കോഴിക്കോട്: കാലിക്കട്ട് പ്രസ് ക്ളബിന്റെ 2017 ലെ തെരുവത്ത് രാമൻ, പി.ഉണ്ണികൃഷ്ണൻ, മുഷ്താഖ് അവാർഡുകൾക്ക് മാധ്യമപ്രവർത്തകരിൽനിന്ന് എൻട്രി ക്ഷണിച്ചു. തെരുവത്ത് രാമന്റെ പേരിലുള്ള അവാർഡ് മികച്ച മുഖപ്രസംഗത്തിനാണ്. പി.ഉണ്ണികൃഷ്ണന്റെ പേരിൽ ഏർപ്പെടുത്തിയ അവാർഡ് ചാനലിലെ ഏറ്റവും മികച്ച ജനറൽ റിപ്പോർട്ടിനാണ്. മുഷ്താഖ് സ്പോർട്സ് ജേർണലിസം അവാർഡ് മികച്ച സ്പോർട്സ് റിപ്പോർട്ട് പരന്പരയ്ക്കാണ്. മികച്ച സ്പോർട്സ് ഫോട്ടോഗ്രാഫിനും അവാർഡ് നല്കും. 2017 ജനുവരി ഒന്നുമുതൽ ഡിസംബർ 31 വരെ വന്ന റിപ്പോർട്ടുകളും ഫീച്ചറുകളുമാണ് അവാർഡിന് പരിഗണിക്കുക.