പിജി പ്രവേശന പരീക്ഷ ഓണ്ലൈൻ രജിസ്ട്രേഷൻ ഏപ്രിൽ 16 വരെ
വിവിധ പഠനവകുപ്പുകളിലെ പിജി പ്രവേശനത്തിനായി നടത്തുന്ന പരീക്ഷയ്ക്കുള്ള (കാറ്റ്) ഓണ്ലൈൻ രജിസ്ട്രേഷൻ ഏപ്രിൽ 16 വരെ നടത്താവുന്നതാണ്. സർവ്വകലാശാലാ പഠനവകുപ്പുകളിലെ വിവിധ എംഎ, എംഎസ്സി, എൽഎൽഎം, എംടിടിഎം, എംഎഡ് എന്നീ പ്രോഗ്രാമുകൾക്കാണ് പ്രവേശന പരീക്ഷ നടത്തുന്നത്. അവസാനവർഷ പരീക്ഷാഫലം കാത്തുനിൽക്കുന്നവർക്കും അപേക്ഷിക്കാം. ഓണ്ലൈനായാണ് അപേക്ഷയും ഫീസും സമർപ്പിക്കേണ്ടത്.
വെബ്സൈറ്റിൽ ഓണ്ലൈൻ അപേക്ഷ സമർപ്പിക്കുന്നതിനുള്ള സൗകര്യം ലഭ്യമാണ്. പ്രവേശന പരീക്ഷയ്ക്ക് തിരുവനന്തപുരം, കോട്ടയം, എറണാകുളം, കോഴിക്കോട് എന്നിവിടങ്ങളിൽ പരീക്ഷാ കേന്ദ്രങ്ങൾ ഉണ്ടായിരിക്കും. പ്രവേശന പ്രക്രിയ, യോഗ്യത, പഠനവകുപ്പുകൾ, പിജി പ്രോഗ്രാമുകൾ, പരീക്ഷാ ഘടന, സിലബസ് തുടങ്ങിയ വിവരങ്ങൾക്ക് വെബ്സൈറ്റിൽ പ്രസിദ്ധീകരിച്ചിട്ടുള്ള വിജ്ഞാപനവും പ്രോസ്പെക്്ടസും കാണുക. എംഎസ്സി സൈക്കോളജി പ്രോഗ്രാമിന്റെ പ്രവേശന യോഗ്യതയിൽ മാറ്റം വരുത്തിയിട്ടുള്ളതാണ്. എംഎഡ് പ്രോഗ്രാമുകളിലേക്കുള്ള അപേക്ഷകർ അപേക്ഷയുടെ ഹാർഡ് കോപ്പിയും സാക്ഷ്യപ്പെടുത്തിയ അനുബന്ധ രേഖകളും സ്കൂൾ ഓഫ് പെഡഗോഗിക്കൽ സയൻസസ് ഡയറക്്ടർക്ക് നിശ്ചിത തീയതിയ്ക്കുള്ളിൽ അയച്ചു നൽകേണ്ടതാണ്. 9447484 980.
അപേക്ഷാ തീയതി
ആറാം സെമസ്റ്റർ യുജി (റീ അപ്പിയറൻസ് 2013ന് മുന്പുള്ള അഡ്മിഷൻ) പരീക്ഷകൾക്ക് ഏപ്രിൽ 11 വരെയും 50 രൂപ പിഴയോടെ 12 വരെയും 500 രൂപ സൂപ്പർഫൈനോടെ 16 വരെയും അപേക്ഷിക്കാം. നാലാം സെമസ്റ്റർ യുജി (റീഅപ്പിയറൻസ് 2013ന് മുന്പുള്ള അഡ്മിഷൻ ആൻഡ് മേഴ്സി ചാൻസ്) പരീക്ഷകൾക്ക് ഏപ്രിൽ 25 വരെയും 50 രൂപ പിഴയോടെ 26 വരെയും 500 രൂപ സൂപ്പർഫൈനോടെ 30 വരെയും അപേക്ഷിക്കാം. ഡൗണ്ലോഡ് ചെയ്തെടുക്കുന്ന അപേക്ഷാഫോമിന്റെ വിലയായി 25 രൂപയും സിവി ക്യാന്പ് ഫീസായി പേപ്പറൊന്നിന് 20 രൂപ വീതവും (പരമാവധി 100 രൂപ) മാർക്ക് ലിസ്റ്റ് ഫീസായി 25 രൂപയും റീഅപ്പിയറൻസ് ഫീസായി 50 രൂപയും പരീക്ഷാഫീസിന് പുറമെ അടയ്ക്കണം. നാലാം സെമസ്റ്റർ മേഴ്സി ചാൻസ് അപേക്ഷകർ 7000 രൂപ സ്പെഷൽ ഫീസും അടയ്ക്കേണ്ടതാണ്. പരീക്ഷാ തീയതി പിന്നീട് അറിയിക്കും.
നാലാം സെമസ്റ്റർ എംഎഡ് (ദ്വിവത്സരം 2015 മുതൽ അഡ്മിഷൻ റെഗുലർ, സപ്ലിമെന്ററി) പരീക്ഷകൾ ഏപ്രിൽ 25ന് ആരംഭിക്കും. അപേക്ഷകൾ ഏപ്രിൽ ആറു വരെയും, 50 രൂപ പിഴയോടെ ഒന്പതു വരെയും 500 രൂപ സൂപ്പർഫൈനോടെ 11 വരെയും സ്വീകരിക്കും. റെഗുലർ വിദ്യാർഥികൾ 150 രൂപയും സപ്ലിമെന്ററി വിദ്യാർഥികൾ പേപ്പറൊന്നിന് 50 രൂപ വീതവും സിവി. ക്യാന്പ് ഫീസായി പരീക്ഷാഫീസിനു പുറമെ അടയ്ക്കണം.
