എംബിഎ പ്രവേശനം: തിയതി നീട്ടി
കോമേഴ്സ് ആൻഡ് മാനേജ്മെന്‍റ് സ്റ്റഡീസിലും സർവകലാശാല നേരിട്ട് നടത്തുന്ന വടകര, കോഴിക്കോട്, കുറ്റിപ്പുറം, തിരൂർതൃശൂർ, ജോണ് മത്തായി സെന്‍റർതൃശൂർ, പാലക്കാട് എന്നീ സെന്‍ററുകളിലും അഫിലിയേറ്റഡ് മാനേജ്മെന്‍റ് ഇൻസ്റ്റിറ്റ്യുട്ടുകളിലും എംബിഎ പ്രവേശനത്തിന് കാറ്റ്/സിമാറ്റ്/കെമാറ്റ് പരീക്ഷകൾ പാസായവർക്ക് അപേക്ഷിക്കാനുള്ള തിയതി പത്ത് വരെ നീട്ടി. സർവകലാശാലാ വെബ്സൈറ്റ് വഴി അപേക്ഷിക്കാം. കാറ്റ്/സിമാറ്റ്/കെ മാറ്റ് സ്കോറും, ജനറൽ വിഭാഗത്തിന് 500 രൂപ, പട്ടികജാതി/ പട്ടികവർഗ വിഭാഗങ്ങൾക്ക് 167 രൂപ ചലാനും സഹിതം അപേക്ഷിക്കണം. കാറ്റ്/സിമാറ്റ്/കെ.മാറ്റ് പരീക്ഷയ്ക്ക് 15 ശതമാനം, 10 ശതമാനം, 7.5 ശതമാനം സ്കോർ (യഥാക്രമം ജനറൽ വിഭാഗം, മറ്റു പിന്നോക്ക വിഭാഗം, പട്ടികജാതി/പട്ടികവർഗം) നേടിയിരിക്കേണ്ടതാണ്. അപേക്ഷയുടെ പ്രിന്‍റൗട്ട്, ചലാൻ (എസ് സി/എസ് ടി വിഭാഗം കമ്മ്യൂണിറ്റി സർട്ടിഫിക്കറ്റിന്‍റെ പകർപ്പ്) എന്നിവ സഹിതം പത്തിന് വൈകുന്നേരം അഞ്ചിനകം ഹെഡ് ഓഫ് ദ ഡിപ്പാർട്ടുമെന്‍റ്, കോമേഴ്സ് ആൻഡ് മാനേജ്മെന്‍റ് സ്റ്റഡീസ്, യൂണിവേഴ്സിറ്റി ഓഫ് കാലിക്കട്ട് കാലിക്കട്ട് യൂണിവേഴ്സിറ്റി പി.ഒ, 673 635 എന്ന വിലാസത്തിൽ ലഭിക്കണം. എംബിഎ പ്രവേശനത്തിനായി ഈ സർവകലാശാലയിൽ അപേക്ഷിച്ചവരുടെ പേഴ്സണൽ ഇന്‍റർവ്യൂ, ഗ്രൂപ്പ് ഡിസ്കഷൻ എന്നിവ 23 മുതൽ 26 വരെ നടക്കും. ഇത് സംബന്ധിച്ച വിവരങ്ങൾ 20ന് ശേഷം സർവകലാശാലാ വെബ്സൈറ്റിൽ പ്രസിദ്ധീകരിക്കും. ഫോണ് : 0494 2407363.
ഗ്രേസ് മാർക്ക്: 14 വരെ അപേക്ഷിക്കാം
മാർച്ചിലെ അവസാന സെമസ്റ്റർ ബിഎ/ ബിഎസ്ഡബ്ല്യൂ/ ബിവിസി/ ബിടിഎഫ്പി (സിയുസിബിസിഎസ്എസ്) വിദ്യാർഥികളിൽ എൻഎസ്എസ്/എൻസിസി ഉൾപ്പെടെ വിവിധ ഗ്രേസ്മാർക്കുകൾക്ക് അർഹതയുള്ളവർ മാർക്ക് ചേർക്കുന്നതിന് അപേക്ഷ ബന്ധപ്പെട്ട സർട്ടിഫിക്കറ്റുകൾ പരീക്ഷാഭവൻ ബിഎ വിഭാഗത്തിൽ സമർപ്പിക്കാനുള്ള തിയതി 13 വരെ നീട്ടി. ഫോം വെബ്സൈറ്റിൽ.
