് : 26ന് വാക്-ഇന്-ഇന്റര്വ്യൂ
എഡ്യുക്കേഷണല് മള്ട്ടിമീഡിയ റിസര്ച്ച് സെന്ററില് വിവിധ പ്രോജക്ടുകളില് ഒഴിവുള്ള തസ്തികകളില് താല്ക്കാലിക നിയമനത്തിന് ബ്രാക്കറ്റില് കാണുന്ന തിയതികളില് വാക്ഇന് ഇന്റര്വ്യൂ നടത്തും. പ്രൊഡക്ഷന് അസിസ്റ്റന്റ്, അഡ്മിനിസ്ട്രേഷന് അസിസ്റ്റന്റ് (26ന് രാവിലെ പത്തിന് ), അക്കഡേമിക് കോഓര്ഡിനേറ്റര് ( 26ന് ഉച്ചക്ക് രണ്ടിന് ). ബയോഡാറ്റ, സെല്ഫ് അറ്റസ്റ്റഡ് ഫോട്ടോ, അറ്റസ്റ്റ് ചെയ്ത സര്ട്ടഫിക്കറ്റുകളുടെ പകര്പ്പും ഒറിജിനലും സഹിതം ഹാജരാകണം. അപേക്ഷയുടെ ഫോര്മാറ്റും വിവരങ്ങളും www.emmrccalicut.org വെബ്സൈറ്റില്.
ടീച്ചര് എഡ്യുക്കേഷന് കേന്ദ്രങ്ങളില് പ്രിന്സിപ്പല് : അഭിമുഖം 24ന്
ടീച്ചര് എഡ്യുക്കേഷന് കേന്ദ്രങ്ങളില് പ്രിന്സിപ്പല് കരാര് നിയമനത്തിന് ഓണ്ലൈനായി അപേക്ഷിച്ച യോഗ്യരായവര്ക്കുള്ള അഭിമുഖം 24ന് രാവിലെ പത്തിന് സര്വകലാശാല ഭരണവിഭാഗത്തില് നടക്കും. വിവരങ്ങള് വെബ്സൈറ്റില് . ഫോണ്: 0494 2407106.
സിഡിഎംആര്പിയില് വിവിധ ഒഴിവുകളില് അഭിമുഖം 14ന്
സൈക്കോളജി പഠനവകുപ്പിലെ സിഡിഎംആര്പിയില് ഒഴിവുള്ള ഡിസെബിലിറ്റി മാനേജ്മെന്റ് ഓഫീസര്, കേസ് കോഓര്ഡിനേറ്റര് കം ലെയ്സണ് ഓഫീസര് , സ്പീച്ച്ലാംഗ്വേജ് പാത്തോളജിസ്റ്റ് ആൻഡ് ഓഡിയോളജിസ്റ്റ്, ഒക്യുപേഷണല് തെറാപിസ്റ്റ് എന്നീ തസ്തികകളില് നിയമനത്തിന് അപേക്ഷിച്ചവരില് യോഗ്യരായവര്ക്കുള്ള അഭിമുഖം 14ന് ഉച്ചക്ക് രണ്ടിന് നടക്കും. ഷോര്ട്ട് ലിസ്റ്റ് വെബ്സൈറ്റില് . എല്ലാ സര്ട്ടഫിക്കറ്റുകളുടെയും ഒറിജിനലും അറ്റസ്റ്റഡ് കോപ്പിയും സഹിതം അഭിമുഖത്തിന് ഹാജരാകണം.
സമ്മര് കോച്ചിംഗ് ക്യാമ്പ് ഏപ്രില് നാല് മുതല്
കായിക പഠനവകുപ്പിന് കീഴില് നടത്തുന്ന സമ്മര് കോച്ചിംഗ് ക്യാമ്പ് ഏപ്രില് നാല് മുതല് മേയ് 19 വരെ രാവിലെആറര മുതല് എട്ടരവരെ സര്വകലാശാലാ സ്റ്റേഡിയത്തില് നടക്കും. അത്ലറ്റിക്സ്, ഫുട്ബോള് , ക്രിക്കറ്റ്, ഹാൻഡ്ബോള്, ചെസ്, ബാഡ്മിന്റണ്, ഖോഖോ, തയ്ക്വാൻഡോ, ജൂഡോ, ജിംനാസ്റ്റിക്, ബാസ്കറ്റ്ബോള് , ബോക്സിംഗ് എന്നീ ഇനങ്ങളിലാണ് പരിശീലനം. ഏഴ് വയസിനും 18 വയസിനും ഇടയില് പ്രായമുള്ള വിദ്യാർഥികള്ക്ക് പങ്കെടുക്കാം. ഏപ്രില് രണ്ടിനകം പഠനവിഭാഗത്തില് രജിസ്റ്റര് ചെയ്യണം. അപേക്ഷാ ഫോം വെബ്സൈറ്റിലും പഠനവിഭാഗത്തിലും ലഭ്യമാണ്. രണ്ട് ഫോട്ടോയും 700 രൂപ ഫീസോടും കൂടി അപേക്ഷിക്കണം. വിവരങ്ങള്ക്ക്: 9847110850, 0494 2407501.
ഡോ.പി.കേശവമേനോന് സ്മാരക പ്രഭാഷണം
സര്വകലാശാലാ സുവർണ ജൂബിലിയുടെ ഭാഗമായി മാത്തമാറ്റിക്സ് പഠനവകുപ്പിന്റെ ആഭിമുഖ്യത്തില് 29ാമത് ഡോ.പി.കേശവമേനോന് സ്മാരക പ്രഭാഷണം സംഘടിപ്പിക്കുന്നു. 15 മുതല് 17 വരെ പഠനവകുപ്പ് ഹാളിലാണ് പരിപാടി. 2015ലെ ശാന്തിസ്വരൂപ് ഭട്നാഗര് അവാര്ഡ് ജേതാവ് പ്രഫ.കെ.സന്ദീപ് പ്രഭാഷണം നടത്തും.
പരീക്ഷാഫലം
2017 ജൂണില് നടത്തിയ രണ്ടാം സെമസ്റ്റര് എംഎസ്സി മൈക്രോബയോളജി (സിയുസിഎസ്എസ്) പരീക്ഷാഫലം വെബ്സൈറ്റില് . പുനര്മൂല്യനിര്ണയത്തിന് 23 വരെ അപേക്ഷിക്കാം.