എംസിഎ ഓണ്‍ലൈൻ രജിസ്ട്രേഷൻ
ഒന്നും മൂന്നും സെമസ്റ്റർ എംസിഎ (2011 സ്കീം) സപ്ലിമെന്‍ററി, അഞ്ചാം സെമസ്റ്റർ (2015 സ്കീം) റഗുലർ പരീക്ഷകളുടെ ഓണ്‍ലൈൻ രജിസ്ട്രേഷൻ ആരംഭിച്ചു. വിശദവിവരങ്ങൾ വെബ്സൈറ്റിൽ ലഭിക്കും.
സർട്ടിഫിക്കറ്റ് ഇൻ നഴ്സിംഗ് അഡ്മിനിസ്ട്രേഷൻ
തുടർവിദ്യാഭ്യാസ വ്യാപനകേന്ദ്രം നടത്തുന്ന സർട്ടിഫിക്കറ്റ് ഇൻ നഴ്സിംഗ് അഡ്മിനിസ്ട്രേഷൻ കോഴ്സിന് അപേക്ഷ ക്ഷണിച്ചു. യോഗ്യത: പ്ലസ് ടു/പ്രീഡിഗ്രി ജയിച്ചിരിക്കണം. ജിഎൻഎം/ബിഎസ്‌സി; നഴ്സിംഗ്, കൂടാതെ കേരള രജിസ്ട്രേഷൻ ചെയ്തിരിക്കണം. ഫീസ്: 7500 രൂപ. ക്ലാസുകൾ: ശനി, ഞായർ ദിവസങ്ങളിൽ. കോഴ്സ് കാലാവധി: ആറ് മാസം. വിവരങ്ങൾക്ക്: ഫോണ്: 04712302523. അവസാന തീയതി 20.
തീയതി നീട്ടി
വിവിധ പഠന വകുപ്പികളിലെ ബിരുദാനന്തര ബിരുദ (സിഎസ്എസ്) കോഴ്സുകളിലേക്ക് ഓണ്‍ലൈനായി അപേക്ഷിക്കുന്നതിനുള്ള തീയതി 25 വരെ നീട്ടി.
പി.ജി സർട്ടിഫിക്കറ്റ് ഇൻ ടി.വി ന്യൂസ് ജേർണലിസം
തുടർവിദ്യാഭ്യാസ വ്യാപനകേന്ദ്രം നടത്തുന്ന പി.ജി സർട്ടിഫിക്കറ്റ് ഇൻ ടിവി ന്യൂസ് ജേർണലിസം കോഴ്സിന് അപേക്ഷ സമർപ്പിക്കാം. യോഗ്യത: കേരള സർവകലാശാല അംഗീകരിച്ച ബിരുദം. കോഴ്സ് കാലാവധി ആറ് മാസം. ഫീസ്: 10,500/ അപേക്ഷ ഫീസ്: 100 രൂപ. അവസാന തീയതി 20. അപേക്ഷാഫോറം പിഎംജി ജംഗ്ഷനിലെ സിഎസിഇഇ ഓഫീസിൽ ലഭിക്കും. ഫോണ്: 04712302523.
സർട്ടിഫിക്കറ്റ് ഇൻ ലൈബ്രറി ആൻഡ് ഇൻഫർമേഷൻ സയൻസ്
തുടർവിദ്യാഭ്യാസ വ്യാപനകേന്ദ്രം നെടുമങ്ങാട് പനവൂർ മുസ്‌ലിം അസോസിയേഷൻ കോളജ് ഓഫ് ആർട്സ് ആൻഡ് സയൻസിൽ നടത്തുന്ന സർട്ടിഫിക്കറ്റ് ഇൻ ലൈബ്രറി ആൻഡ് ഇൻഫർമേഷൻ സയൻസ് കോഴ്സിന് അപേക്ഷ ക്ഷണിച്ചു. കോഴ്സ് കാലാവധി: ആറ് മാസം. യോഗ്യത: പ്ലസ് ടു/പ്രീഡിഗ്രി ജയിച്ചിരിക്കണം. കോഴ്സ് ഫീസ്: 7500 രൂപ. അപേക്ഷ കോളജിലെ തുടർവിദ്യാഭ്യാസ യൂണിറ്റിൽ നിന്ന് ലഭിക്കും. അപേക്ഷാഫീസ് : 110 രൂപ. വിശദവിവരങ്ങൾക്ക്: 04722867555, 7293973530.
