ബികോം അഡീഷണൽ കോ-ഓപ്പറേഷൻ ഹാൾടിക്കറ്റ്
കണ്ണൂർ സർവകലാശാലയുടെ 10നും 27നും നടക്കുന്ന ബികോം അഡീഷണൽ കോഓപ്പറേഷൻ (2011 അഡ്മിഷൻ മുതൽ മാർച്ച് 2018) പരീക്ഷയുടെ ഹാൾടിക്കറ്റ് അനുവദിച്ച കേന്ദ്രത്തിൽനിന്നും വാങ്ങി പരീക്ഷ എഴുതേണ്ടതാണ്. അപേക്ഷിച്ച കേന്ദ്രവും അനുവദിച്ച കേന്ദ്രവും (ബ്രായ്ക്കറ്റിൽ) ഇപ്രകാരമാണ്. പയ്യന്നൂർ കോളജ് (ജാനകി മെമ്മോറിയൽ യുപി സ്കൂൾ, ചെറുപുഴ), പി.ആർ.എൻഎസ്എസ്കോളജ്, മട്ടന്നൂർ (ജിഎച്ച്എസ്എസ്, ഇരിക്കൂർ), സർ സയ്യിദ് കോളജ്, തളിപ്പറന്പ് (സർ സയ്യിദ് ഹയർ സെക്കൻഡറി സ്കൂൾ, തളിപ്പറന്പ്), ഗവ.കോളജ്, മാനന്തവാടി (ജി.യു.പി.സ്കൂൾ തരുവണ), ഗവ: കോളജ്, കാസർഗോഡ് (ലിറ്റിൽ ലില്ലി സീനിയർ സെക്കൻഡറി സ്കൂൾ, കുന്പള, കാസർഗോഡ്), എം.ജി.കോളജ്, ഇരിട്ടി (ഇരിക്കൂർ റഹ്‌മാനിയ ഓർഫനേജ് ഹയർ സെക്കൻഡറി സ്കൂൾ, പെരുവളത്തുപറന്പ്), നെഹ്റു ആർട്സ് ആൻഡ് സയൻസ് കോളജ്, കാഞ്ഞങ്ങാട് (ജിഎഫ്എച്ച്എസ്, കാഞ്ഞങ്ങാട്), ഗവ. ബ്രണ്ണൻ കോളജ്, തലശേരി (ജിവിഎച്ച്എസ്എസ്, കതിരൂർ), കെ.എം.എം. ഗവ. വിമൻസ് കോളജ്, കണ്ണൂർ (ജിജി വിഎച്ച്എസ്എസ്, ചെറുകുന്ന്), നിർമലഗിരി കോളജ് (കോട്ടയം രാജാസ് ഹൈസ്കൂൾ, പാതിരിയാട്), എസ്.എൻ കോളജ്, കണ്ണൂർ (എസ്.എൻ.കോളജ്, കണ്ണൂർ).
തുറന്ന സംവാദം 10ന്
ബോട്ടണിയിൽ ഗവേഷണം നടത്തുന്ന എം. ചിത്ര എന്ന വിദ്യാർഥിനി പിഎച്ച്ഡി ബിരുദത്തിനായി സമർപ്പിച്ച ഗവേഷണ പ്രബന്ധത്തിൻമേലുള്ള തുറന്ന സംവാദം 10ന് രാവിലെ 10.30ന് സർ സയ്യിദ് കോളജിലെ ബോട്ടണി വിഭാഗത്തിൽ നടക്കും. പ്രബന്ധം സെമിനാറിന് മൂന്നു ദിവസം മുന്പ് മുതൽ സർ സയ്യിദ് കോളജിലെ ബോട്ടണി വിഭാഗം ലൈബ്രറിയിൽ പരിശോധനയ്ക്ക് ലഭ്യമായിരിക്കും.
അസിസ്റ്റന്‍റ് പ്രഫസർ നിയമനം
ഡിപ്പാർട്ട്മെന്‍റ് ഓഫ് സ്റ്റാറ്റിസ്റ്റിക്കൽ സയൻസിൽ അസിസ്റ്റന്‍റ് പ്രഫസർ തസ്തികയിൽ കരാറടിസ്ഥാനത്തിലുള്ള നിയമനത്തിനുവേണ്ടിയുള്ള വാക് ഇൻ ഇന്‍റർവ്യൂ 11ന് സർവകലാശാലയുടെ താവക്കര കാന്പസിൽ നടക്കും. നെറ്റ് യോഗ്യതയുള്ള ഉദ്യോഗാർഥികൾ ആവശ്യമായ രേഖകളും അവയുടെ സ്വയം സാക്ഷ്യപ്പെടുത്തിയ പകർപ്പുകളും 200 രൂപ അടച്ച ചലാൻ രസീതുമായി അന്നേദിവസം ഉച്ചയ്ക്ക് 12.30ന് എത്തിച്ചേരണം. വിശദവിവരങ്ങൾ സർവകലാശാലയുടെ www.kannuruniversity.ac.in ൽ ലഭ്യമാണ്.