ഗവേഷകർ പ്രബന്ധം സമർപ്പിക്കുന്നതിനുള്ള തീയതി നീട്ടി
ഗവേഷണ കാലാവധി കഴിഞ്ഞ ഫുൾടൈം/പാർട്ട്ടൈം ഗവേഷകർക്ക് അവരുടെ ഗവേഷണം 80 ശതമാനം പൂർത്തിയാക്കിയിട്ടുള്ള പക്ഷം പ്രബന്ധം സമർപ്പിക്കുന്നതിനുള്ള അവസാനതീയതി മേയ് 31 വരെ ദീർഘിപ്പിച്ചു. 2017 ജനുവരി 16ന്റെ ഉത്തരവ് പ്രകാരം 2017 നവംബർ 30 വരെ നൽകിയ അധികസമയത്തിനുള്ള നിബന്ധനകൾക്ക് വിധേയമായി ഈ ആനുകൂല്യം ലഭിക്കുന്നതിന് 80 ശതമാനം ഗവേഷണം പൂർത്തിയായതായുള്ള ഡോക്ടറൽ കമ്മിറ്റി ചെയർമാന്റെ സാക്ഷ്യപത്രത്തോടുകൂടിയാണ് ഗവേഷകർ അപേക്ഷ സമർപ്പിക്കേണ്ടത്. ഇതു സംബന്ധിച്ച് മാർച്ച് ഒൻപതിലെ സർവകലാശാല ഉത്തരവ് റിസർച്ച്പോർട്ടലിൽ ലഭ്യമാണ്.
ക്ലാസുകൾ ആരംഭിക്കും
വിദൂരവിദ്യാഭ്യാസ പഠനകേന്ദ്രം നടത്തുന്ന ബിഎസ്സി കംപ്യൂട്ടർ സയൻസ് (20172020) ബാച്ചിന്റെ രണ്ടാം സെമസ്റ്റർ ക്ലാസുകൾ 24 മുതൽ കാര്യവട്ടം കാന്പസിൽ ആരംഭിക്കും.
ബിടെക് ഫലം
2017 ജൂലൈയിൽ നടന്ന നാലാം സെമസ്റ്റർ ബിടെക് ഡിഗ്രി (ഇംപ്രൂവ്മെന്റ്/സപ്ലിമെന്ററി, സെഷണൽ ഇംപ്രൂവ്മെന്റ്) (2013 സ്കീം) പരീക്ഷാഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും ഓണ്ലൈനായി മാത്രം അപേക്ഷിക്കുക. അപേക്ഷിക്കേണ്ട അവസാന തീയതി ഏപ്രിൽ 11. കരട് മാർക്ക് ലിസ്റ്റ് വെബ്സൈറ്റിൽ ലഭിക്കും.