തിരുവനന്തപുരം: ഒഡിഇപിസി മുഖേന സൗദി ആരോഗ്യ മന്ത്രാലയത്തിലെ വിവിധ കാർഡിയാക് സ്‌പെഷാലിറ്റി സെന്‍ററുകളിലേക്കുള്ള ഇന്‍റർവ്യൂ 27 മുതൽ 29 വരെ ന്യൂഡൽഹിയിലും 31 മുതൽ ഏപ്രിൽ രണ്ട് വരെ ബംഗളൂരുവിലും ഏപ്രിൽ നാല് മുതൽ ആറ് വരെ കൊച്ചിയിലും നടത്തും.
തസ്തിക, വിഭാഗങ്ങൾ, യോഗ്യത, പ്രവൃത്തി പരിചയം, പ്രായം എന്നിവ ക്രമത്തിൽ : കൺസൾട്ടന്‍റ്/സ്‌പെഷ്യലിസ്റ്റ് ഡോക്ടർമാർ (അഡൾട്ട് & പീഡിയാട്രിക് കാർഡിയോളജി, കാർഡിയാക് സർജറി, അനസ്‌തേഷ്യ, ഐസിയു, റേഡിയോളജി, നെഫ്രോളജി വിഭാഗങ്ങൾ), വിദ്യാഭ്യാസ യോഗ്യത : എഫ്ആർസിഎസ്/എംആർസിപി/ഡിഎം/എംസി,എച്ച്/എംഡി/എംഎസ്/ഡിഎൻബി പ്രവൃത്തി പരിചയം : പോസ്റ്റ് ഗ്രാഡ്വേഷന് ശേഷം രണ്ട് വർഷം. പ്രായപരിധി : സ്‌പെഷലിസ്റ്റ് : 52 വയസ്, കൺസൾട്ടന്‍റ് : 55 വയസ്. നോൺ ഫിസിഷ്യൻ സ്‌പെഷലിസ്റ്റ് (കാത് ലാബ്, പെർഫ്യൂഷനിസ്റ്റ്, കാർഡിയാക് എക്കോ, കാർഡിയാക് ടെക്‌നോളജി, കാർഡിയാക് അനസ്‌തേഷ്യ, കാർഡിയാക് ന്യൂട്രീഷ്യനിസ്റ്റ്, റെസ്പിറേറ്ററി തെറാപ്പി) വിദ്യാഭ്യാസ യോഗ്യത് അതത് വിഷയത്തിൽ ബിരുദം. പ്രവൃത്തി പരിചയം : രണ്ട് വർഷം, പ്രായപരിധി : 40 വയസ്. നഴ്‌സുമാർ (സ്ത്രീകൾ മാത്രം), വിദ്യാഭ്യാസ യോഗ്യത : ബിഎസ്‌സി/എംഎസ്‌സി നഴ്‌സിംഗ്, പ്രവൃത്തി പരിചയം : ഏതെങ്കിലും കാർഡിയാക് ഡിപ്പാർട്ട്‌മെന്‍റിൽ രണ്ട് വർഷത്തെ സേവനപരിചയം , പ്രായപരിധി : 40 വയസ്. ഉദ്യോഗാർഥികൾ ഒഡിഇപിസിയുടെ വെബ്‌സൈറ്റായ www.ode pc.ker ala.gov.in ലെ നോട്ടിഫിക്കേഷൻ പ്രകാരം saudimoh.
[email protected] എന്ന ഇമെയിൽ വിലാസത്തിൽ 22 ന് മുമ്പ് അപേക്ഷിക്കണം. ഫോൺ : 04712329441, 42, 43, 45.