സര്ട്ടിഫിക്കറ്റ് കോഴ്സ് ഇന് ഫാര്മസി (ഹോമിയോ) സപ്ലിമെന്ററി പരീക്ഷയ്ക്ക് അപേക്ഷ ക്ഷണിച്ചു
തിരുവനന്തപുരം: 30 ന് ആരംഭിക്കുന്ന സര്ട്ടിഫിക്കറ്റ് കോഴ്സ് ഇന് ഫാര്മസി (ഹോമിയോ) സപ്ലിമെന്ററി പരീക്ഷയ്ക്ക് അപേക്ഷ ക്ഷണിച്ചു. നിശ്ചിത അപേക്ഷാഫോം തിരുവനന്തപുരം/കോഴിക്കോട് ഗവണ്മെന്റ് ഹോമിയോപ്പതിക് മെഡിക്കല് കോളജുകളില് നിന്നും 16 മുതല് 21 വരെ ലഭിക്കും.
അപേക്ഷകള് പിഴയില്ലാതെ 21 വൈകുന്നേരം അഞ്ച് വരെയും 10 രൂപാ പിഴയോടെ 25നു വൈകുന്നേരം അഞ്ച് വരെയും സ്വീകരിക്കും. അപേക്ഷയോടൊപ്പം പരീക്ഷാ ഫീസായി പേപ്പര് ഒന്നിന് 250/ രൂപ നിരക്കില് തിരുവനന്തപുരം ഗവണ്മെന്റ് ഹോമിയോപ്പതിക് മെഡിക്കല് കോളജ് പ്രിന്സിപ്പൽ ആൻഡ് കണ്ട്രോളിംഗ് ഓഫീസറുടെ പേരില് എസ്ബിഐ ഫോര്ട്ട്, തിരുവനന്തപുരം ബ്രാഞ്ചില് നിന്നും മാറാവുന്ന ഡിഡി ആയി ഉള്ളടക്കം ചെയ്തിരിക്കണം.
പൂരിപ്പിച്ച അപേക്ഷകളും, ഡിഡി യും മുകളില് പറഞ്ഞ തീയതിക്കകം പ്രിന്സിപ്പൽ ആൻഡ് കണ്ട്രോളിംഗ് ഓഫീസര്, ഗവ: ഹോമിയോപ്പതിക് മെഡിക്കല് കോളജ്, തിരുവനന്തപുരം എന്ന വിലാസത്തില് ലഭിക്കും. കോഴിക്കോട്, തിരുവനന്തപുരം ഗവ: ഹോമിയോപ്പതിക് മെഡിക്കല് കോളജുകളാണ് പരീക്ഷാകേന്ദ്രം. രാവിലെ 10 മുതല് 12 വരെയാണ് പരീക്ഷാസമയം.