ബിഎസ്സി, ബിസിഎ ഗ്രേസ് മാർക്കിന് അപേക്ഷിക്കണം
മാർച്ചിലെ ആറാം സെമസ്റ്റർ ബിഎസ് / സിബിസിഎ (സിയുസിബിസിഎസ്എസ്) വിദ്യാർഥികളിൽ എൻഎസ്എസ്/എൻസിസി ഗ്രേസ് മാർക്കിന് അർഹരായവരുടെ അപേക്ഷ സർട്ടിഫിക്കറ്റുകൾ സഹിതം 13നകം അതത് പ്രിൻസിപ്പൽമാർ പരീക്ഷാഭവൻ ബിഎസ് സി വിഭാഗത്തിൽ സമർപ്പിക്കണം. ഒന്ന് മുതൽ നാല് വരെ സെമസ്റ്റർ ഫലം വെബ്സൈറ്റിൽ ലഭ്യമാണ്. സെമസ്റ്റർ മാർക്കുകൾക്ക് വിദ്യാർഥികൾ സർവകലാശാലയിൽ വരേണ്ടതില്ല.
പരീക്ഷാ അപേക്ഷ
നാലാം സെമസ്റ്റർ ബിടെക്/പാർട് ടൈം ബിടെക്/ബിആർക് പരീക്ഷയ്ക്ക് പിഴകൂടാതെ 17 വരെയും 150 രൂപ പിഴയോടെ 20 വരെയും അപേക്ഷിക്കാം. ബിആർക് സപ്ലിമെന്ററി പരീക്ഷാർഥികൾ നാലാം സെമസ്റ്റർ ഫലം വന്നതിന് ശേഷം മാത്രം അപേക്ഷിക്കുക. വിജ്ഞാപനം പരിശോധിച്ച് മാത്രം അപേക്ഷ സമർപ്പിക്കുക.
പുനർമൂല്യനിർണയ ഫലം
പിജി ഡിപ്ലോമ ഇൻ കൗണ്സലിംഗ് ജൂലൈ 2017 പരീക്ഷയുടെ പുനർമൂല്യനിർണയ ഫലം വെബ്സൈറ്റിൽ.
എക്സാമിനേഴ്സ് മീറ്റിംഗ്
ആറാം സെമസ്റ്റർ ബിഎസ് സി കെമിസ്ട്രി പ്രാക്ടിക്കൽ പരീക്ഷയുടെ എക്സാമിനേഴ്സ് മീറ്റിംഗിന് കോഴിക്കോട്, വയനാട് ജില്ലകളിലെ കോളജുകളിലെ അധ്യാപകർ അഞ്ചിന് രാവിലെ 10.30ന് കോഴിക്കോട് സാമൂതിരി ഗുരുവായൂരപ്പൻ കോളജിൽ ഹാജരാകണം.
വിദൂരവിദ്യാഭ്യാസ വിഭാഗത്തിൽ അസിസ്റ്റന്റ് പ്രഫസർ
വിദൂരവിദ്യാഭ്യാസ വിഭാഗത്തിൽ അറബിക്, ഇംഗ്ലീഷ്, മാത്തമാറ്റിക്സ്, പൊളിറ്റിക്കൽ സയൻസ്, സംസ്കൃതം അസിസ്റ്റന്റ് പ്രഫസർ തസ്തികയിലേക്ക് സംവരണവിഭാഗങ്ങളിൽ നിന്നു കരാർ നിയമനത്തിന് ഓണ്ലൈൻ അപേക്ഷ ക്ഷണിച്ചു. അവസാന തീയതി 21. വിശദ വിവരങ്ങൾ വെബ്സൈറ്റിൽ.
അസിസ്റ്റന്റ് പ്രഫസർ അഭിമുഖം
കാന്പസിലെ എംഎസ് സി എൻവയോണ്മെന്റൽ സയൻസ് സ്വാശ്രയ കോഴ്സിലേക്ക് അസിസ്റ്റന്റ് പ്രഫസർ കരാർ നിയമനത്തിന് ഓണ്ലൈനായി അപേക്ഷിച്ചവർക്കുള്ള അഭിമുഖം 11ന് രാവിലെ 9.30ന് സർവകലാശാലാ ഭരണവിഭാഗത്തിൽ നടക്കും. വിവരങ്ങൾ വെബ്സൈറ്റിൽ. ഫോണ്: 0494 2407106.