പിജി മെഡിക്കൽ ആൻഡ് പിജി ഡെന്റൽ: കേരള സ്റ്റേറ്റ് റാങ്ക് ലിസ്റ്റ് പ്രസിദ്ധീകരിച്ചു
തിരുവനന്തപുരം ; കേരളത്തിലെ വിവിധ സർക്കാർ മെഡിക്കൽ/ഡെന്റൽ കോളജുകളിലേയും സ്വാശ്രയ മെഡിക്കൽ/ഡെന്റൽ കോളജുകളിലേയും സീറ്റുകളിലേക്ക് വിവിധ പിജി മെഡിക്കൽ/പിജി ഡെന്റൽ കോഴ്സുകളിലേക്കുള്ള പ്രവേശനത്തിനായി കേരള സ്റ്റേറ്റ് റാങ്ക് ലിസ്റ്റ് പ്രസിദ്ധീകരിച്ചു. റാങ്ക് വിവരം വെബ്സൈറ്റിൽ ലഭ്യമാണ്.
അപേക്ഷയിലെ അപാകതകൾ കാരണം റാങ്ക് തടഞ്ഞുവച്ചിട്ടുള്ള വിദ്യാർഥികൾക്ക് അപാകതകൾ വെബ്സൈറ്റിലെ കാൻഡിഡേറ്റ് പോർട്ടൽ വഴി അറിയാം. ഒന്നാം ഘട്ട അലോട്ട്മെന്റിലേക്കുള്ള ഓണ്ലൈൻ ഓപ്ഷനുകൾ നൽകുന്നതിനുള്ള അവസരം 25 മുതൽ ലഭ്യമാണ്. ഓണ്ലൈൻ അലോട്ട്മെന്റ് സംബന്ധിച്ച വിശദമായ വിജ്ഞാപനം പിന്നീട് പ്രസിദ്ധീകരിക്കും.
വിവിധ സർക്കാർ മെഡിക്കൽ/ഡെന്റൽ കോളജുകളിലേയും സ്വാശ്രയ മെഡിക്കൽ/ഡെന്റൽ കോളജുകളിലേയും സീറ്റുകളിലേക്ക് ഓണ്ലൈനായി അപേക്ഷകൾ സമർപ്പിച്ച വിദ്യാർഥികൾക്ക് അപേക്ഷയിൽ നൽകിയിട്ടുള്ള വിവരങ്ങൾ പരിശോധിക്കുന്നതിനും അപേക്ഷയിലുള്ള ന്യൂനതകൾ പരിഹരിക്കുന്നതിനും ന്യൂനതകൾ പരിഹരിക്കുന്നതിനുമുള്ള അവസരം 27ന് വൈകുന്നേരം അഞ്ചുവരെ ലഭിക്കും. വിശദമായ വിഞ്ജാപനത്തിന് www.cee.kerala.gov.in, www.ceekerala.org .