ബിഎസ് സി പാരാമെഡിക്കല് സ്പെഷല് സപ്ലിമെന്ററി പരീക്ഷ
നാലാം വർഷ ബിഎസ് സി മെഡിക്കല് ബയോകെമിസ്ട്രി, മെഡിക്കല് മൈക്രോ ബയോളജി, മെഡിക്കല് ലബോറട്ടറി ടെക്നോളജി (2000 മുതല് 2010 വരെ പ്രവേശനം) സ്പെഷല് സപ്ലിമെന്ററി പരീക്ഷ ഏപ്രില് നാലിന് ആരംഭിക്കും. ഹാൾടിക്കറ്റ് ഏപ്രില് രണ്ടിന് പരീക്ഷാഭവനിലെ സ്പെഷല് സപ്ലിമെന്ററി വിഭാഗത്തില് വിതരണം ചെയ്യും.
ഇഎംഎംആര്സി അഭിമുഖം
ഇഎംഎംആര്സി യില് അഡ്മിനിസ്ട്രേഷന് അസിസ്റ്റന്റ് തസ്തികയിലേക്ക് 26 ന് നടത്താനിരുന്ന വാക് ഇന് ഇന്റർവ്യൂ ഏപ്രില് പത്തിലേക്ക് മാറ്റി. സമയം രാവിലെ 10. അക്കഡേമിക് കോഓർഡിനേറ്റര് , പ്രൊഡക്ഷന് അസിസ്റ്റന്റ് തസ്തികകളിലേക്കുള്ള വാക് ഇന് ഇന്റർവ്യൂ 26 ന് തന്നെ നടക്കും. വിവരങ്ങൾക്ക് www.emmrccalicut.org .
പരീക്ഷാഫലം
2017 ജൂണില് നടത്തിയ നാലാം സെമസ്റ്റര് എംടിഎച്ച്എം (സിയുസിഎസ്എസ്) പരീക്ഷാഫലം വെബ്സൈറ്റില് . പുനർമൂല്യനിർണയത്തിന് ഏപ്രില് മൂന്ന് വരെ അപേക്ഷിക്കാം.
2017 മാർച്ചിൽ നടത്തിയ ഫൈനല് പിജിഡിപ്ലോമ ഇന് കോമേഴ്സ് ആൻഡ് മാനേജ്മെന്റ് ഇന് അറബിക് പരീക്ഷാഫലം വെബ്സൈറ്റില് . പുനർമൂല്യനിർണയത്തിന് ഏപ്രില് അഞ്ച് വരെ അപേക്ഷിക്കാം.
എംസിഎ പുനർമൂല്യനിർണയ ഫലം
ഒന്നാം സെമസ്റ്റര് എംസിഎ ഏപ്രില് 2017 പരീക്ഷയുടെ പുനർമൂല്യനിർണയ ഫലം വെബ്സൈറ്റില്. ഉത്തരക്കടലാസ് തിരിച്ചറിയാനാഗ്രഹിക്കുന്നവര് 15 ദിവസത്തിനകം പരീക്ഷാഭവനുമായി ബന്ധപ്പെടുക.
പ്രാക്റ്റിക്കല്
ആറാം സെമസ്റ്റര് ബിസിഎ, ബിഎസ് സി (സിയുസിബിസിഎസ്എസ്) പ്രാക്റ്റിക്കല് പരീക്ഷാ ടൈംടേബിൾ വെബ്സൈറ്റില് .
