എൽഎൽഎം കോഴ്സുകളിലേക്കുള്ള അലോട്ട്മെന്റ് പ്രസിദ്ധീകരിച്ചു
തിരുവനന്തപുരം : കേരളത്തിലെ സർക്കാർ ലോ കോളജുകളിലെയും സ്വകാര്യ സ്വാശ്രയ ലോ കോളജുകളിലെയും എൽഎൽഎം കോഴ്സുകളിലേക്ക് പ്രവേശനത്തിനുള്ള കേന്ദ്രീകൃത അലോട്ടുമെന്റ് www.cee.kerala.gov.in എന്ന വെബ്സൈറ്റിൽ പ്രസിദ്ധീകരിച്ചു.
വെബ്സൈറ്റിലെ LL.M 2017Candidate Portal ലൂടെ ആപ്ലിക്കേഷൻ നമ്പരും പാസ്വേഡും നൽകി ഹോം പേജിൽ പ്രവേശിച്ച ശേഷം അലോട്ട്മെന്റ് റിസൾട്ട് എന്ന മെനു ഐറ്റത്തിൽ ക്ലിക്ക് ചെയ്ത് വിദ്യാർഥികൾക്ക് തങ്ങളുടെ അലോട്ടുമെന്റ് മെമ്മോ ഡൗണ്ലോഡ് ചെയ്യാം. വിദ്യാർഥികൾ അലോട്ടുമെന്റ് മെമ്മോയുടെ പ്രിന്റൗട്ട് എടുക്കേണ്ടതാണ്. കൂടാതെ ഹോം പേജിൽ പ്രവേശിച്ചതിനു ശേഷം ഡാറ്റാ ഷീറ്റ് എന്ന മെനു ഐറ്റം ക്ലിക്ക് ചെയ്ത് വിദ്യാർഥികൾക്ക് അവരുടെ ഡാറ്റാ ഷീറ്റിന്റെ പ്രിന്റൗട്ട് എടുക്കാം.
അലോട്ടുമെന്റ് ലഭിച്ച എല്ലാ വിദ്യാർഥികളും അവരുടെ അലോട്ടുമെന്റ് മെമ്മോയും പ്രോസ്പെക്ടസ് ഖണ്ഡിക 20 ൽ പറയുന്ന അസൽ രേഖകളും സഹിതം ഇന്നു മുതൽ 24 നു വൈകുന്നേരം മൂന്നു വരെ ബന്ധപ്പെട്ട കോളജിൽ ഹാജരായി അഡ്മിഷൻ നേടണം. അഡ്മിഷൻ സമയത്ത് മുഴുവൻ ഫീസും കോളജിൽ ഒടുക്കണം. നിർദിഷ്ട തീയതികളിൽ അഡ്മിഷൻ നേടാത്ത വിദ്യാർഥികളുടെ നിലവിലുള്ള അലോട്ടുമെന്റും ഹയർ ഓപ്ഷനുകളും നഷ്ടപ്പെടും. അവരുടെ നിലവിലുള്ള ഓപ്ഷനുകൾ തുടർന്നു നടത്തുന്ന അലോട്ടുമെന്റുകളിൽ പരിഗണിക്കുന്നതല്ല. സ്പോട്ട് അലോട്ടുമെന്റ് 24നു വൈകുന്നേരം അഞ്ചിനു ശേഷം സീറ്റുകൾ ഒഴിവുള്ളപക്ഷം അവ കോളജധികാരികൾക്ക് 31 നു മുന്പായി നികത്താം. ഫോണ് : 04712339101, 102, 103.