2018 മെഡിക്കൽ/ആർക്കിടെക്ചർ: കൂട്ടിച്ചേർക്കാനും പുതിയ അപേക്ഷയ്ക്കും അവസരം
തിരുവനന്തപുരം: പ്രഫഷണൽ ഡിഗ്രി കോഴ്സുകളിലെ പ്രവേശനത്തിനായി ഇതിനോടകം പ്രവേശന പരീക്ഷാ കമ്മീഷണർക്ക് ഓണ്ലൈൻ അപേക്ഷകൾ സമർപ്പിച്ചിട്ടുള്ള അപേക്ഷകർക്ക് മെഡിക്കൽ/ അനുബന്ധ കോഴ്സുകളും ആർക്കിടെക്ചർ കോഴ്സും കൂട്ടിച്ചേർക്കാൻ അവസരം. ഇതിനോടകം കീം 2018 ൽ ഉൾപ്പെട്ടിട്ടുള്ള ഏതെങ്കിലും കോഴ്സുകളിലേക്കു പ്രവേശനത്തിനായി ഓണ്ലൈൻ അപേക്ഷ സമർപ്പിച്ചിട്ടില്ലാത്തവർക്ക് മെഡിക്കൽ/അനുബന്ധ കോഴ്സുകളോ ആർക്കിടെക്ചർ കോഴ്സോ ആവശ്യമുള്ള പക്ഷം അതിലേക്കായി പുതുതായി ഓണ്ലൈൻ അപേക്ഷകൾ സമർപ്പിക്കാം. ഇതിനു പ്രവേശന പരീക്ഷാ കമ്മീഷണറുടെ വെബ്സൈറ്റിൽ സൗകര്യം ലഭ്യമാക്കും. സൗകര്യം പ്രവേശന പരീക്ഷാ കമ്മീഷണറുടെ വെബ്സൈറ്റിൽ മേയ് ഏഴു മുതൽ 12 ന് വൈകുന്നേരം അഞ്ചുവരെ ലഭ്യമാക്കും. വിജ്ഞാപനം പിന്നീടു പ്രസിദ്ധീകരിക്കും.
മെഡിക്കൽ/അനുബന്ധ കോഴ്സുകളിലെ പ്രവേശനത്തിന് അപേക്ഷകൾ നാഷണൽ എലിജിബിലിറ്റി കം എൻട്രൻസ് ടെസ്റ്റ് അണ്ടർ ഗ്രാജ്വേറ്റ് (നീറ്റ് യുജി ) 2018 പരീക്ഷ എഴുതി കീം 2018 പ്രോസ്പെക്ടസ് പ്രകാരമുള്ള നിശ്ചിയ യോഗ്യത നേടിയിരിക്കണം.
ബിആർക് പ്രവേശനത്തിന് അപേക്ഷകർ നാഷണൽ ആപ്റ്റിറ്റ്യൂട്ട് ടെസ്റ്റ് ഇൻ ആർക്കിടെക്ചർ (നാറ്റാ) 2018 എഴുതി നിശ്ചിത യോഗ്യത നേടിയിരിക്കണം.