എംഎസ്സി മൈക്രോബയോളജി സ്പെഷൽ സപ്ലിമെന്ററി പരീക്ഷാ അപേക്ഷ
എല്ലാ അവസരങ്ങളും കഴിഞ്ഞ 2005 മുതൽ 2009 വരെ പ്രവേശനം എംഎസ് സി മൈക്രോബയോളജി ഒന്ന്, രണ്ട്, മൂന്ന്, നാല് സെമസ്റ്റർ (നോണ് സിയുസിഎസ്എസ്) വിദ്യാർഥികൾക്ക് സ്പെഷൽ സപ്ലിമെന്ററി പരീക്ഷക്ക് സാധാരണ ഫോമിൽ 19വരെ അപേക്ഷിക്കാം. പരീക്ഷാ ഫീസ് പേപ്പറൊന്നിന് 2500 രൂപ. ഓരോ സെമസ്റ്ററുകൾക്കും വെവ്വേറെ അപേക്ഷ സമർപ്പിക്കണം. പരീക്ഷാ കേന്ദ്രം കാലിക്കട്ട് സർവകലാശാലാ കാന്പസ്. അപേക്ഷ, ചലാൻ, മാർക്ക് ലിസ്റ്റികളുടെ പകർപ്പുകൾ എന്നിവ സഹിതം കണ്ട്രോളർ ഓഫ് എക്സാമിനേഷൻസ്, സ്പെഷൽ സപ്ലിമെന്ററി എക്സാമിനേഷൻ യൂണിറ്റ്, പരീക്ഷാഭവൻ, കാലിക്കട്ട് യൂണിവേഴ്സിറ്റി പിഒ, 673 635 എന്ന വിലാസത്തിൽ ലഭിക്കണം. ഫോണ്: 0494 2407367.
കംപ്യൂട്ടർ പ്രോഗ്രാമർ: പ്രമാണ പരിശോധന
കംപ്യൂട്ടർ പ്രോഗ്രാമർ തസ്തികയിൽ കരാർ നിയമനത്തിന് അപേക്ഷിച്ചവർക്കുള്ള പ്രമാണ പരിശോധന 16ന് സർവകലാശാലാ ഭരണവിഭാഗത്തിൽ നടക്കും. വിവരങ്ങൾ വെബ്സൈറ്റിൽ. ഫോണ്: 0494 2407106.
പരീക്ഷാ അപേക്ഷ
എംസിഎ ഒന്ന്, മൂന്ന്, അഞ്ച് സെമസ്റ്റർ (2012 മുതൽ പ്രവേശനം) റഗുലർ/ സപ്ലിമെന്ററി പരീക്ഷയ്ക്ക് പിഴകൂടാതെ 20 വരെയും 150 രൂപ പിഴയോടെ 24 വരെയും അപേക്ഷിക്കാം.
അടുത്തിടെ ഫലം പ്രസിദ്ധീകരിച്ച ബിവോക് വിദ്യാർഥികൾക്ക് മൂന്നാം സെമസ്റ്റർ സപ്ലിമെന്ററി/ ഇംപ്രൂവ്മെന്റ് പരീക്ഷയ്ക്ക് പിഴകൂടാതെ 11 വരെയും 150 രൂപ പിഴയോടെ 12 വരെയും അപേക്ഷിക്കാം.
പരീക്ഷ
കോളജ് വിദ്യാർഥികളുടെ ആറാം സെമസ്റ്റർ (സിസിഎസ്എസ്, 2012 ഉം, 2013 ഉം പ്രവേശനം)ബികോം/ ബികോം വൊകേഷണൽ/ബിബിഎ/ബിഎച്ച്എ/ബിടിഎച്ച്എം/ബികോം ഓണേഴ്സ്/ ബിഎ/ ബിഎസ് സി/ ബിഎസ് സി ഇൻ എൽആർപി/ ബിഎംഎംസി/ ബിസിഎ/ ബിഎസ്ഡബ്ല്യൂ/ ബിവിസി/ ബിഎ അഫ്സൽഉൽഉലമ സപ്ലിമെന്ററി/ ഇംപ്രൂവ്മെന്റ് പരീക്ഷ മേയ് പത്തിന് ആരംഭിക്കും.
കോളജ്/ വിദൂരവിദ്യാഭ്യാസം/ പ്രൈവറ്റ് രജിസ്ട്രേഷൻ/വിദേശ/കേരളത്തിനെ പുറത്തെ കേന്ദ്രങ്ങൾ എന്നിവിടങ്ങളിലെ നാലാം സെമസ്റ്റർ ബിഎ/ ബിഎസ് സി/ ബിഎസ് സി ഇൻ എൽആർപി/ ബിഎംഎംസി/ ബിസിഎ/ ബിഎസ്ഡബ്ല്യൂ/ ബിവിസി/ ബിഎ അഫ്സൽഉൽഉലമ/ ബിവോക് (സിയുസിബിസിഎസ്എസ്) റഗുലർ/ സപ്ലിമെന്ററി/ ഇംപ്രൂവ്മെന്റ് പരീക്ഷ മേയ് പത്തിന് ആരംഭിക്കും.
വിദൂരവിദ്യാഭ്യാസം എംബിഎ മൂന്നാം സെമസ്റ്റർ 2013 പ്രവേശനം റഗുലർ/ സപ്ലിമെന്ററി, 2012 പ്രവേശനം സപ്ലിമെന്ററി പരീക്ഷ 27ന് ആരംഭിക്കും.
പ്രൈവറ്റ് രജിസ്ട്രേഷൻ മൂന്നാം സെമസ്റ്റർ ബിഎംഎംസി (2016 പ്രവേശനം, സിയുസിബിസിഎസ്എസ്) റഗുലർ പരീക്ഷ 24ന് ആരംഭിക്കും.