എക്സാമിനേഴ്സ് മീറ്റിംഗ്
ആറാം സെമസ്റ്റര് ഏപ്രില് 2018 പ്രാക്ടിക്കല് പരീക്ഷയുടെ ബിഎസ് സി ബോട്ടണി എക്സാമിനേഴ്സ് മീറ്റിംഗിന് തൃശൂര് ജില്ലയിലെ കോളജുകളിലെ അധ്യാപകര് 26ന് രാവിലെ 10.30ന് തൃശൂര് , നാട്ടിക ശ്രീ നാരായണ കോളജിലും, ബിഎസ് സി ഫിസിക്സ് എക്സാമിനേഴ്സ് മീറ്റിംഗിന് മലപ്പുറം ജില്ലയിലെ കോളജുകളിലെ അധ്യാപകര് ഏപ്രില് അഞ്ചിന് രാവിലെ 10.30ന് തിരൂരങ്ങാടി പിഎസ്എംഒ കോളജിലും, ബിഎസ് സി കെമിസ്ട്രി എക്സാമിനേഴ്സ് മീറ്റിംഗിന് തൃശൂര് ജില്ലയിലെ കോളജുകളിലെ അധ്യാപകര് 27ന് രാവിലെ 10.30ന് തൃശൂര് സെന്റ് തോമസ് കോളജിലും ഹാജരാകണം. ആറാം സെമസ്റ്റര് ഏപ്രില് 2018 പ്രാക്ടിക്കല് പരീക്ഷയുടെ ബിഎസ് സി കംപ്യൂട്ടർ സയൻസ്, ബിസിഎ എക്സാമിനേഴ്സ് മീറ്റിംഗില് വയനാട് ജില്ലയിലെ കോളജുകളിലെ അധ്യാപകര് ഏപ്രില് മൂന്നിന് രാവിലെ 10.30 ന് വയനാട് മുട്ടില് ഡബ്ല്യൂഎംഒ ആർട്ട്സ് ആൻഡ് സയൻസ് കോളേജില് ഹാജരാകണം.
ആറാം സെമസ്റ്റര് ബിഎസ് സി മാത്തമാറ്റിക്സ് ഏപ്രില് 2018 പ്രോജക്ട്/വൈവ പരീക്ഷയുടെ എക്സാമിനേഴ്സ് മീറ്റിംഗിന് പാലക്കാട് ജില്ലയിലെ കോളജിലെ അധ്യാപകര് ഏപ്രില് അഞ്ചിന് രാവിലെ 10.30ന് നെന്മാറ എന് എസ്എസ് കോളജില് ഹാജരാകണം.
ഫോക്ലോര് രീതിശാസ്ത്രം ശില്പശാല തുടങ്ങി
തേഞ്ഞിപ്പലം: ഫോക്ലോര് രീതിശാസ്ത്രത്തെക്കുറിച്ച് കാലിക്കട്ട് സർവ്വകലാശാലാ ഫോക്ലോര് പഠനവിഭാഗം സംഘടിപ്പിച്ച ത്രിദിന ശില്പശാല പ്രോവൈസ് ചാൻസലര് ഡോ.പി.മോഹന് ഉദ്ഘാടനം ചെയ്തു.
ഫോക്ലോര് പഠനവകുപ്പ് മേധാവി ഡോ.സി.കെ.ജിഷ അധ്യക്ഷയായിരുന്നു. മലയാളം സർവ്വകലാശാലാ പരീക്ഷാ കൺട്രോളര് പ്രഫ.എം.ശ്രീനാഥന് , സനീഷ് വേലികുനി, മുനീര് താനിക്കണ്ടി, തുടങ്ങിയവര് പങ്കെടുത്തു.
നാളെ വൈകുന്നേരം അഞ്ചിന് ചൂട്ടുകളി, ഭഗവതി തിറയാട്ടം, നാടന് പാട്ട് തുടങ്ങിയവയുടെ അവതരണം ഉണ്ടാവും. ശില്പകശാല 24 ന് സമാപിക്കും.
