എംജി പഠനവകുപ്പുകളിൽ പിജി പ്രവേശന പരീക്ഷ ഓണ്ലൈൻ രജിസ്ട്രേഷൻ
വിവിധ പഠനവകുപ്പുകളിലെ പിജി പ്രവേശനത്തിനായി നടത്തുന്ന പരീക്ഷയ്ക്കുള്ള (കാറ്റ്) ഓണ്ലൈൻ രജിസ്ട്രേഷൻ 31വരെ നടത്താവുന്നതാണ്. സർവകലാശാലാ പഠനവകുപ്പുകളിലെ വിവിധ എംഎ, എംഎസ്സി, എൽഎൽഎം, എംടിടിഎം, എംഎഡ് എന്നീ പ്രോഗ്രാമുകൾക്കാണ് പ്രവേശന പരീക്ഷ നടത്തുന്നത്. അവസാനവർഷ പരീക്ഷാഫലം കാത്തുനിൽക്കുന്നവർക്കും അപേക്ഷിക്കാം. ഓണ്ലൈനായാണു അപേക്ഷയും ഫീസും സമർപ്പിക്കേണ്ടത്. ംംം.രമേ.ാഴൗ.മര.ശി എന്ന വെബ്സൈറ്റിൽ ഓണ്ലൈൻ അപേക്ഷ സമർപ്പിക്കുന്നതിനുള്ള സൗകര്യം ലഭ്യമാണ്. പ്രവേശന പരീക്ഷയ്ക്കു തിരുവനന്തപുരം, കോട്ടയം, എറണാകുളം, കോഴിക്കോട് എന്നിവിടങ്ങളിൽ പരീക്ഷാ കേന്ദ്രങ്ങൾ ഉണ്ടായിരിക്കും. പ്രവേശന പ്രക്രിയ, യോഗ്യത, പഠനവകുപ്പുകൾ, പിജി പ്രോഗ്രാമുകൾ, പരീക്ഷാ ഘടന, സിലബസ് തുടങ്ങിയ വിവരങ്ങൾക്ക് വെബ്സൈറ്റിൽ പ്രസിദ്ധീകരിച്ചിട്ടുള്ള വിജ്ഞാപനവും പ്രോസ്പെക്്ട്സും കാണുക. ഡെബിറ്റ് കാർഡ്, എടിഎം, ഇന്റർനെറ്റ് ബാങ്കിംഗ് എന്നിവയിലേതെങ്കിലും ഉപയോഗിച്ച് ഫീസടയ്ക്കാം. ഈ സൗകര്യങ്ങൾ ഇല്ലാത്ത അപേക്ഷകർക്ക് സംസ്ഥാനത്തെ അക്ഷയ കേന്ദ്രങ്ങളിലും ഫീസടയ്ക്കാവുന്നതാണ്. എംഎസ്സി സൈക്കോളജി പ്രോഗ്രാമിന്റെ പ്രവേശന യോഗ്യതയിൽ മാറ്റം വരുത്തിയിട്ടുള്ളതാണ്. എംഎഡ് പ്രോഗ്രാമുകളിലേക്കുള്ള അപേക്ഷകർ അപേക്ഷയുടെ ഹാർഡ് കോപ്പിയും സാക്ഷ്യപ്പെടുത്തിയ അനുബന്ധ രേഖകളും സ്കൂൾ ഓഫ് പെഡഗോഗിക്കൽ സയൻസസ് ഡയറക്്ടർക്ക് നിശ്ചിത തീയതിയ്ക്കുള്ളിൽ അയച്ചു നൽകേണ്ടതാണ്. വിശദവിവരങ്ങൾക്ക് ഇമെയിൽ:രമരേലഹഹാഴൗിശ്ലൃശെ്യേ@ഴാമശഹ.രീാ, ഫോണ്: 9447484980.