പരീക്ഷാ അപേക്ഷ
പഠനവകുപ്പിലെ നാലാം സെമസ്റ്റർ എംഎ/എംഎസ് സി/എംകോം/എംബിഎ/എംസിജെ/എംഎൽ‌ഐഎസ് സി/എംടിഎ (സിസിഎസ്എസ്) റഗുലർ/സപ്ലിമെന്‍ററി/ഇംപ്രൂവ്മെന്‍റ് പരീക്ഷയ്ക്ക് പിഴകൂടാതെ 17 വരെയും 150 രൂപ പിഴയോടെ 21 വരെയും അപേക്ഷിക്കാം. പ്രിന്‍റൗട്ട് 25നകം ലഭിക്കണം.
പ്രൈവറ്റ് രജിസ്ട്രേഷൻ മൂന്ന്, നാല് സെമസ്റ്റർ ബിഎംഎംസി (2016 പ്രവേശനം, സിയുസിബിസിഎസ്എസ്) റഗുലർ പരീക്ഷക്ക് പിഴകൂടാതെ 11 വരെയും 150 രൂപ പിഴയോടെ 13 വരെയും അപേക്ഷിക്കാം. പ്രിന്‍റൗട്ട്, ചലാൻ സഹിതം ജോയിന്റ് കണ്ട്രോളർ ഓഫ് എക്സാമിനേഷൻസ്എട്ട്, എക്സാമിനേഷൻഡിസ്റ്റൻസ് എഡ്യുക്കേഷൻ, യൂണിവേഴ്സിറ്റി ഓഫ് കാലിക്കട്ട്, കാലിക്കട്ട് യൂണിവേഴ്സിറ്റി പിഒ, 673635 എന്ന വിലാസത്തിൽ 13നകം ലഭിക്കണം.
പരീക്ഷ
നാലാം സെമസ്റ്റർ ബിവോക് മെഡിക്കൽ ലബോറട്ടറി ടെക്നോളജി (2014 പ്രവേശനം) റഗുലർ പരീക്ഷ 24ന് ആരംഭിക്കും.
മൂന്നാം സെമസ്റ്റർ ബിവോക് (2016 പ്രവേശനം) റഗുലർ/ സപ്ലിമെന്‍ററി പരീക്ഷ 24ന് ആരംഭിക്കും
പരീക്ഷാഫലം
2017 മേയിൽ നടത്തിയ പ്രീവിയസ് എംഎ ഇംഗ്ളീഷ് റഗുലർ/ സപ്ലിമെന്‍ററി/ ഇംപ്രൂവ്മെന്‍റ് (നോണ് സെമസ്റ്റർ) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 17 വരെ അപേക്ഷിക്കാം.
2017 ജനുവരിയിൽ നടത്തിയ രണ്ടാം സെമസ്റ്റർ എംഫിൽ ഇംഗ്ളീഷ് പരീക്ഷാഫലം വെബ്സൈറ്റിൽ.
എക്സാമിനേഴ്സ് മീറ്റിംഗ്
ആറാം സെമസ്റ്റർ യു.ജി പ്രാക്ടിക്കൽ പരീക്ഷയുടെ എക്സാമിനേഴ്സ് മീറ്റിംഗിന് തൃശൂർ ജില്ലയിലെ മാത്തമാറ്റിക്സ് അധ്യാപകർ പത്തിന് രാവിലെ 10.30ന് തൃശൂർ വിമല കോളജിൽ ഹാജരാകണം.
ആറാം സെമസ്റ്റർ ബിഎസ് സി കംപ്യൂട്ടർ സയൻസ്/ഐടി/ബിസിഎ പ്രാക്ടിക്കൽ പരീക്ഷയുടെ എക്സാമിനേഴ്സ് മീറ്റിംഗിന് പാലക്കാട് ജില്ലയിലെ കോളജുകളിലെ അധ്യാപകർ ഒന്പതിന് രാവിലെ 10.30ന് ഒറ്റപ്പാലം എൻഎസ്എസ് കോളജിൽ ഹജരാകണം.
എൽഎൽഎം പ്രവേശനം: 18 വരെ അപേക്ഷിക്കാം
സർവകലാശാലാ കാന്പസിലെ നിയമപഠനവകുപ്പിൽ നടത്തുന്ന എൽഎൽഎം സ്വാശ്രയ കോഴ്സ് പ്രവേശനത്തിന് അപേക്ഷിക്കാനുള്ള തിയതി 18 വരെ നീട്ടി. പ്രവേശന പരീക്ഷ 23ന് നടത്തും. വിവരങ്ങൾ www.cuonline.ac.in വെബ്സൈറ്റിൽ. ഫോണ് : 0494 2407584, 2407016.