ബിപിഎ പ്രാക്ടിക്കൽ പരീക്ഷകൾ
2017 ഡിസംബറിൽ നടത്തിയ മൂന്നാം സെമസ്റ്റർ ബിപിഎ ഡാൻസ്, മാർച്ചിൽ നടത്തിയ ഒന്നാം സെമസ്റ്റർ ബിപിഎ ഡാൻസ് പരീക്ഷയുടേയും പ്രാക്ടിക്കൽ പരീക്ഷകൾ 16 മുതൽ 18 വരെ ശ്രീസ്വാതിതിരുനാൾ സംഗീത കോളജിൽ നടത്തും. വിശദമായ ടൈംടേബിൾ വെബ്സൈറ്റിൽ ലഭിക്കും.
ബിഎ/ബിഎസ്‌സി/ബികോം ടൈംടേബിൾ
25ന് ആരംഭിക്കുന്ന ആറാം സെമസ്റ്റർ സിബിസിഎസ്എസ് ബിഎ/ബിഎസ്‌സി/ബികോം ഫസ്റ്റ് ഡിഗ്രി പ്രോഗ്രാം പരീക്ഷയുടെ ടൈംടേബിൾ വെബ്സൈറ്റിൽ ലഭിക്കും.
എംഎ/എംകോം (പ്രൈവറ്റ് രജിസ്ട്രേഷൻ) പരീക്ഷകൾ
16ന് നടത്തുവാൻ നിശ്ചയിച്ചിരുന്ന ഒന്നാം വർഷ എംഎ/എംകോം (പ്രൈവറ്റ് രജിസ്ട്രേഷൻ) പരീക്ഷകൾ മേയ് 15 മുതൽ ആരംഭിക്കും. വിശദമായ ടൈംടേബിൾ വെബ്സൈറ്റിൽ ലഭിക്കും.
അഡ്മിഷൻ ആരംഭിച്ചു
കാന്പസ് അസോസിയേഷൻ നടത്തുന്ന നഴ്സറി സ്കൂളിൽ 201819 അധ്യയന വർഷത്തേക്കുള്ള അഡ്മിഷൻ ആരംഭിച്ചു. ഡേ കെയർ, എൽകെജി, യുകെജി എന്നീ ക്ലാസുകളിലേക്ക് അഡ്മിഷൻ നേരിടാനുള്ള അവസാന തീയതി മേയ് 15. വിശദവിവരങ്ങൾ വെബ്സൈറ്റിൽ. സന്ദർശിക്കുക. നന്പർ: 7558079312, 9846830314.
യുജിസി ഹ്യൂമൻ റിസോഴ്സസ് ഡെവലപ്മെന്‍റ് സെന്‍ററിൽ ഡയറക്ടർ നിയമനത്തിന് അപേക്ഷ ക്ഷണിച്ചു
യുജിസി ഹ്യൂമൻ റിസോഴ്സസ് ഡെവലപ്മെന്‍റ് സെന്‍ററിൽ കരാർ അടിസ്ഥാനത്തിൽ ഡയറക്ടർ നിയമനത്തിന് അപേക്ഷ ക്ഷണിച്ചു. പ്രഫസർ ഗ്രേഡിൽ അധ്യാപന പരിചയമുള്ള സർവീസിൽ നിന്ന് വിരമിച്ച അധ്യാപകർക്ക് അപേക്ഷ സമർപ്പിക്കാം. ഭരണരംഗത്തും പരിശീലനരംഗത്തുമായി 10 വർഷത്തെ പ്രവൃത്തി പരിചയമുള്ളവർക്ക് മുൻഗണന. പ്രായപരിധി 31.03.2018ൽ 64 വയസ് കവിയരുത്. നിശ്ചിത വേതനത്തിൽ ഒരു വർഷത്തേക്കാണ് നിയമനം. വെള്ള പേപ്പറിൽ തയാറാക്കിയ അപേക്ഷ ബന്ധപ്പെട്ട രേഖകളുടെ കോപ്പിയുമായി 20ന് മുൻപ് സർവകലാശാല രജിസ്ട്രാർക്ക് സമർപ്പിക്കണം.