ബിടെക്, ബിആർക് അപേക്ഷകൾ
ബിടെക്, ബിആർക് ഒന്നും രണ്ടും, നാല്, ആറ്, ഏഴ്, എട്ട് എന്നീ സെമസ്റ്ററുകളിലെ പരീക്ഷകൾ മേയ്, ജൂണ് മാസങ്ങളിൽ നടത്തും. ഇതോടൊപ്പം 2002 മുതൽ 2009 വരെ അഡ്മിഷൻ വിദ്യാർഥികൾക്കും 1997 മുതൽ 2001 സ്കീമിലുള്ള വിദ്യാർഥികളുടെ സമാന പേപ്പറുകൾക്കുമുള്ള മേഴ്സി ചാൻസ് പരീക്ഷകളും നടത്തും. അപേക്ഷകൾ ഏപ്രിൽ 12 വരെയും 50 രൂപ പിഴയോടെ 13 വരെയും 500 രൂപ സൂപ്പർഫൈനോടെ 17 വരെയും സ്വീകരിക്കും. റഗുലർ വിദ്യാർഥികൾ സെമസ്റ്റർ ഒന്നിന് 200 രൂപ വീതവും വീണ്ടുമെഴുതുന്നവർ പേപ്പറൊന്നിന് 50 രൂപ വീതവും (പരമാവധി 200 രൂപ) സിവി ക്യാന്പ് ഫീസായി പരീക്ഷാ ഫീസിനു പുറമെ അടയ്ക്കണം. എട്ടാം സെമസ്റ്റർ റഗുലർ ബിടെക് വിദ്യാർഥികൾ 100 രൂപ പ്രൊവിഷണൽ ഡിഗ്രി സർട്ടിഫിക്കറ്റ് ഫീസായി അടയ്ക്കണം. മേഴ്സി ചാൻസിന് ആദ്യമായി അപേക്ഷിക്കുന്നവർ (2009 അഡ്മിഷൻ) 5000 രൂപയും രണ്ടാമതും അപേക്ഷിക്കുന്നവർ (2008 അഡ്മിഷൻ) 7000 രൂപയും അവസാന മേഴ്സി ചാൻസ് അപേക്ഷകർ (2002 2007 അഡ്മിഷൻ ആൻഡ് 1997 2001 അഡ്മിഷൻ) 10000 രൂപയും സ്പെഷൽ ഫീസും അടയ്ക്കണം. വിശദവിവരങ്ങൾ വെബ്സൈറ്റിൽ ലഭ്യമാണ്.
പരീക്ഷാ തീയതി
ആറാം സെമസ്റ്റർ യുജി (സിബിസിഎസ്എസ് 2016 അഡ്മിഷൻ റഗുലർ, 20132015 അഡ്മിഷൻ റീഅപ്പിയറൻസ്) പരീക്ഷയിൽ ബിഎ ഇക്കണോമിക്സ് കോഴ്സിന്റെ കോംപ്ലിമെന്ററി പേപ്പർ മാത്തമാറ്റിക്സ് ഫോർ ഇക്കണോമിക്സ് അനാലിസിസ് പരീക്ഷ ഏപ്രിൽ 16നും ബിഎസ്സി മൈക്രോബയോളജി കോഴ്സിന്റെ ചോയ്സ് ബേസ്ഡ് കോഴ്സ് മൈക്രോ ബയോ പ്രോസസ്സ് പരീക്ഷ ഏപ്രിൽ നാലിനും നടത്തുന്നതാണ്.
സ്വാശ്രയ കോളജ് അധ്യാപക യോഗം
ഏപ്രിൽ 20ന് ആരംഭിക്കുന്ന കേന്ദ്രീകൃത മൂല്യനിർണയ ക്യാന്പ് സംബന്ധിച്ച വിഷയങ്ങൾ ചർച്ച ചെയ്യുന്നതിനായി എംജി യൂണിവേഴ്സിറ്റി സർയിൽ അഫിലിയേറ്റ് ചെയ്തിട്ടുള്ള ഇടുക്കി, കോട്ടയം ജില്ലകളിലെ എല്ലാ സ്വാശ്രയ ആർട്സ് ആൻഡ് സയൻസ് കോളജുകളിലെയും അധ്യാപകരുടെ യോഗം മാർച്ച് 27നും എറണാകുളം പത്തനംതിട്ട ജില്ലകളിലെ സ്വാശ്രയ കോളജ് അധ്യാപകരുടെ യോഗം 28നും യൂണിവേഴ്സിറ്റി അസംബ്ലി ഹാളിൽ രാവിലെ 10.30ന് നടത്തുന്നതാണ്. ബന്ധപ്പെട്ട എല്ലാ അധ്യാപകരും യോഗത്തിൽ പങ്കെടുക്കേണ്ടതാണ്.