2017 നവംബറില്‍ നടത്തിയ പത്താം സെമസ്റ്റര്‍ ബാച്ചിലര്‍ ഓഫ് ലോ പഞ്ചവത്സരം സപ്ലിമെന്‍ററി, ബാച്ചിലര്‍ ഓഫ് ബിസിനസ് അഡ്മിനിസ്‌ട്രേഷന്‍ ആൻഡ് ബാച്ചിലര്‍ ഓഫ് ലോ ഓണേഴ്‌സ് റഗുലര്‍ / സപ്ലിമെന്‍ററി പരീക്ഷാഫലം വെബ്‌സൈറ്റില്‍. പുനര്‍മൂല്യനിര്‍ണയത്തിന് ഏപ്രില്‍ ഏഴ് വരെ അപേക്ഷിക്കാം.
2017 നവംബറില്‍ നടത്തിയ ആറാം സെമസ്റ്റര്‍ ബാച്ചിലര്‍ ഓഫ് ലോ ത്രിവത്സരം പരീക്ഷാഫലം വെബ്‌സൈറ്റില്‍. പുനര്‍മൂല്യനിര്‍ണയത്തിന് ഏപ്രില്‍ ഏഴ് വരെ അപേക്ഷിക്കാം.
2017 ഏപ്രിലില്‍ നടത്തിയ അഞ്ചാം സെമസ്റ്റര്‍ ബാച്ചിലര്‍ ഓഫ് ബിസിനസ് അഡ്മിനിസ്‌ട്രേഷന്‍ ആൻഡ് ബാച്ചിലര്‍ ഓഫ് ലോ ഓണേഴ്‌സ് പരീക്ഷാഫലം വെബ്‌സൈറ്റില്‍. പുനര്‍മൂല്യനിര്‍ണയത്തിന് ഏപ്രില്‍ ഏഴ് വരെ അപേക്ഷിക്കാം.
2017 മേയില്‍ നടത്തിയ ഒന്നാം സെമസ്റ്റര്‍ ബാച്ചിലര്‍ ഓഫ് ലോ ത്രിവത്സരം, അഞ്ചാം സെമസ്റ്റര്‍ ബാച്ചിലര്‍ ഓഫ് ലോ പഞ്ചവത്സരം പരീക്ഷാഫലം വെബ്‌സൈറ്റില്‍ . പുനര്‍മൂല്യനിര്‍ണയത്തിന് ഏപ്രില്‍ ഏഴ് വരെ അപേക്ഷിക്കാം.
പുനര്‍മൂല്യനിര്‍ണയഫലം
2015 നവംബറില്‍ നടത്തിയ വിദൂരവിദ്യാഭ്യാസം മൂന്നാം സെമസ്റ്റര്‍ ബിഐഡി പുനര്‍മൂല്യനിര്‍ണയഫലം വെബ്‌സൈറ്റില്‍.
2016 ഏപ്രിലില്‍ നടത്തിയ മൂന്നാംവര്‍ഷ ബികോം, ബിബിഎ, നോണ്‍ സിസിഎസ്എസ് പാര്‍ട്3 പരീക്ഷാ പുനര്‍മൂല്യനിര്‍ണയഫലം വെബ്‌സൈറ്റില്‍.
2017 ഫെബ്രവരിയില്‍ നടത്തിയ നാലാം സെമസ്റ്റര്‍ എംബിഎ വിദൂരവിദ്യാഭ്യാസം പുനര്‍മൂല്യനിര്‍ണയഫലം വെബ്‌സൈറ്റില്‍ .