സർവകലാശാലാ സുവർണ ജൂബിലി സ്മരണികയായി കീ ചെയിനും പേപ്പർ പേനയും പുറത്തിറക്കി
തേഞ്ഞിപ്പലം: കാലിക്കട്ട് സർവകലാശാലാ സുവർണ ജൂബിലി സ്മരണികയായി കീ ചെയിനും പേനയും വിതരണം ആരംഭിച്ചു. സർവകലാശാലാ സെൻട്രൽ കോഓപറേറ്റീവ് സ്റ്റോർ അങ്കണത്തിൽ നടന്ന ചടങ്ങിൽ സുവർണ ജൂബിലി കീ ചെയിൻ വിതരണോദ്ഘാടനം പ്രോവൈസ് ചാൻസലർ ഡോ.പി. മോഹനും അഗസ്ത്യവൃക്ഷത്തിന്‍റെ വിത്തുകൂടി ഉൾപ്പെടുത്തിയ പേപ്പർ പേനയുടെ വിതരണോദ്ഘാടനം രജിസ്ട്രാർ ഡോ. ടി.എ. അബ്ദുൾ മജീദും നിർവഹിച്ചു.
കീ ചെയിൻ ഡോ. കെ.വി. മോഹനനും പേപ്പർ പേന ഡിഎസ് യു ചെയർപേഴ്സണ്‍ കെ.ആർ. രമ്യയും ഏറ്റുവാങ്ങി.
ജൂബിലി ആഘോഷങ്ങളുടെ ഭാഗമായി അക്കാദമിക് മാസ്റ്റർ പ്ലാൻ, സർവകലാശാലയിലും അഫിലിയേറ്റഡ് കോളജ് കാന്പസുകളിലും സന്പൂർണ ഹരിത കാന്പസ് പദ്ധതി, ദേശീയ അന്തർ ദേശീയ സെമിനാറുകൾ തുടങ്ങിയ ബഹുമുഖ പരിപാടികൾ നടപ്പാക്കിവരികയാണെന്നും പ്രോവൈസ് ചാൻസലർ പറഞ്ഞു. ഗോൾഡൻ ജൂബിലി മെമെന്‍റോസ് ആൻഡ് സുവനീർ കമ്മറ്റി കോഓർഡിനേറ്റർ ഡോ. ജോണ് ഇ. തോപ്പിൽ അധ്യക്ഷനായിരുന്നു. ഐക്യൂഎസി ഡയറക്ടർ ഡോ. എം. മനോഹരൻ, പ്രഫ. എം. സാബു, ഡോ. ടി.എം. വാസുദേവൻ, കോഓപറേറ്റീവ് സ്റ്റോർ സെക്രട്ടറി കെ. വിജയകുമാർ തുടങ്ങിയവർ പങ്കെടുത്തു.
കാലിക്കട്ട് സർവകലാശാലാ സെൻട്രൽ കോഓപറേറ്റീവ് സ്റ്റോറിന്റെ 12 കേന്ദ്രങ്ങളിലൂടെ ഇവ വിതരണം ചെയ്യുന്നുണ്ട്. കീ ചെയിനിന് 50 രൂപയും പേപ്പർ പേനയ്ക്ക് 12 രൂപയുമാണ് വില. ജൂബിലി ബാഗിന്‍റെ വിൽപ്പന രണ്ടാഴ്ചയ്ക്കകം ആരംഭിക്കും.
സമ്മർ കോച്ചിംഗ് ക്യാന്പ് നാലിന് ആരംഭിക്കും
തേഞ്ഞിപ്പലം: കാലിക്കട്ട് സർവകലാശാലാ കായിക പഠനവിഭാഗം നടത്തുന്ന സമ്മർ കോച്ചിംഗ് ക്യാന്പ് നാലിന് സർവകലാശാലാ സ്റ്റേഡിയത്തിൽ തുടക്കമാകും. ഔപചാരിക ഉദ്ഘാടനം വൈസ് ചാൻസലർ ഡോ. കെ. മുഹമ്മദ് ബഷീർ ഏപ്രിൽ അഞ്ചിന് നിർവഹിക്കും.
പ്രോവൈസ് ചാൻസലർ ഡോ. പി. മോഹൻ അധ്യക്ഷത വഹിക്കും. രജിസ്ട്രാർ ഡോ. ടി.എ. അബ്ദുൾ മജീദ്, സിൻഡിക്കറ്റ് അംഗങ്ങൾ തുടങ്ങിയവർ പങ്കെടുക്കും. സർവകലാശാലയിലെ വിദഗ്ധ കോച്ചുമാരാണ് പരിശീലനം നൽകുക. രജിസ്റ്റർ ചെയ്ത കുട്ടികൾ നാലിന് രാവിലെ 6.30ന് സ്പോർട്സ് കിറ്റുമായി സ്റ്റേഡിയത്തിൽ ഹാജരാകണം. രജിസ്റ്റർ ചെയ്യാത്തവർക്ക് തൽസമയ രജിസ്ട്രേഷൻ നടത്തി പങ്കെടുക്കാം. ക്യാന്പ് മേയ് 19 വരെ തുടരും.