നാലാം സെമസ്റ്റർ എംസിജെ പരീക്ഷാഫലം
കണ്ണൂർ സർവകലാശാലയിലെ അഫിലിയേറ്റഡ് കോളജുകളിലെ നാലാം സെമസ്റ്റർ എംസിജെ (റഗുലർ) ജൂണ് 2017 പരീക്ഷയുടെ ഫലം പ്രസിദ്ധീകരിച്ചു. ഫലം സർവകലാശാല വെബ്സൈറ്റിൽ ലഭ്യമാണ്. പുനർമൂല്യ നിർണയത്തിനും സൂക്ഷ്മ പരിശോധനയ്ക്കുമുള്ള അപേക്ഷകൾ ഏപ്രിൽ മൂന്നു വരെ സർവകലാശാലയിൽ സ്വീകരിക്കും.
മൂന്നാം സെമസ്റ്റർ ബിടെക് പ്രായോഗിക പരീക്ഷകൾ
മൂന്നാം സെമസ്റ്റർ ബിടെക് ഡിഗ്രി (സപ്ലിമെന്ററി ഒക്ടോബർ 2017) പ്രായോഗിക പരീക്ഷകൾ 22, 23, 26, 27 തീയതികളിലായി വിവിധ കേന്ദ്രങ്ങളിൽ നടക്കും. വിശദമായ ടൈംടേബിൾ സർവകലാശാല വെബ്സൈറ്റിൽ ലഭ്യമാണ്.
സ്പോർട്സ് ഗ്രേസ് മാർക്കിന് അപേക്ഷിക്കാം
കണ്ണൂർ: 201718 വർഷത്തെ സ്പോർട്സ് ഗ്രേസ് മാർക്കിന് അർഹരായ വിദ്യാർഥികൾക്ക് ഇതിന് അപേക്ഷിക്കാനുള്ള സമയമായതായി ഫിസിക്കൽ എഡ്യുക്കേഷൻ ഡയറക്ടർ അറിയിച്ചു. അപേക്ഷാഫോം സർവകലാശാല വെബ്സൈറ്റിൽ ലഭ്യമാണ്. പൂരിപ്പിച്ച അപേക്ഷകൾ സർട്ടിഫിക്കറ്റുകളുടെ പകർപ്പ്, ഹാൾടിക്കറ്റിന്റെ പകർപ്പ് എന്നിവ സഹിതം 30നകം ഫിസിക്കൽ എഡ്യുക്കേഷൻ ഡയറക്ടറുടെ ഓഫീസിൽ ലഭ്യമാക്കണം.