ഓവര്‍സിയര്‍ അഭിമുഖം
എൻജിനിയറിംഗ് വിഭാഗത്തില്‍ ഓവര്‍സിയര്‍ ഇലക്‌ട്രിക്കല്‍ തസ്തികയിലേക്ക് കരാര്‍ നിയമനത്തിന് ഓണ്‍ലൈനായി അപേക്ഷിച്ചവരില്‍ യോഗ്യരായവര്‍ക്കുള്ള അഭിമുഖം ഏപ്രില്‍ രണ്ടിന് രാവിലെ പത്തിന് സര്‍വകലാശാലാ ഭരണവിഭാഗത്തില്‍ നടക്കും. വിവരങ്ങള്‍ വൈബ്‌സൈറ്റില്‍ . ഫോണ്‍ 0494 2407106
കണ്‍കാണിപ്പുകാലത്തെ കലയും സാഹിത്യവും സിംപോസിയം സംഘടിപ്പിച്ചു
തേഞ്ഞിപ്പലം: കണ്‍കാണിപ്പുകാലത്തെ കലയും സാഹിത്യവും എന്ന വിഷയത്തില്‍ കാലിക്കട്ട് സര്‍വകലാശാലാ മലയാള പഠനവിഭാഗം സിംപോസിയം സംഘടിപ്പിച്ചു. കാലിക്കട്ട് സര്‍വകലാശാലാ പ്രോവൈസ് ചാന്‍സലര്‍ ഡോ.പി.മോഹന്‍ ഉദ്ഘാടനം ചെയ്തു.
നോവലിസ്റ്റ് ടി.ഡി.രാമകൃഷ്ണന്‍, നരിപ്പറ്റ രാജു, ഡോ.ഉമര്‍ തറമേല്‍ , ഡോ.എല്‍.തോമസ്‌കുട്ടി തുടങ്ങിയവര്‍ പങ്കെടുത്തു. മനുഷ്യ സമൂഹത്തിന്‍റെ സകല മേഖലകളിലും ക്യാമറയുടെ നിരീക്ഷണം വ്യാപകമാകുന്ന പശ്ചാത്തലത്തിലാണ് സിംപോസിയം സംഘടിപ്പിച്ചത്.
ദേശീയ മാധ്യമ ഗവേഷണ സമ്മേളനം ഇന്ന്
തേഞ്ഞിപ്പലം: കാലിക്കട്ട് സര്‍വകാലാശാലാ മാധ്യമ പഠന വിഭാഗം 'മാറുന്ന ഇന്ത്യന്‍ മാധ്യമരംഗം: പ്രധാന പ്രവണതകള്‍ ' എന്ന വിഷയത്തില്‍ സംഘടിപ്പിക്കുന്ന ത്രിദിന ദേശീയ ഗവേഷണ സമ്മേളനം ഇന്ന് ആരംഭിക്കും. രാജ്യത്തെ 25 സര്‍വകലാശാലകളില്‍ നിന്നുള്ള പ്രതിനിധികള്‍ 60 ഗവേഷണ പ്രബന്ധങ്ങള്‍ അവതരിപ്പിക്കും.
വേനലില്‍ ആശ്വാസമായി തണ്ണീര്‍പന്തല്‍
തേഞ്ഞിപ്പലം: കാലിക്കട്ട് സര്‍വകലാശാലാ കാമ്പസില്‍ തണ്ണീര്‍ പന്തലില്‍ സംഭാരം വിതരണം ചെയ്തു. കാന്‍റീന്‍ പരിസരത്തെ സ്റ്റുഡൻസ് ട്രാപ്പില്‍ വച്ചായിരുന്നു വിതരണം. സര്‍വകലാശാലാ ജേര്‍ണലിസം ആൻഡ് മാസ് കമ്മ്യൂണിക്കേഷന്‍ പഠനവിഭാഗം നടത്തുന്ന പബ്ലിക് റിലേഷന്‍സ് സര്‍ട്ടിഫിക്കറ്റ് കോഴ്‌സിലെ 'സമ്മറൈസ്' എന്ന പിആര്‍ കാമ്പയിന്‍റെ ഭാഗമാണിത്. സര്‍വകലാശാലാ ലൈബ്രേറിയന്‍ ഡോ. ടി.എ. അബ്ദുല്‍ അസീസ് ഉദ്ഘാടനം ചെയ്തു. കിളിക്കൊരു കുടം, കാമറക്കാഴ്ചകള്‍ ഫോട്ടോ എക്‌സിബിഷന്‍ , കലാവിരുന്ന്, നാടന്‍പാട്ടുകള്‍ എന്നീ പരിപാടികളും സംഘടിപ്പിച്ചു.