ദേശീയ മാധ്യമ ഗവേഷണ സമ്മേളനം സമാപിച്ചു
തേഞ്ഞിപ്പലം: ഇന്റർനെറ്റിനോ പുസ്തകത്തിനോ നാടകത്തിനോ ഇല്ലാത്ത സെൻസർഷി പ്പ് സിനിമയ്ക്കു മാത്രം എന്തിനാണെന്ന് സംവിധായകന് സനല് കുമാര് ശശിധരന് . കാലിക്കട്ട് സർവകലാശാലാ ജേണലിസം വകുപ്പ് സംഘടിപ്പിച്ച ദേശീയ മാധ്യമ ഗവേഷണ സമ്മേളനത്തിന്റെ ഭാഗമായി 'സിനിമയും സെൻസർഷിപ്പും' എന്ന വിഷയത്തില് നടത്തിയ ഓപ്പൺ ഫോറത്തില് പ്രസംഗിക്കുകയായിരുന്നു അദ്ദേഹം.
ജനക്കൂട്ടത്തിന്റെ യുക്തിരഹിതമായ ആവശ്യങ്ങളെ പിന്തുണയ്ക്കുന്ന ഭരണകൂടമാണ് ഇന്ത്യയില് നിലവിലുള്ളത്. തനിക്ക് വിവേകമുണ്ടന്നു സ്വയം തീരുമാനിക്കുന്ന പൗരനു മാത്രമാണ് രാഷ്ട്രീയമായ ഇടപെടലുകള് നടത്താനാവുക എന്നും അദ്ദേഹം പറഞ്ഞു. കലാകാരന്റെ സ്വതന്ത്യം ഉറപ്പു വരുത്തേണ്ടത് ഭരണകൂടത്തിന്റെ ചുമതലയാണെന്ന് ചർച്ചയില് പങ്കെടുത്ത നിരൂപകന് സി.എസ്.വെങ്കിടേശ്വരന് അഭിപ്രായപ്പെട്ടു. ഭരണകൂടം പൗരന്മാരെ വഴിതെറ്റാന് സാധ്യതയുള്ള കുട്ടികളായി കണ്ടു സിനിമയിലെ രംഗങ്ങള് അവരെ കാണിക്കാതെ മുറിച്ചു മാറ്റുന്നത് ജനാധിപത്യ വിരുദ്ധമാണ്. സ്ത്രീകൾക്കു സമൂഹം കാലങ്ങളായി ഏർപ്പെടുത്തിയ സെൻസറിംഗിന്റെ ഫലമായാണ് സിനിമയില് സ്ത്രീവിരുദ്ധ ഡയലോഗുകള് സൂപ്പർസ്റ്റാറുകള് സ്വാഭാവികമായി പറയാന് കാരണമാകുന്നതെന്നും സി.എസ്.വെങ്കിടേശ്വരന് പറഞ്ഞു. ക്ളോണ് സിനിമാ ഇനിഷ്യേറ്റീവ് പ്രതിനിധി പി.എസ് .രാംദാസ് ചർച്ച നിയന്ത്രിച്ചു.
ദേശീയ ഗവേഷണ കോൺഫറൻസിന്റെ സമാപന സമ്മേളനം ഹൈദരാബാദ് യൂണിവേഴ്സിറ്റി കമ്യൂണിക്കേഷന് വകുപ്പ് മേധാവി പ്രഫസര് കാഞ്ചന് .കെ.മാലിക് ഉദ്ഘാടനം ചെയ്തു.
ജലസംരക്ഷണ പ്രതിജ്ഞയെടുത്തു
തേഞ്ഞിപ്പലം: കാലിക്കട്ട് സർവ്വകലാശാലയില് ജീവനക്കാര് ജലസംരക്ഷണ പ്രതിജ്ഞയെടുത്തു. ഭരണവിഭാഗത്തില് നടന്ന ചടങ്ങില് പ്രോവൈസ് ചാൻസലര് ഡോ.പി.മോഹന് പ്രതിജ്ഞ ചൊല്ലിക്കൊടുത്തു.
പരീക്ഷാ കൺട്രോളര് ഡോ.വി.വി.ജോർജ് കുട്ടി, ഫിനാൻസ് ഓഫീസര് വേലായുധന് മുടിക്കുന്നത്ത് എന്നിവര് പങ്കെടുത്തു.