2017 സെപ്റ്റംബറിൽ നടത്തിയ ബിഎ (ആന്വൽ സ്കീം) പാർട്ട് മൂന്ന് മെയിനും സബ്സിഡിയറിയും പരീക്ഷയുടെ ഫലം വെബ്സൈറ്റിൽ. പരീക്ഷയിൽ പരാജയപ്പെട്ട വിദ്യാർഥികൾക്ക് ഏപ്രിലിൽ ആരംഭിക്കുന്ന പരീക്ഷയ്ക്ക് പിഴകൂടാതെ15 വരെയും പിഴയോടെ 23 വരെയും ഫീസടച്ച് അപേക്ഷിക്കാം. മുൻപ് ഓണ്ലൈനായി അപേക്ഷിച്ച വിദ്യാർഥികൾ തുടർന്നും ഓണ്ലൈനായി അപേക്ഷിക്കണം.
ബികോം ഫലം
2017 ജൂലൈയിൽ നടത്തിയ സിബിസിഎസ് ബികോം നാലാം സെമസ്റ്റർ 2015 അഡ്മിഷൻ (റഗുലർ), 2014 അഡ്മിഷൻ (ഇംപ്രൂവ്മെന്റ്), 2013 അഡ്മിഷൻ (സപ്ലിമെന്ററി) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിനും സൂക്ഷ്മപരിശോധനയ്ക്കും ഓണ്ലൈനായി അപേക്ഷിക്കേണ്ട അവസാന തീയതി 28. വെബ്സൈറ്റിൽ നിന്ന് ലഭ്യമാകുന്ന കരട് മാർക്ക്ലിസ്റ്റ് ഉപയോഗിക്കാം.
എംഎ/എംകോം പരീക്ഷ
ഏപ്രിലിൽ നടത്തുന്ന ഒന്നാം വർഷ എംഎ/എംകോം പ്രൈവറ്റ് രജിസ്ട്രേഷൻ പരീക്ഷകൾക്ക് പിഴയില്ലാതെ 19 വരെയും പിഴയോടെ 24 വരെയും അപേക്ഷിക്കാം. അപേക്ഷകൾ ഓഫ്ലൈനായി സമർപ്പിക്കേണ്ടതാണ്. പരീക്ഷകൾ ഏപ്രിൽ 16ന് ആരംഭിക്കും. വിശദവിവരങ്ങൾ വെബ്സൈറ്റിൽ
എംഎ ഫലം
2017 ഫെബ്രുവരിയിൽ നടത്തിയ ഒന്നാം സെമസ്റ്റർ എംഎ ഹിന്ദി, പൊളിറ്റിക്കൽ സയൻസ്, എംഎസ്സി ജ്യോഗ്രഫി, എൻവയോണ്മെന്റൽ സയൻസ്, ബയോകെമിസ്ട്രി, പോളിമർ കെമിസ്ട്രി എന്നിവയുടെ ഫലം വെബ്സൈറ്റിൽ.
പിജി സർട്ടിഫിക്കറ്റ് ഇൻ ക്രിമിനോളജി ആൻഡ് ക്രിമിനൽ ജസ്റ്റിസ് അഡ്മിനിസ്ട്രേഷൻ കോഴ്സ് തീയതി നീട്ടി
തുടർവിദ്യാഭ്യാസ വ്യാപനകേന്ദ്രം നടത്തുന്ന പിജി സർട്ടിഫിക്കറ്റ് ഇൻ ക്രിമിനോളജി ആൻഡ് ക്രിമിനൽ ജസ്റ്റിസ് അഡ്മിനിസ്ട്രേഷൻ കോഴ്സിന് 17 വരെ അപേക്ഷിക്കാം. യോഗ്യത: കേരള സർവകലാശാല അംഗീകരിച്ച ബിരുദം. കോഴ്സ് ദൈർഘ്യം: ആറ് മാസം. ഫീസ്: ഒൻപതിനായിരം രൂപ. നിയമ ബിരുദധാരികൾക്ക് ഫീസ് 8500 രൂപ. ക്ലാസുകൾ: ശനി, ഞായർ ദിവസങ്ങളിൽ മാത്രം. വിവരങ്ങൾക്ക്: 04712302523.
പിജി സർട്ടിഫിക്കറ്റ് ഇൻ അഡോളസെന്റ് ആൻഡ് പ്രീമാരിറ്റൽ കൗണ്സലിംഗ് കോഴ്സ് തീയതി നീട്ടി
തുടർവിദ്യാഭ്യാസ വ്യാപന കേന്ദ്രം നടത്തുന്ന പിജി സർട്ടിഫിക്കറ്റ് ഇൻ അഡോളസെന്റ് ആൻഡ് പ്രീമാരിറ്റൽ കൗണ്സലിംഗ് കോഴ്സിന് 17 വരെ അപേക്ഷിക്കാം. യോഗ്യത: കേരള സർവകലാശാല അംഗീകരിച്ച ബിരുദം. കാലാവധി: നാല് മാസം. ഫീസ്: 7500 രൂപ. അപേക്ഷ ഫോറം: 100 രൂപ. അവസാന തീയതി: 17, ക്ലാസുകൾ: ശനി, ഞായർ ദിവസങ്ങളിൽ മാത്രം. ഫോണ്: 04712302523. അപേക്ഷാ ഫോറം പിഎംജിയിലെ സിഎസിഇഇ ഓഫീസിൽ ലഭിക്കും.
ബിഎ പ്രോജക്ട് മൂല്യനിർണയവും വാചാപരീക്ഷയും
ഏപ്രിലിൽ നടത്തുന്ന ആറാം സെമസ്റ്റർ ബിഎ ഓണേഴ്സ് ഇൻ ഇംഗ്ലീഷ് ലാംഗ്വേജ് ആൻഡ് ലിറ്ററേച്ചർ പരീക്ഷയുടെ പ്രോജക്ട് മൂല്യനിർണയവും വാചാപരീക്ഷയും 16 ന് തിരുവനന്തപുരം ഗവ. വിമൻസ് കോളജിൽ നടത്തും. വിശദമായ ടൈംടേബിൾ വെബ്സൈറ്റിൽ
സിൻഡിക്കേറ്റ് യോഗം
സിൻഡിക്കേറ്റ് യോഗം 24ന് രാവിലെ 10 ന് സർവകലാശാല ആസ്ഥാനത്ത് നടക്കും.
ചുമതലയേറ്റു
കേരള സർവകലാശാല, ഡിപ്പാർട്ട്മെന്റ് ഓഫ് സ്റ്റുഡന്റ് സർവീസസിന്റെ ഡയറക്ടറായി കാര്യവട്ടം ധനതത്വശാസ്ത്ര വകുപ്പിലെ അസിസ്റ്റന്റ് പ്രഫ. ആർ. സിദ്ദിക്ക് ചുമതലയേറ്റു.