ഒന്നാം സെമസ്റ്റര് എംഎസ്സി സൈക്കോളജി ഫലം പ്രസിദ്ധീകരിച്ചു
2017 ജൂണില് നടത്തിയ ഒന്നാം സെമസ്റ്റര് എംഎസ്സി സൈക്കോളജി (പിജി സിഎസ്എസ്, സപ്ലിമെന്ററി) പരീക്ഷയുടെ ഫലം പ്രസിദ്ധീകരിച്ചു. പുനര്മൂല്യനിര്ണയത്തിനും സൂക്ഷ്മപരിശോധനയ്ക്കും ഏപ്രില് ഒമ്പതു വരെ അപേക്ഷിക്കാം.
അധ്യാപകയോഗം മാറ്റി
ഏപ്രില് 20ന് ആരംഭിക്കുന്ന കേന്ദ്രീകൃത മൂല്യനിര്ണയ ക്യാമ്പ് സംബന്ധിച്ച വിഷയങ്ങള് ചര്ച്ച ചെയ്യുന്നതിനായി ഇന്നും നാളെയുമായി നടത്താന് നിശ്ചയിച്ചിരുന്ന സ്വാശ്രയ ആര്ട്സ് ആന്ഡ് സയന്സ് കോളജുകളിലെ അധ്യാപകരുടെ യോഗങ്ങള് മാറ്റി. പുതുക്കിയ തീയതി പിന്നീട്.
പ്രാക്ടിക്കല്
2018 ജനുവരിയില് നടന്ന ഒന്നാം സെമസ്റ്റര് സൈബര് ഫോറന്സിക് (റെഗുലര്, സപ്ലിമെന്ററി) പരീക്ഷയുടെ പ്രാക്ടിക്കല് ഏപ്രില് രണ്ട്, മൂന്ന് തീയതികളില് അതാത് കോളജുകളില് നടത്തും. വിശദമായ ടൈംടേബിള് സര്വകലാശാലാ വെബ്സൈറ്റില്.
എംഫില് സംവരണ സീറ്റൊഴിവ്
സ്കൂള് ഓഫ് പെഡഗോഗിക്കല് സയന്സസില് 201718 ബാച്ച് എംഫില് എഡ്യുക്കേഷന് കോഴ്സിന് പട്ടികജാതി, പട്ടികവര്ഗ വിഭാഗങ്ങളില് ഒരു സീറ്റൊഴിവ് ഉണ്ട്. ഈ വിഭാഗങ്ങളുടെ അഭാവത്തില് പൊതുവിഭാഗത്തിലുള്ളവരെയും പരിഗണിക്കും. യോഗ്യതയുള്ളവര് നാളെ രാവിലെ 10ന് അസല് രേഖകളുമായി ഡിപ്പാര്ട്ട്മെന്റില് ഹാജരാകണം. ഫോണ്: 0481 2731042.
എംഫില് കോഴ്സ്
സ്കൂള് ഓഫ് സോഷ്യല് സയന്സസിലെ 201718 അധ്യയന വര്ഷത്തെ എംഫില് കോഴ്സ് പ്രവേശനം ലഭിച്ചവരുടെ ലിസ്റ്റ് പ്രസിദ്ധീകരിച്ചു.
ഡിജിറ്റല് ലൈബ്രറി അംഗത്വം
450 നാഷണല് സര്വീസ് സ്കീം വോളണ്ടിയര്മാര്ക്ക് ബ്രിട്ടീഷ് കൗണ്സിലിന്റെ ഡിജിറ്റല് ലൈബ്രറി അംഗത്വം സൗജന്യമായി നല്കും. എല്എസ്എസ് യൂണിറ്റുകളുള്ള എല്ലാ കോളജുകളും മികച്ച അഞ്ചു എന്എസ്എസ് വോളണ്ടിയര്മാരുടെ വിവരങ്ങള് ഇന്നു വൈകുന്നേരം നാലിനു സര്വകലാശാലയിലെ എന്എസ്എസ് ഓഫീസില് സമര്പ്പിക്കണം.