നാലാം സെമസ്റ്റർ ബിടെക് പരീക്ഷാഫലം
കണ്ണൂർ സർവകലാശാലയുടെ നാലാം സെമസ്റ്റർ ബിടെക് (സപ്ലിമെന്ററി/ഇംപ്രൂവ്മെന്റ്പാർട്ട് ടൈം ഉൾപ്പെടെ മേയ് 2017) ഡിഗ്രി പരീക്ഷാഫലം പ്രസിദ്ധീകരിച്ചു. ഫലം സർവകലാശാല വെബ്സൈറ്റിൽ ലഭ്യമാണ്. മാർക്ക് ലിസ്റ്റ് ലഭ്യമാകുന്ന തീയതി പിന്നീട് അറിയിക്കും. പുനഃപരിശോധന/സൂക്ഷ്മ പരിശോധന/ഫോട്ടോകോപ്പി എന്നിവയ്ക്കുള്ള അപേക്ഷകൾ വെബ്സൈറ്റിൽനിന്ന് ഡൗൺലോഡ് ചെയ്തെടുത്ത മാർക്ക് ലിസ്റ്റിന്റെ സ്വയം സാക്ഷ്യപ്പെടുത്തിയ പകർപ്പിനൊപ്പം 28 വരെ സർവകലാശാലയിൽ സ്വീകരിക്കും.
മൂന്നും ഒന്നും സെമസ്റ്റർ എംഎഡ് പരീക്ഷകൾ
നവംബർ 2017 സെഷനിലെ ഒന്നും (റഗുലർ/സപ്ലിമെന്ററി/ഇംപ്രൂവ്മെന്റ്) മൂന്നും (റഗുലർ/സപ്ലിമെന്ററി) സെമസ്റ്റർ എംഎഡ് പരീക്ഷകൾ യഥാക്രമം ഏപ്രിൽ 11, 12 തീയതികളിൽ ആരംഭിക്കും. അപേക്ഷകൾ ഓൺലൈനായി പിഴകൂടാതെ 19 മുതൽ 22 വരെയും 150 രൂപ പിഴയോടെ 24 വരെയും സമർപ്പിക്കാം. അപേക്ഷകളുടെ പ്രിന്റ് ഔട്ടിനോടൊപ്പം എപിസി, ചലാൻ എന്നിവ 26 നകം എത്തിക്കണം. ഫീസ് വിവരങ്ങൾ സർവകലാശാല വെബ്സൈറ്റിൽ ലഭ്യമാണ്.
പ്രോജക്ട് മൂല്യനിർണയം
ആറാം സെമസ്റ്റർ ബിഎ പൊളിറ്റിക്കൽ സയൻസ് (കോർറഗുലർ മേയ് 2018) ഡിഗ്രിയുടെ പ്രോജക്ട് മൂല്യനിർണയം/വാചാ പരീക്ഷകൾ 19, 20 തീയതികളിൽ പയ്യന്നൂർ കോളജിലും 23, 24 തീയതികളിൽ തലശേരി ബ്രണ്ണൻ കോളജിലും നടക്കും. രജിസ്റ്റർ ചെയ്ത വിദ്യാർഥികൾ അതത് കോളജുമായി ബന്ധപ്പെടണം.
വാക്ഇൻഇന്റർവ്യൂ ഏപ്രിൽ രണ്ടിന്
കണ്ണൂർ: ഡിപ്പാർട്ട്മെന്റ് ഓഫ് ഹിസ്റ്ററി ആൻഡ് ഹെറിറ്റേജ് സ്റ്റഡീസിൽ അസിസ്റ്റന്റ് പ്രഫസർ തസ്തികയിൽ കരാറടിസ്ഥാനത്തിലുള്ള നിയമനത്തിന് ഏപ്രിൽ രണ്ടിന് താവക്കര കാന്പസിൽ വാക്ഇൻഇന്റർവ്യൂ നടത്തും. നെറ്റ് യോഗ്യതയുള്ള ഉദ്യോഗാർഥികൾ (സ്പെഷലൈസേഷൻ മോഡേണ് ഇന്ത്യൻ ഹിസ്റ്ററി) ആവശ്യമായ രേഖകളും അവയുടെ സ്വയം സാക്ഷ്യപ്പെടുത്തിയ പകർപ്പുകളും 200 രൂപ അടച്ച ചലാൻ രസീതുമായി അന്നേദിവസം രാവിലെ ഒൻപതിന് എത്തണം. വിശദവിവരങ്ങൾ സർവകലാശാലയുടെ വെബ്സൈറ്റിൽ (www.kannuruniversity.ac.in, http://www.kannuruniversity.ac.in) ലഭ്യമാണ്.