പത്തനംതിട്ട സ്കൂൾ ഓഫ് അപ്ലൈഡ് ലൈഫ് സയൻസസിൽ നടത്തുന്ന ഒന്നാം സെമസ്റ്റർ എംഫിൽ (ഫിഷറി ബയോളജി ആൻഡ് അക്വാകൾച്ചർ) പരീക്ഷ ഏപ്രിൽ 13ന് ആരംഭിക്കും. അപേക്ഷകൾ ഏപ്രിൽ മൂന്നു വരെയും 50 രൂപ പിഴയോടെ നാലു വരെയും 500 രൂപ സൂപ്പർഫൈനോടെ ഏഴു വരെയും സ്വീകരിക്കും.
മേഴ്സി ചാൻസ് പരീക്ഷ
നാലാം സെമസ്റ്റർ എംഎസ്സി കംപ്യൂട്ടർ സയൻസ് (പഴയ സ്കീം, 2007 2011 അഡ്മിഷൻ) മേഴ്സി ചാൻസ് പരീക്ഷയുടെ വിഷ്വൽ പ്രോഗ്രാമിംഗ് യൂസിംഗ് വിബി നെറ്റ് എന്ന പരീക്ഷ ഏപ്രിൽ 18 ന് നടത്തുന്നതാണ്.
പ്രാക്ടിക്കൽ
2018 മാർച്ച് മാസത്തിൽ നടത്തിയ ആറാം സെമസ്റ്റർ ബിഎ ഹിന്ദി ( മോഡൽ ഒന്ന് ആൻഡ് രണ്ട് റെഗുലർ, സപ്ലിമെന്ററി, ഇംപ്രൂവ്മെന്റ്) പരീക്ഷയുടെ പ്രാക്്ടിക്കൽ ഏപ്രിൽ ആറിനു അതാതു കോളജുകളിൽ് നടത്തും. വിശദമായ ടൈംടേബിൾ സർവകലാശാലാ വെബ്സൈറ്റിൽ ലഭ്യമാണ്.
2018 മാർച്ച് മാസത്തിൽ നടന്ന ആറാം സെമസ്റ്റർ ബിഎസ്സി ബയോടെക്നോളജി (റെഗുലർ, സപ്ലിമെന്ററി) പരീക്ഷയുടെ പ്രാക്്ടിക്കൽ, പ്രോജക്്ട് ആൻഡ് വൈവാവോസി എന്നിവ ഏപ്രിൽ മൂന്നു മുതൽ 13 വരെ അതാത് കോളജുകളിൽ നടത്തും. വിശദമായ ടൈംടേബിൾ സർവകലാശാലാ വെബ്സൈറ്റിൽ ലഭ്യമാണ്.
എംഫിൽ ക്ലാസുകൾ
സ്കൂൾ ഓഫ് പെഡഗോഗിക്കൽ സയൻസസിലെ 2017 18 ബാച്ച് എംഫിൽ എഡ്യൂക്കേഷൻ ക്ലാസുകൾ ഏപ്രിൽ മൂന്നിന് ആരംഭിക്കും.
ബിഎ ഉത്തരക്കടലാസ് സൂക്ഷ്മപരിശോധന
2017 ഒക്ടോബറിൽ നടത്തിയ അഞ്ചാം സെമസ്റ്റർ ബിഎ പരീക്ഷയുടെ ഉത്തരക്കടലാസ് സൂക്ഷ്മപരിശോധനയ്ക്ക ്അപേക്ഷിച്ചവർ ഏപ്രിൽ അഞ്ചു മുതൽ ഏഴുവരെ സിൽവർ ജൂബിലി പരീക്ഷാഭവനിൽ രേഖയുമായി ഹാജരാകണം.
പരീക്ഷാഫലം
സ്കൂൾ ഓഫ് ബിഹേവിയറൽ സയൻസസിൽ 2017 ജൂലൈ മാസത്തിൽ നടത്തിയ ഒന്നാം സെമസ്റ്റർ എംഫിൽ ബിഹേവിയറൽ മെഡിസിൻ ആൻഡ് റീഹാബിലിറ്റേഷൻ (പാർട്ട് ടൈം) പരീക്ഷയുടെ ഫലം പ്രസിദ്ധപ്പെടുത്തി.
സ്കൂൾ ഓഫ് ഇന്റർനാഷണൽ റിലേഷൻസ് ആൻഡ് പൊളിറ്റിക്സ് 2018 ഫെബ്രുവരി മാസത്തിൽ നടത്തിയ രണ്ടാം സെമസ്റ്റർ എംഫിൽ പൊളിറ്റിക്സ് ആൻഡ് ഇന്റർനാഷണൽ റിലേഷൻസ് പരീക്ഷയുടെ ഫലം പ്രസിദ്ധീകരിച്ചു.
2017 മേയ് മാസത്തിൽ നടത്തിയ മൂന്നും നാലും സെമസ്റ്റർ ബിഎ (പ്രൈവറ്റ് രജിസ്ട്രേഷൻ മോഡൽഒന്ന്) പരീക്ഷയുടെ ഫലം പ്രസിദ്ധപീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും ഏപ്രിൽ 13 വരെ അപേക്ഷിക്കാം. 2017 സെപ്റ്റംബറിൽ സ്കൂൾ ഓഫ് കംപ്യൂട്ടർ സയൻസസിൽ നടത്തിയ പിഎച്ച്ഡി കോഴ്സ് വർക്ക് പരീക്ഷയുടെ ഫലം പ്രസിദ്ധീകരിച്ചു.