മൂന്നാം വർഷ ബിഡിഎസ് പരീക്ഷ 27 മുതൽ
കണ്ണൂർ സർവകലാശാലയുടെ മൂന്നാം വർഷ ബിഡിഎസ് പരീക്ഷകൾ 27ന് ആരംഭിക്കും. അപേക്ഷകൾ പിഴ കൂടാതെ 16 വരെയും 150 രൂപ പിഴയോടെ 17 വരെയും സമർപ്പിക്കാം. ആപ്ലിക്കേഷനും ചലാനും 18നകം സർവകലാശാലയിൽ എത്തിക്കണം. ഫീസ് നിരക്ക് ഇപ്രകാരമാണ്: തിയറി 200 രൂപ (പേപ്പറൊന്നിന്), പ്രാക്ടിക്കൽ 250, വൈവ 150, മാർക്ക് ലിസ്റ്റ് 60, സി.വി. ക്യാന്പ് ഫീസ് 150, ആപ്ലിക്കേഷൻ ഫോം 40 രൂപ.
രണ്ടാം സെമസ്റ്റർ ബിഎഡ് പരീക്ഷാഫലം
2017 മേയ് മാസത്തിൽ നടത്തിയ രണ്ടാം സെമസ്റ്റർ ബിഎഡ് പരീക്ഷാഫലം പ്രസിദ്ധീകരിച്ചു. ഫലം സർവകലാശാല വെബ്സൈറ്റിൽ ലഭ്യമാണ്. ഉത്തരക്കടലാസ് പുനർ മൂല്യനിർണയത്തിനുള്ള അപേക്ഷകൾ സർവകലാശാലയിൽ സ്വീകരിക്കുന്ന അവസാന തീയതി 20 ആണ്. സപ്ലിമെന്ററി വിദ്യാർഥികൾക്ക് പരീക്ഷയ്ക്ക് അപേക്ഷ സമർപ്പിക്കാനുള്ള അവസാന തീയതി 12 വരെ നീട്ടിയിട്ടുണ്ട്.
ബിഎ കർണാട്ടിക് മ്യൂസിക് പ്രായോഗിക പരീക്ഷ
ആറാം സെമസ്റ്റർ ബിഎ കർണാട്ടിക് മ്യൂസിക് ഡിഗ്രിയുടെ പ്രായോഗിക പരീക്ഷയും പ്രോജക്ട് മൂല്യനിർണയവും 12, 13 തീയതികളിൽ പിലാത്തറ ലാസ്യ കോളജ് ഓഫ് ഫൈൻ ആർട്സിൽ നടക്കും.
മൂന്നാം സെമസ്റ്റർ എംഎഡ് ഹാൾടിക്കറ്റ്
12ന് ആരംഭിക്കുന്ന മൂന്നാം സെമസ്റ്റർ എംഎഡ് (നവംബർ 2017) ഡിഗ്രി പരീക്ഷയുടെ ഹാൾടിക്കറ്റുകൾ സർവകലാശാല വെബ്സൈറ്റിൽനിന്നും ഡൗണ്ലോഡ് ചെയ്യാം.